İslamiada: 12-ci günün təqvimi

İslamiada: 12-ci günün təqvimi
09:41
19.05.2017
317
İdman
A
"Bakı 2017" IV İslam Həmrəyliyi Oyunlarında bu gün 7 növ üzrə mübarizə gedəcək.

"Ölkə.Az" Report-a istinadən xəbər verir ki, bu növlərdən 4-də - Atletika / para-atletika və suya tullanmada növbəti, stolüstü tennis və sərbəst güləşdə isə ilk medal dəstləri sahiblərini tapacaq.

Azərbaycan idmançılarının bu növlərin hamısında medal qazanma şansları var. Atletika / para-atletikada indiyədək bir çox medal əldə olunubsa, suya tullanmada ölkənin aktininə hələlik bir bürünc medal yazılıb. Stolüstü tennisdə qadınların fərdi mübarizəsində Azərbaycanın 2 təmsilçisi yarımfinala yüksəlib. Keçirəcəkləri görüşlərin nəticələrindən asılı olmayaraq, ən azı biri medalı təmin edib. Sərbəst güləşdə isə ilk yarış günündə 4 çəkidə mübarizə gedəcək.

Voleybolçu kişilərin mübarizəsində keçiriləcək oyunlarla qrup mərhələsinə yekun vurulacaq. Azərbaycan yığması qrup birincisi kimi yarımfinala vəsiqəni təmin edib. Növəti mərhələdə rəqib böyük ehtimalla Əlcəzair olacaq. Bugünkü oyunlardan sonra bu ada tam aydınlıq gələcək. Basketbol 3X3 növündə mübarizəyə qələbələrlə başlayan kişi və qadınlardan ibarət yığmalar qrupda son oyunlarını keçirəcəklər. Bununla da 1/4 finala vəsiqələr sahiblərini tapacaq. Tennisdə isə qadınların fərdi mübarizəsində Umayra Haşımova 1/8 final görüşünü keçirəcək.

Qeyd edək ki, hələlik Azərbaycanın aktivində 116 medal var. Bunlardan 59-u qızıl, 33-ü gümüş, 24-ü bürüncdür.

Atletika
Kişilər
4X100 metr estafet qaçışı: Təsnifat mərhələsi. Azərbaycan (Kamran Əsgərov, Nazim Babayev, İlham İksanov, Yevgeni Kasilov, Ramiz Məlikov, Rahib Məmmədov
Nizə atma: Final. Orxan Qasımov
Uzunluğa tullanma: Final. Orxan Aslanov, Nazim Babayev
Hündürlüyə tullanma: Final. Azər Əhmədov
400 metr T12: Təsnifat mərhələsi: Ülvi Şıxəliyev, Elmir Cəbrayılov
4X100 metr estafet qaçışı (T11 / T12 / T13): Final. Azərbaycan (Zeynal Miskərli, Kamil Əliyev, Elmir Cəbrayılov, Nurlan İbrahimov, Teymur Qasımov, Elçin Muradov)

Qadınlar
Lövhə atma: Final. Hanna Skidan
200 metr T12: Təsnifat mərhələsi. Yelena Çebanu, İradə Əliyeva
1500 metr: Final. Anastasiya Komarova
4X100 metr estafet qaçışı: Final. Azərbaycan (Nazan Azməmmədli, Zəkiyyə Həsənova, Alyona Xeyrutdinova, Yelena Pextıryova, Valeriya Həsənova)
Bakı Olimpiya Stadionu

Basketbol 3X3
Kişilər
A qrupu
16:30. Türkiyə - Türkmənistan
17:00. Səudiyyə Ərəbistanı - Azərbaycan
18:30. Türkmənistan - Pakistan
19:00. Səudiyyə Ərəbistanı - Türkiyə
20:00. Azərbaycan - Pakistan

Xal durumu: Səudiyyə Ərəbistanı - 4, Azərbaycan - 4, Türkiyə - 2, Türkmənistan - 0, Pakistan - 0.

B qrupu
11:00. İndoneziya - Kot dİvuar
11:30. Mali - Qətər
12:30. Kot dİvuar - İordaniya
13:00. Mali - İndoneziya
13:30. Qətər - İordaniya
Xal durumu: Qətər - 4, Mali - 2, İndoneziya - 2, Kot dİvuar - 2, İordaniya - 0.

Qadınlar
A qrupu
10:00. Türkmənistan - Əlcəzair
10:30. Mali - Azərbaycan
12:00. Mali - Türkmənistan
Xal durumu: Azərbaycan - 4, Mali - 2, Əlcəzair - 0, Türkmənistan - 0.

B qrupu
15:30. İndoneziya - Suriya
16:00. Fələstin - Türkiyə
17:30. Suriya - Pakistan
18:00. Fələstin - İndoneziya
19:30. Türkiyə - Pakistan

Xal durumu: Türkiyə - 4, Suriya - 2, İndoneziya - 2, Fələstin - 2, Pakistan - 0.

