İŞİD terrorçularının “ölüm qabağı” hərəkətləri

Bu barədə politoloq Qabil Hüseynli Ölkə.Az-a açıqlamasında bildirib. Onun sözlərinə görə, İŞİD terror təşkilatının sonu yaxınlaşır.

“İŞİD üzərində Rakka əməliyyatı Mosul əməliyyatı kimi mürəkkəb olmayacaq. Burada ruslarla NATO arasında fikir ayrılıqları yaranmasa. Düşünmürəm ki, Rusiya burada qarşıdurmaya gedə bilər”, - deyə Q.Hüseynli bildirib.

Siyasətçi deyir ki, Rusiya Bəşər Əsədi dəstəkləyə biləcək qədər axıra qədər dayana bilməyəcək:

“Rusiya Suriya məsələsində Bəşər Əsədi dəstəkləməkdən vaz keçəcək. İranı məsələdən kənarlaşdıracaqlar. Türkiyə isə Suriyada hansı payı alacaq, bu məlum deyil. Türkiyə zatən Suriyanın bölünməsi tərəfdarı deyil. Sadəcə sərhədlərinin qorunması üçün çalışır. Onlar kürd federasiyasının yaranmasını istəmirlər. Düşünürəm ki, Amerika da Türkiyənin maraqlarına hörmətlə yanaşacaq”.

Ziya Səccad
Ölkə.Az