İsmayıllıda meşədə başlanan yanğının qarşısı alındı — YENİLƏNİB

İsmayıllıda meşədə başlanan yanğının qarşısı alındı
16:53
14.09.2017
436
Hadisə
A
İsmayıllı rayonunda meşədə başlanan yanğının qarşısı alınıb.

"Ölkə.Az" xəbər verir ki, bu barədə Trend-ə İsmayıllı rayon icra hakimiyyəti başçısının müavini, rayon fövqəladə hallar komissiyasının sədri Rövşən Ağayev məlumat verib.

Komissiya sədri qeyd edib ki, hadisə yerinə Fövqəladə Hallar Nazirliyinin canlı qüvvə və texnikaları cəlb edilib: “İndiyə olan məlumata görə, yanğın tez bir zamanda lokallaşdırılıb. Hazırda bəzi tüstüləmə nöqtələri qalıb ki, həmin ərazilər də nəzarətə götürülüb. Yanğının miqyasının genişlənməsi mümkün deyil”.

R.Ağayev qeyd edib ki, hadisə rayonun Zərgəran və Tircan kəndlərinin ərazisindəki meşə zolağının kənarında baş verib: “Ağaclara ciddi ziyan dəyməyib. Ərazidə örüş sahəsində başlanan yanğın nəticəsində kol-kos yanıb. Hadisə yaşayış məntəqəsindən aralı olduğu üçün kəndlərə heç bir təhlükə olmayıb”.

***

Bu gün saat 14:30 radələrində İsmayıllı Meşə Mühafizəsi və Bərpası Müəssisəsinin Basqal meşəbəyliyinin Zərgəran kəndi yaxınlığındakı yüksək dağlıq ərazidə yanğın hadisəsi baş verib. 

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, yanğının söndürülməsi üçün dərhal əraziyə ETSN və Fövqəladə Hallar Nazirliyinin yerli qurumlarının nümayəndələri cəlb olunub. 
 
Yanğının digər ərazilərə keçməsinin qarşısının alınması və söndürülməsi istiqamətində operativ tədbirlər görülür. 

ŞƏRH YAZ
0

Yevlaxda teplovoz minik avtomobili ilə toqquşdu — FOTO

Yevlaxda teplovoz minik avtomobili ilə toqquşdu
01:35
Bu gün
399
Hadisə
A
Yevlax rayonunda avtomobil və teplovozun toqquşması ilə nəticələnən yol-nəqliyyat hadisəsi baş verib.

"Ölkə.Az" Report-a istinadən xəbər verir ki, qəza rayonun Salahlı kəndində, teplovoz gələn zaman minik avtomobilinin dəmir yolu xəttini keçmək istədiyi zaman olub.

Nəticədə teplovoz yolun mühafizə olunmayan hissəsindəki keçiddə 1983-cü il təvəllüdlü Elgün Hüseynovun idarə etdiyi "VAZ-2106" markalı avtomobilə çırpılıb.

Hadisə nəticəsində xəsarət alan olmasa da, maşın yararsız vəziyyətə düşüb, həmçinin teplovoza da xeyli ziyan dəyib.

Ölkə.Az

ŞƏRH YAZ
0

Uşaq məktəb adı ilə evdən çıxıb, geri qayıtmayıb — FOTO

Uşaq məktəb adı ilə evdən çıxıb, geri qayıtmayıb
01:08
Bu gün
457
Hadisə
A
Şabran rayonunda 14 yaşlı məktəbli itkin düşüb.

"Ölkə.Az" Report-a istinadən xəbər verir ki, rayonun 2004-cü il təvəllüdlü Ağbaş kənd sakini Ələkbərov Röyal Rüfət oğlu yaşadığı evdən çıxaraq bir daha geri qayıtmayıb.

Yaxınları Röyalın yoxluğundan axşam saatlarında xəbər tutduqlarını bildiriblər. Uşağın evə qayıtmadığını görən anası Vüsalə Ələkbərova onun oxuduğu məktəbin müəllimləri ilə əlaqə saxlayıb və məlum olub ki, o heç həmin gün dərsdə iştirak etməyib. Onlar Röyalın son vaxtlar kefsiz olduğu bildiriblər.

Həmçinin qeyd olunur ki, o, itkin düşməmişdən bir gün qabaq da dərsdən çıxıb, evə gəlməyib. Bunu görən babası onu axtarmağa başlayıb və Röyalı Siyəzən rayonundakı internet klublarından birində tapıb. Kişi uşağa acıqlanaraq onu vurub. Röyal evə gəldikdən sonra anası da onu möhkəm danlayıb. Səhəri gün Röyal özünə aid böyük çərçivədə olan şəklini də götürərək məktəb adıyla evdən çıxıb və geri qayıtmayıb.

İndi ailə üzvləri onun axtarışına çıxıblar.

Röyal Siyəzən şəhər ümumi orta internat məktəbinin 9-cu sinif şagirdidir və ailənin yeganə övladıdır. Hazırda Şabran rayon Polis şöbəsi tərəfindən itkin düşən şəxsin axtarışlarına başlanılıb.

Ölkə.Az

ŞƏRH YAZ
0
BAĞLA