KORONAVİRUSA YOLUXANLARIN SAYI - CANLI STATİSTİKA

İslahatların məqsədi: Rüşvətxorluğun kökü kəsilməlidir — VİDEO

İslahatların məqsədi: Rüşvətxorluğun kökü kəsilməlidir
00:16
23.05.2020
1651
Siyasət
A
Azərbaycan cəmiyyətində korrupsiya və rüşvətxorluğun kökü kəsilməlidir deyildiyi halda bəzi məmurlar tamahından əl çəkmir ki, çəkmir.

Hələ də dövlət başçısının xəbərdarlıqlarından nəticə çıxarmayıb kasıbın malına, haqqına göz dikənlər tapılır. Belə vəziyyətdə həmin şəxslərin öz nəfslərini milli maraqlardan üstün tutması dövlətə xəyanət hesab edilir. Çünki bu əməllər vətəndaşda dövlətə, aparılan islahatlara inamsızlıq yaradır. Nəticədə belə şəxslər dövlətin sərt üzü ilə qarşı-qarşıya qalırlar.  

Millət vəkili Elşad Mirbəşiroğlunun fikrincə korrupsiya hallarına imkan verən şərait, boşluqlar mövcud olduqca rüşvətxorluğun tam kökü kəsilməyəcək: 

“Ölkə prezidenti korrupsiyaya qarşı qətiyyətli mübarizə aparmaqdadır. İnstitusional islahatların da mərkəzində məhz həmin amillərin aradan qaldırılması dayanır. Qısacası məmur-vətəndaş təması minimuma endirilməlidir”.  

Millət vəkili Hikmət Babaoğlu isə rüşvətxorluqla mübarizədə ictimai nəzarətin xüsusi çəkisini vurğulayır: 

“Aydındır ki, ümumi islahatlar dalğasında kadr islahatları da qaçılmazdır. Korrupsiya kimi bəlayla mübarizədə müasir kadrlar, ilk növbədə, Vətənə bağlı olmalı, ümumi işə öz töhfəsini verməlidir. Bu zaman keçmiş kadrların xoşagəlməz addımlarının nəticəsi göz önündə olmalı, qanunun aliliyi qorunmalıdır”. 

ŞƏRH YAZ
0

“Ölkə başçısı tarixçilərə dərs keçdi” — Əli Hüseynli

“Ölkə başçısı tarixçilərə dərs keçdi”
12:43
Bu gün
385
Siyasət
A
“Prezident İlham Əliyev bu günlərdə “Qobu Park-3” yaşayış massivinin açılışı zamanı çıxışında müasir Azərbaycan dövlətçiliyinin tarixi ilə bağlı çox vacib açıqlamalar verərək bir sıra məsələlərə aydınlıq gətirdi. Bununla ölkə başçısı həm də tarixçilərə bir dərs keçdi”.

“Ölkə.Az” xəbər verir ki, bunu Milli Məclisin bu gün keçirilən iclasında cari məsələlərin müzakirəsi zamanı parlamentin birinci vitse -spikeri Əli Hüseynli deyib.

Onun sözlərinə görə, AXC-nin gördüyü işləri xatırlamaqla yanaşı həm də buraxılmış səhvləri, İrəvanın Ermənistana verilməsi və digər tarixi məsələlərlə bağlı problemləri yada saldı.

O bildirib ki, ölkə başçısı müasir Azərbaycan tarixi ilə bağlı vacib məsələləri açıqlamaqla həm də tarixçilərə dərs keçdi:

“Ölkə başçısının fikirləri həm tövsiyə xarakteri daşıyırdı, həm də yanlışlıqlardan nəticə çıxararaq bir də belə səhvlərə yol verməmək xarakteri daşıyırdı. Heydər Əliyev hələ 80-ci illərin sonunda sovetləri güclü dövründə AXC-nin üçrəngli bayrağını Naxçıvanda dalğalandırdı. Bu cür tarixi analiz nəticəsində Azərbaycan heç olmadığı qədər güclüdür. Real müstəqil dövlətin güclü siyasi liderinin qəbul etdiyi qərarlar nəticəsində Ramil Səfərov bu gün azadlıqdadır. Hətta ölkə başçısı Ramil Səfərovla bağlı təzyiqlərə məruz qaldı. Son dövrlər ölkə başçısının bu çıxışına bir sıra mətbuat nümayəndələri də bu məsələni düzgün şərh etmədilər. Milli Şura üzvləri ilə yanaşı heç tarixçilər bu məsələyə düzgün qiymət vermədilər. Dövlət başçısının verdiyi bu izahların təhrif ediıməsinə heç bir ehtiyac yoxdur”.

Mürtəza

Ölkə.Az

ŞƏRH YAZ
0

““Freedoom House”, SOROS və digərləri Trampa qarşı niyə söz deyə bilmirlər?” — Siyavuş Novruzovdan SƏRT AÇIQLAMA

““Freedoom House”, SOROS və digərləri Trampa qarşı niyə söz deyə bilmirlər?”
12:21
Bu gün
434
Siyasət
A
“Uzun illər ABŞ-ın digər ölkələrə səpdiyi toxumlar indi özünə qayıdır”.

“Ölkə.Az” xəbər verir ki, bunu Milli Məclisin deputatı Siyavuş Novruzov parlamentin bu gün keçirilən plenar iclasında çıxış edərkən deyib.

Vaxtilə xaricdə oturub Azərbaycan əleyhinə iş aparanlarla bağlı iş qaldırıldığını deyən deputat söyləyib ki, Azərbaycanda silahlı üsyana çağırış edənlər, terrozimə dəstək verənlər, dövlət və hökumət nümayəndələrinə qarşı sui-qəsd təşkil edməsini tərifləyənlər, ona rəvac verənlər, o cür insanları qəhrəman hesab edənlər terrorizmin dini ekstremizmin birbaşa çağırışı ilə bağlı idi:

“Bu, bütün beynəlxalq normalarında cinayət hesab olunur. Çox təəssüf ki, Azərbaycan bu məsələləri gündəmə gətirəndə, başladılar ki, Azərbaycanda söz, mətbuat azadlığı yoxdur, insanların hüquqları pozulur. 20 ildən çoxdur ki, ümummilli lider Heydər Əliyev və Prezident İlham Əliyev hər zaman ərazi btüövlüyünün önəmi ilə bağlı məsələ qaldırıblar. Lakin İspaniyada hadisələr baş verənə qədər heç kim ərazi bütövlüyü məsələsinə reaksiya vermirdi. Ondan sonra yadda düşdü ki, ərazi bütövlüyü əsas şərtdir. Biz 3 il bundan qabaq məsələ qaldıranda ki, internetdən anonim şəkildə istifadə öz həllini tapmalıdır. Şəxsiyyət vəsiqəsi ilə qeydiyyatdan keçməklə istənilən məsələ haqqında fikir və tənqidlərini söyləmək mümkündür. O zaman internetin sıxışdılması ilə bağlı fikirləri irəli sürməyə başladılar. “Freedoom House”, SOROS və digərləri hanı? Trampa qarşı niyə söz deyə bilmirlər? ABŞ çörəyi yeyən Cəmil Həsənli, Arif Yunus, Sevinc Osmanqızı haradadır? Əgər Azərbaycanda internetlə bağlı hər hansı məsələ olsa idi, indi səsləri Avropa Şurasından gəlirdi”.

Mürtəza

Ölkə.Az

ŞƏRH YAZ
0
BAĞLA