İsmayıllıda keçmiş məhkum işlədiyi evdən oğurluq etdi

İsmayıllıda keçmiş məhkum işlədiyi evdən oğurluq etdi
20:07
09.09.2019
4813
Hadisə
A
İsmayıllı rayonunda işlədiyi evdən oğurluq etməkdə şübhəli bilinən şəxs saxlanılıb.

"Ölkə.Az" xəbər verir ki, İsmayıllı Rayon Polis Şöbəsinə ərizə ilə müraciət edən rayon sakini yaşadığı evdən özünün olmadığı müddətdə oğurluq olması barədə məlumat verib.

Daxil olmuş müraciətlə əlaqədar polis əməkdaşları tərəfindən hadisə yerinə baxış keçirilib. Zərərçəkmişə məxsus evdən ümumi dəyəri 1400 manat olan 2 ədəd qızıl üzük, 1 ədəd qızıl boyunbağı və az məbləğdə pulun oğurlandığı müəyyən edilib.

Rayon Polis Şöbəsi əməkdaşları tərəfindən keçirilən əməliyyat-axtarış tədbirləri nəticəsində cinayət əməlini törədən şəxsin əvvəllər həmin evdə fəhlə olaraq işləyən İsmayıllı rayon sakini, əvvəllər də oğurluğa görə məhkum olunmuş 37 yaşlı Elçin Ağayev olduğu müəyyən olunub və o, şübhəli şəxs qismində saxlanılaraq Polis Şöbəsinə gətirilib. Dindirilmə zamanı E.Ağayev törətdiyi əməli etiraf edərək oğurladığı qızıl-zinət əşyalarını Bərdə və Qəbələ rayonlarında qızıl alqı-satqı məntəqələrinə satdığını bildirib. Oğurlanmış qızılların bəziləri həmin məntəqələrdən polis əməkdaşları tərəfindən maddi sübut kimi götürülüb.

Faktla bağlı cinayət işi başlanılıb

Natiq Allahverdiyev
Ölkə.Az

 

ŞƏRH YAZ
0

İsmayıllıda ağır yol qəzasında ölənlərin adları məlum oldu — Bir ailənin üzvləridir

İsmayıllıda ağır yol qəzasında ölənlərin adları məlum oldu
18:52
Bu gün
186
Hadisə
A
Bakıdan Qəbələyə turistləri aparan “Mercedes-Benz” markalı avtobusun Muğanlı-İsmayıllı yolunun İsmayıllı rayonunun Bilzan kəndi ərazisindən keçən hissəsində “VAZ-2106” markalı minik avtomobili ilə toqquşması nəticəsində 3 nəfər ölüb, bir neçə nəfər xəsarət alıb.

"Ölkə.Az" report-a istinadən xəbər verir ki, hadisə zamanı “VAZ-2106” markalı minik avtomobilinin sürücü İlham Quliyev, həyat yoldaşı İlahə Quliyeva və onların azyaşlı qızı Aysu Quliyeva ölüb. Ailənin digər üzvü Elcan Quliyev isə qəza zamanı xəsarət alıb.

Qəza nəticəsində habelə “Mercedes-Benz” markalı sərnişin avtobusunun sərnişinləri, Bakı sakinləri - 1990-cı il təvəllüdlü Əhmədova Vüsalə Musa qızı, 1959-cu il təvəllüdlü Suvar Ramazanova Şahbazovna, 1975-ci il təvəllüdlü Aslanova Xatirə Rafiq qızı, 2007-ci il təvəllüdlü Aslanov Əli Etibar oğlu xəsarət alıblar. Yaralılar İsmayıllı rayon Mərkəzi Xəstəxanasına yerləşdirilib.

Hadisə zamanı xəsarət alan digər yaralılar təcili tibbi yardım stansiyalarının avtomobilləri ilə ətraf rayonların xəstəxanalarına aparılıblar.

Qeyd edək ki, hər iki avtomobil zərbənin gücündən yoldan çıxaraq aşıb.

ŞƏRH YAZ
0

Oğuzda dağlıq- meşəlik ərazidə yanğın başlayıb — FOTO

Oğuzda dağlıq- meşəlik ərazidə yanğın başlayıb
17:39
Bu gün
699
Hadisə
A
Fövqəladə Hallar Nazirliyinin (FHN) “112” qaynar telefon xəttinə, Oğuz rayonunun Xalxal kəndində, dağlıq ərazidə yanğın baş verməsi barədə məlumat daxil olub.

"Ölkə.Az"ın FHN-nin saytına istinadən verdiyi məlumata görə, yanğının söndürülməsi işlərinə nazirliyin Dövlət Yanğından Mühafizə Xidmətinin yanğınsöndürmə bölmələri cəlb edilib.

İlkin məlumata əsasən, mürəkkəb relyefli dağlıq ərazidə təqribən 1 ha sahədə quru ot və kol-kos yanır.

Hazırda yanğının söndürülməsi istiqamətində tədbirlər davam etdirilir.

Əlavə məlumat veriləcək.

Ölkə.Az

ŞƏRH YAZ
0
BAĞLA