"İskəndər"lərə qarşı Azərbaycanda daha müasir raket kompleksləri mövcuddur — Hərbi ekspert

15:02
17.11.2016
20429
Siyasət
A

Sərkisyan "İskəndər" raket kompleksinin Ermənistan ərazisində yerləşdirilməsinə münasibət bildirib.

Ermənistan prezidenti bildirib ki, "İskəndər" kompleksinin yerləşdirilməsi regionda stabilliyi saxlamaq üçün nəzərdə tutulub.

Bundan əlavə Sərkisyan deyib ki, bölgədə hərbi vəziyyəti balanslaşdırmaq üçün hansısa vasitədən istifadə etmək lazımdır. Sirr deyil ki, Azərbaycan son bir neçə ildə müntəzəm olaraq ən müasir silahlara yiyələnib. Bizim Azərbaycan kimi maliyyə imkanlarımız yoxdur. Amma vəziyyəti balanslaşdırmaq üçün yollar axtarırıq. Ümid edirəm ki, "İskəndər" raket kompleksi bu vəziyyətdə balans üçün yaxşı vasitədir.

Bu məsələlərə hərbi ekspert Abuzər Əbilov Ölkə.Az-a verdiyi açıqlamasında aydınlıq gətirib:

"Əvvəlcə deyim ki, bu Ermənistan prezidentinin birinci və axırıncı sərsəmləməsi deyil. Əgər Ermənistan adekvat dövlətdirsə və regionda stabil təhlükəsizliyə və iqtisadi inkişafa nail olmaq istəyirsə, bu zaman o, öz qonşuları ilə mehriban münasibət qurmalı və başqa dövlətlərə qarşı Rusiyanın dəstəyi ilə ərazi iddialarından əl cəkməlidir. İkincisinə qalanda Ermənistan özünün dediyinə baxmadan, bu gün Qafqaz regionunda müstəqilliyini və dövlət maraqlarını itirmiş yeganə dövlətdir ki, millli sərvətlərindən başqa, milli qürurunu da itirib. Bu dövlətin iqtisadiyyatından tutmuş, hərbi qüvvələrinə kimi, başqa dövlətin, yəni, Rusiyanın inhisarındadır. Bu baxımdan da Sərkisyanın çıxışı, Padşah yanında ucuz "vassal" siması kimi qiymətləndirilir.

"İskəndər" raket komplekslərinə qalanda isə, bunu şişirdib nüvə və digər dünya dağıdan silah növlərinə qaynaqlayaraq, ondan böyük bəla imici yaratmaq da lazım deyil. Əvvəla Ermənistana pay verilmiş bu raketlərdən istifadə məhduddur. Yəni bu silah məhz Ermənistan ərazisindən atılmalıdır ki, bu da məhz Ermənistanın münaqişə tərəfi olduğuna tam sübut olar. Başqa halda isə Ermənistan, münaqişədə özünün yox, Qarabağ ermənilərinin iştirakını və burada qurulmuş qondarma respublikanın münaqişə tərəfi olduğunu iddia edir. Məhz bu raketlərdən istifadə, Ermənistanı cox acınacaqlı hala sala bilər. Çünki atəş zamanı 1-2 yaxud bir neçə belə raket atılarsa, bu Azərbaycanın hansısa bir regionunda şəhərin hansısa bir hissəsində dağıntı və tələfatlara gətirib çıxarar və şəhəri yer üzündən silə bilməz. Lakin bunun cavabı cox acınacaqlı olar. Bu zaman artıq Azərbaycan əlində olan dağıdıcı həcmcə heç də kiçik olmayan raket kompleksləri vasitəsi ilə iki tərəfdən, Tovuz-Qazax və Naxçıvan tərəfdən Ermənistana zərbələr endirəcəkdir. Bu zaman artıq Rusiyanın da və hətta KTMT-nin də bu savaşa qatıla bilməyəcəyi labüddür. Çünki bildiyimiz kimi Kollektiv Təhlükəsizlik Müqaviləsi Təşkilatının bir çox üzvlərinin Ermənistana münasibəti neqativdir və bu zaman Ermənistan savaş başlamış dövlət kimi qınanacaqdır. Bundan əlavə "İskəndər" kimi raketlərə əks olaraq Azərbaycanda artıq müasir komplekslər mövcuddur. Ermənistan istəsə də, istəməsə də silahlanma yarışında geriləməlidir. Çünki əsasən iqtisadi baxımdan Rusiyadan asılı olduğundan, bu zaman o ancaq Rusiya silahı almalı olacaqdır. Rusiya isə zaman-zaman müasir texnologiyada geriləməyə məcbur olmuş silahlarla bu dövləti təmin edəcək. Azərbaycanın isə aparıcı və ən müasir texnologiyalı silah istehsalçısı olan dövlətlərlə yaxşı əlaqələri var".

