İsmayıllı sakini həmyerlisini bıçaqladı

İsmayıllı sakini həmyerlisini bıçaqladı
12:03
14.05.2019
704
Hadisə
A
İsmayıllı rayonunda həmkəndlisini bıçaqlamaqda təqsirli bilinən Ramil Kərimov məhkəməyə apellyasiya şikayəti verib.

"Ölkə.Az" xəbər verir ki, təqsirləndirilən şəxsin şikayətinə may ayının 21-də Şəki Apellyasiya Məhkəməsində hakim Rafail Əliyevin sədrliyi ilə keçiriləcək məhkəmə iclasında baxılaçaq.

Qeyd edək ki, hadisə rayonun Qubaxəlilli kəndində baş verib.

Kənd sakini, 1989-cu il təvəllüdlü Kərimov Ramil Tofiq oğlu həmkəndlisi 1991-ci il təvəllüdlü Şirəlibəyli İsmayıl Fikrət oğlu ilə şəxsi münasibətlər zəminində mübahisə edib.

Mübahisə nəticəsində R.Kərimov üzərində gəzdirdiyi bıçaqla İ.Şirəlibəylini bıçaqlayıb.

Yaralı xəstəxanaya çatdırılıb.

Həkimlərin səyi nəticəsində onun həyatını xilas etmək mümkün olub.

Faktla bağlı İsmayıllı rayon Polis Şöbəsində Cinayət Məcəlləsinin 126.1-ci (qəsdən sağlamlığa zərər vurma) maddəsilə cinayət işi başlanıb.
Hadisəni törətməkdə şübhəli bilinən R.Kərimov tutularaq istintaqa təhvil verilib.

Natiq Allahverdiyev
Ölkə.Az

ŞƏRH YAZ
0

Xırdalanda “Mercedes” yolda qazılmış xəndəyə düşdü — FOTO

Xırdalanda “Mercedes” yolda qazılmış xəndəyə düşdü
02:01
Bu gün
529
Hadisə
A
Abşeron rayonu, Xırdalan şəhəri ərazisində "Mercedes" markalı avtomobil qazılmış xəndəyə düşüb.

“Ölkə.Az” APA-ya istinadən xəbər verir ki, hadisə Heydər Əliyev prospektində qeydə alınıb. Qəza nəticəsində xəsarət alan olmayıb.

Bildirilir ki, həmin prospektdə bir müddətdir ki, kanalizasiya xətlərinin yenilənməsi işləri görülür. Avtoqəza baş verməzdən əvvəl orada xəbərdaredici nişanların olub-olmaması barədə məlumat yoxdur.

Ölkə.Az

ŞƏRH YAZ
0

Ermənilər Ağdamda yanğın törətdi

Ermənilər Ağdamda yanğın törətdi
00:46
Bu gün
704
Hadisə
A
Erməni hərbi birləşmələri nəzarət etdikləri Azərbaycan torpaqlarında yenidən yanğın törədib.

“Ölkə.Az” APA-ya istinadən xəbər verir ki, alov Ağdamın işğal altında olan Güllücə kəndi ərazisində meydana gəlib.

Kəndin ərazisində başlayan yanğın daha sonra xarabalığa çevrilən digər ərazilərə yayılıb. Hazırda yanğın həmin istiqamətdəki bütün yaşayış məntəqələrindən müşahidə olunur.

Ölkə.Az

ŞƏRH YAZ
0
BAĞLA