İsmayıllıda maşın 15 baş qoyunu vuraraq öldürdü

İsmayıllıda maşın 15 baş qoyunu vuraraq öldürdü
23:36
21.08.2017
31
Hadisə
A
İsmayıllı rayonunda qoyun sürüsünün tələfatı ilə nəticələnən ağır yol qəzası baş verib.

Ölkə.Az-ın APA-ya istinadən xəbərinə görə, hadisə rayonun Tircan kəndi ərazisində qeydə alınıb.

Hadisə qoyun sürüsünün qəflətən avtomobil yoluna çıxması nəticəsində baş verib.
 
Belə ki, rayonun Yeniyol kənd sakini Fəridov İsmayıl Rövşən oğlu idarə etdiyi 10-SD-276 dövlət nömrə nişanlı “VAZ 21099” markalı minik avtomobilini yolun ortasındakı qoyun sürüsünə çırparaq 15 baş xırda buynuzlu heyvanı tələf edib. Çobanlar qoyunların qarşısını ala bilmədikləri üçün sürünün avtomobil yoluna çıxdığını deyirlər. Qəza zamanı kənd sakininə 2 min manatdan çox maddi ziyan dəyib.
 
Hadisə yerinə İsmayıllı rayon Polis Şöbəsinin və rayon baytarlıq idarəsinin əməkdaşları cəlb olunub. Faktla bağlı araşdırma aparılır.

ŞƏRH YAZ
0

DİN Bakıda əməliyyat keçirdi — FOTOLAR

DİN Bakıda əməliyyat keçirdi
11:44
Bu gün
1304
Hadisə
A
Daxili işlər orqanlarının əməkdaşları tərəfindən cinayətkarlıqla mübarizə sahəsində növbəti əməliyyat tədbirləri həyata keçirilib. Nəticədə odlu silah-sursatın və narkotik maddələrin qanunsuz alqı-satqısı ilə məşğul olan şəxslər saxlanılıblar.

Daxili İşlər Nazirliyinin mətbuat xidmətindən "Ölkə.Az"a verilən məlumata görə, Baş Mütəşəkkil Cinayətkarlıqla Mübarizə İdarəsinə Xətai rayon sakini Zülfüqar Cəfərovda odlu silah-sursat olduğu barədə əməliyyat məlumatı daxil olub. Həyata keçirilən əməliyyat-axtarış tədbirləri nəticəsində o, şübhəli şəxs qismində saxlanılaraq Baş İdarəyə gətirilib. 

Z.Cəfərovun üzərinə baxış zamanı ondan “Beretta” markalı tapança və 3 ədəd patron aşkar edilərək götürülüb.Baş İdarə əməkdaşları tərəfindən həyata keçirilən növbəti əməliyyat nəticəsində narkotik vasitələrin alqı-satqısı ilə məşğul olan şəxs saxlanılıb. Belə ki, paytaxt sakini Ziya Ağayev 1 kiloqram narkotik vasitə olan qurudulmuş marixuananı Nizami rayonu ərazisində 6000 manata satmaq istəyən zaman polis tərəfindən tutulub.

Faktlarla bağlı Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

ŞƏRH YAZ
0

Bakıda "BMW X5" dəhşətli qəza törətdi: Ölən var

Bakıda
11:03
Bu gün
1560
Hadisə
A
Bu gün Bakıda dəhşətli yol qəzası baş verib.

"Ölkə.Az" Lent.az-a istinadən xəbər verir ki, səhər saat 7:00 radələrində Sabunçu rayonu ərazisində - Zabrata gedən yolda "BMW X5" markalı avtomobil 55-60 yaşlı qadını vurub.

Zərbənin gücündən qadın hadisə yerində ölüb və tanınmaz hala düşüb.

Ölən qadının şəxsiyyətini dəqiqləşdirmək hələlik mümkün olmayıb. Araşdırma aparılır.

ŞƏRH YAZ
0
BAĞLA