Basketbol Arenası
Suya tullanma

Kişilər
3 metr tramplin sinxron: Final. Artyom Danilov - Dmitri Sorokin

Qadınlar
10 metr platforma: Təsnifat mərhələsi. Olqa Bıkovskaya
Bakı Su İdmanı Mərkəzi
Stolüstü tennis

Qadınlar
Fərdi yarımfinal
10:00. Miao Vanq (Azərbaycan) - Melek Hu (Türkiyə)
11:00. Jinq Ninq - Neda Şahsavari (İran)
"Sərhədçi" İdman Olimpiya Mərkəzi

Tennis
Qadınlar
Fərdi
1/8 final. Umayra Haşımova - Jahan Bayramova (Türkmənistan)
Bakı Tennis Akademiyası

Voleybol
Kişilər
A qrupu
10:00. Türkiyə - Fələstin
12:30. Türkmənistan - Pakistan

Xal durumu: Azərbaycan - 11 xal (4 oyuna), Türkiyə - 6 (3), Pakistan - 4 (3), Türkmənistan - 3 (3), Fələstin - 0 (3).

B qrupu
17:00. Qətər - Mərakeş
19:30. Əlcəzair - Səudiyyə Ərəbistanı
Xal durumu: İran - 12 xal (4 oyuna), Əlcəzair - 6 (3), Qətər - 3 (3), Mərakeş - 3 (3), Səudiyyə Ərəbistanı - 0 (3).
Bakı Kristal Zalı-1

Sərbəst güləş
57 kq
1/4 final. Mahir Əmiraslanov - Roland Tambi Nforsonq (Kamerun)
65 kq
1/8 final. Məhəmməd Müslümov - Aşi İnnosent Abbe (Kot dİvuar)
74 kq
1/8 final. Cəbrayıl Həsənov - Peyman Yarəhmədi (İran)
97 kq
1/4 final. Nurmaqomed Hacıyev - Yusup Melejayev (Türkmənistan)

Heydər Əliyev adına İdman Arenası

ŞƏRH YAZ
0

Formula 1 Azərbaycan Qran-Prisinə hazırlıq işlərinin 90 faizi başa çatıb

Formula 1 Azərbaycan Qran-Prisinə hazırlıq işlərinin 90 faizi başa çatıb
00:11
Bu gün
179
İdman
A
Formula 1 Azərbaycan Qran-Prisinə hazırlıq işlərinin 90 faizi başa çatıb. Pit və komanda binaları, eləcə də qarajlar yarışa tam hazırdır.

"Ölkə.Az" Azərtac-a istinadən xəbər verir ki, bu sözləri aprelin 20-də “Bakı Şəhər Halqası” Əməliyyat Şirkətinin (BŞH) yarış obyektinin tikintisi üzrə rəhbəri Tom Butçer jurnalistlərə müsahibəsində deyib.

O bildirib ki, tribunalarla bağlı işlərin 95 faizi yekunlaşıb. Qalan işlər də növbəti günlərdə tamamlanacaq. Bizi bir həftə sonra çox gözəl yarış gözləyir və hamı Bakı küçələrində sürücülərin mübarizəsinə şahid olacaq. Ötən il olduğu kimi, trekin düşdüyü mərkəzi küçələr nəqliyyatın hərəkəti üçün bağlanacaq.

T.Butçer qeyd edib ki, dəniz və hava yolu ilə gələn bütün yüklər artıq Bakıya çatıb. Gələn həftənin əvvəlində Beynəlxalq Avtomobil Federasiyasının rəsmiləri Bakı trekinə baş çəkib, inspeksiya işlərini həyata keçirəcəklər. Bakı treki standartlara uyğundur və yağışlı, eyni zamanda, küləkli hava şəraitinə hazırdır.

Qeyd edək ki, Formula 1 Azərbaycan Qran-Prisi aprelin 27-29-da keçiriləcək.

Ölkə.Az

ŞƏRH YAZ
0

Bakıda "Formula-1"lə bağlı iki xəstəxana ayrıldı

Bakıda
15:30
20.04.2018
170
İdman
A
Səhiyyə naziri Oqtay Şirəliyev 27 – 29 apreldə “Formula-1 Azərbaycan Qran Prisi”ndə tədbirin iştirakçılarına və qonaqlara tibbi yardımı təmin etmək məqsədilə əmr imzalayıb.

Nazirlikdən "Ölkə.Az"a bildirilib ki,  əmrə əsasən, ehtiyac olduğu halda idmançıların və qonaqların hospitalizasiyası Mərkəzi Neftçilər Xəstəxanasında və Bakı şəhər Kliniki Tibbi Mərkəzdə təşkil ediləcək.

Respublika Gigiyena və Epidemiologiya Mərkəzinə nümayəndə heyətləri üçün ayrılmış mehmanxanalarda və iaşə müəssisələrində sanitariya-gigiyena qaydalarına əməl olunması ciddi nəzarət etmək tapşırılıb.  

ŞƏRH YAZ
1
BAĞLA