İsmayıllıda yas mərasimində ev uçdu
İsmayıllı rayonunda ev uçub.
“Ölkə.Az” APA-ya istinadən xəbər verir ki, hadisə bu gün saat 12:30 radələrində rayonun Balik kəndində qeydə alınıb.
Kənddə yas mərasimi olan ikimərtəbəli yaşayış evinin döşəməsi insanların ağırlığına dözməyərək qəflətən çöküb. Dağıntı zamanı 8 nəfər müxtəlif dərəcəli bədən xəsarətləri alıb.
Onlar təcili tibbi yardım stansiyasının avtomobilləri ilə İsmayıllı rayon Mərkəzi Xəstəxanasına çatdırılıblar.
Yaralanan şəxslər Balik kənd sakinləri Kamalova Müşkünaz Bəşir qızı, Mirzəməmmədova Sevda Ziyad qızı, Umudova Elnarə Tofiq qızı, Daşdəmirova Vüsalə Şükür qızı, Mirzəyeva Cəmilə Sədulla qızı, Quliyeva Ofeliya Nadir qızıdır. Digərlərinin adı isə hələlik məlum deyil.
Onların vəziyyəti orta-ağırdır.
Faktla bağlı araşdırma aparılır.
Ölkə.Az
