İslam əleyhdarı Vildersdən axmaq müsabiqə — Hədəf Məhəmməd Peyğəmbərdir

İslam əleyhdarı Vildersdən axmaq müsabiqə
19:27
17.05.2018
3245
Dünya
A
Hollandiyada miqrantlar və İslam əleyhdarı kimi tanınan Vilders yeni qərar qəbul edib.

“Ölkə.Az” xəbər verir ki, Vilders Məhəmməd Peyğəmbərə aid karikatura müsabiqəsi keçirir. O, qalibə 5 min avro mükafat verəcəyini bildirib. 

İrqçi siyasətçi müsabiqəni təhlükəsizlik məqsədi ilə parlament binasında keçirmək istəyir. Vilders müsabiqəni fikir azadlığına aid təzyiqlərə bir reaksiya kimi keçirdiyini bildirib.

Müsabiqədə birinci yerə 5 min, ikinci yerə isə 2.500 avro mükafat veriləcək. Bu pulu isə adının açıqlanmasını istəməyən iş adamı verəcək. Vilders bildirib ki, müsabiqənin nəticələri xristianların ən önəmli dini bayramı Miladdan əvvəl açıqlanacaq.

Hikmət Həsənov
Ölkə.Az

ŞƏRH YAZ
0

Mafiya sıralarını tərk edib kitab yazdı, təqdimatda öldürüldü

Mafiya sıralarını tərk edib kitab yazdı, təqdimatda öldürüldü
19:31
Bu gün
721
Dünya
A
Danimarkanın paytaxtı Kopenhagen şəhərində “Los Guerreros” qruplaşmasının keçmiş lideri Nedim Yaşar öldürülüb.

“Ölkə.Az” xəbər verir ki, bu barədə Kopenhagen polisi açıqlama verib. Açıqlamaya əsasən, dünən axşam saatlarında şəhərin Nörrebro səmtindəki bir küçədə Yaşara 2 dəfə atəş açan şəxs hadisə yerindən qaçıb. Ağır yaralı xəstəxanaya çatdırılsa da, onu xilas etmək mümkün olmayıb.

Nedim Yaşar bir müddət əvvəl təhdid edildiyini bildirmişdi, ötən il də hücuma məruz qalmışdı. Yaşar yerli bir radioda “Polis radiosu” adlı proqram hazırlayırdı. Bundan başqa onun mafiyaya aid kitabı da çapdan çıxmışdı. Yaşar isə kitabın təqdimatından çıxanda güllələnib.

Hikmət Həsənov
Ölkə.Az

ŞƏRH YAZ
0

Moskvada qazıntı zamanı mamont kəlləsi və xəzinə tapıldı

Moskvada qazıntı zamanı mamont kəlləsi və xəzinə tapıldı
18:21
Bu gün
988
Dünya
A
Moskva vilayətinin Zaraysk dayanacağında arxeoloqlar ibtidai insanın yaşadığı qədim məskəni aşkar ediblər.

 “Ölkə.Az” xəbər verir ki, bundan başqa içərisində xəzinə gizlədilmiş mamont kəlləsi də tapılıb. Bu barədə mədəniyyət nazirliyinin Moskva idarəsi məlumat yayıb.

Arxeologiya institununun ekspedisiyasına rəhbərlik edən Sergey lev bildirib ki, xəzinədə zinət əşyaları və silahlar var. Bundan başqa alimlər ibtidai insanın məskənini, mamontun sümük və dişlərini də tapıblar.

Bundan başqa alimlər ilk insan düşərgəsini qazıblar və çoxlu heyvan sümüyü aşkar ediblər. Bütün düşərgədə kömür izi və qırmızı rəng izi də tapılıb. Qeyd edək ki, düşərgə üst paleolit dövrünə aiddir.

Hikmət Həsənov
Ölkə.Az

ŞƏRH YAZ
0
BAĞLA