Səxavət Məmməd
Ölkə.Az

ŞƏRH YAZ
0

Azərbaycan XİN-dən İrana səfər edən vətəndaşlara — XƏBƏRDARLIQ

Azərbaycan XİN-dən İrana səfər edən vətəndaşlara
14:42
Bu gün
510
Siyasət
A
Azərbaycan Respublikasının Xarici İşlər Nazirliyi son zamanlar yeni növ təhlükəli virusun (coronavirus 2019-nCoV) yaxın bölgəmizdə yayılması təhlükəsini nəzərə alaraq və İran İslam Respublikasının rəsmi qurumlarının bu xüsusda yaydığı xəbərdarlığa istinad edərək, Azərbaycan Respublikasının vətəndaşlarını İran İslam Respublikasına səyahət edərkən, xüsusilə də ziyarət səfərləri zamanı son dərəcə ehtiyatlı olmalarını, Ümumdünya Səhiyyə Təşkilatının tövsiyələrinə əməl etmələrini tövsiyə edir.

"Ölkə.Az" bildirir ki, Xarici İşlər Nazirliyinin mətbuat xidmətindən verilən məlumata görə, hər hansı problemlə üzləşdikləri zaman Azərbaycan vətəndaşlarından Azərbaycan Respublikasının Tehran şəhərindəki Səfirliyinə və ya Təbriz şəhərindəki Baş Konsulluğuna müraciət etmələri tövsiyə olunur.

Azərbaycan Respublikasının xarici ölkələrdəki bütün səfirlik və konsulluqlarının ünvanları Azərbaycan Respublikası Xarici İşlər Nazirliyinin internet səhifəsində (www.mfa.gov.az) yerləşdirilib. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur.

ŞƏRH YAZ
0

Hadi Rəcəbli və Hüseynbala Mirələmov nə qədər pensiya alacaq?

Hadi Rəcəbli və Hüseynbala Mirələmov nə qədər pensiya alacaq?
13:10
Bu gün
1079
Siyasət
A
V çağırış Milli Məclisin Əmək və sosial siyasət komitəsinin sədri 73 yaşlı Hadi Rəcəblinin və həmin çağırış parlamentin deputatı 75 yaşlı Hüseynbala Mirələmovun alacağı pensiyanın miqdarı açıqlanıb.

"Ölkə.Az" pravda.az-a istinadən xəbər verir ki, qanunvericiliyə əsasən, əmək pensiyası yaşına çatmış sabiq deputat səlahiyyət müddəti ərzində Azərbaycan Respublikası Milli Məclisinin sədri, sədrin birinci müavini, sədrin müavini, komitə və komissiya sədri və ya sədrinin müavini, Naxçıvan Muxtar Respublikası Ali Məclisinin sədri, sədrin birinci müavini, sədrin müavini, komissiya sədri və ya komissiya sədrinin müavini vəzifəsinə seçilmişdirsə, onun əmək pensiyasına Azərbaycan Respublikası Milli Məclisinin sədrinin, sədrin birinci müavininin, sədrin müavininin, komitə və komissiya sədrinin və ya sədrinin müavininin, Naxçıvan Muxtar Respublikası Ali Məclisinin sədrinin, sədrin birinci müavininin, sədrin müavininin, komissiya sədrinin və ya komissiya sədrinin müavininin əməkhaqqının, əməkhaqqındakı sonrakı artımlar da nəzərə alınmaqla, 80 faizi miqdarı ilə bu qanunla təyin edilən əmək pensiyasının məbləği arasındakı fərq qədər əlavə ödənilir. 

Hadi Rəcəbli komitə sədri olduğu üçün maaşı 1 980 (əlavələr buna aid deyil), Hüseynbala Mirələmov isə deputat kimi 1 732 manat maaş alıb. “Əmək pensiyaları haqqında” qanuna əsasən, H.Rəcəbli 1 526, H.Mirələmov isə 1 385 AZN pensiya alacaq. 

Mərkəzi Seçki Komissiyasının fevralın 13-də keçirilmiş iclasında 74 saylı Lənkəran kənd seçki dairəsinin (lider namizəd Hadi Rəcəbli), 33 saylı Xətai birinci seçki dairəsinin (lider namizəd Hüseynbala Mirələmov), 80 saylı İmişli-Beyləqan seçki dairəsinin (lider namizəd Çingiz Qənizadə), 35 saylı Xətai üçüncü seçki dairəsinin (lider namizəd Rauf Arifoğlu) nəticələri ləğv edilib. 

H.Rəcəbli və H.Mirələmov bir daha namizədliklərini irəli sürməyəcəklərini bəyan ediblər. Ç.Qənizadə isə növbəti dəfə də deputatlığa namizəd olacağını açıqlayıb. Əgər 63 yaşlı yaşlı Ç.Qənizadə deputat seçilməzsə, işə düzələnədək 1 il müddətində hər ay deputatın aylıq vəzifə maaşının 80 faizi məbləğində qanunvericiliklə müəyyənləşdirilmiş qaydada müavinət alacaq. Bu qayda Fərəc Quliyevə də aiddir. 

ŞƏRH YAZ
0
BAĞLA