KORONAVİRUSA YOLUXANLARIN SAYI - CANLI STATİSTİKA

İsmayıllıda yas mərasimində ev uçdu — 8 nəfər xəsarət aldı

İsmayıllıda yas mərasimində ev uçdu
14:17
25.08.2019
6326
Hadisə
A
İsmayıllı rayonunda ev uçub.

“Ölkə.Az” APA-ya istinadən xəbər verir ki, hadisə bu gün saat 12:30 radələrində rayonun Balik kəndində qeydə alınıb.

Kənddə yas mərasimi olan ikimərtəbəli yaşayış evinin döşəməsi insanların ağırlığına dözməyərək qəflətən çöküb. Dağıntı zamanı 8 nəfər müxtəlif dərəcəli bədən xəsarətləri alıb.

Onlar təcili tibbi yardım stansiyasının avtomobilləri ilə İsmayıllı rayon Mərkəzi Xəstəxanasına çatdırılıblar.

Yaralanan şəxslər Balik kənd sakinləri Kamalova Müşkünaz Bəşir qızı, Mirzəməmmədova Sevda Ziyad qızı, Umudova Elnarə Tofiq qızı, Daşdəmirova Vüsalə Şükür qızı, Mirzəyeva Cəmilə Sədulla qızı, Quliyeva Ofeliya Nadir qızıdır. Digərlərinin adı isə hələlik məlum deyil.

Onların vəziyyəti orta-ağırdır.

Faktla bağlı araşdırma aparılır.

Ölkə.Az

ŞƏRH YAZ
0

“Sobsan”dakı dəhşətli yanğından geriyə qalanlar — VİDEOREPORTAJ

“Sobsan”dakı dəhşətli yanğından geriyə qalanlar
20:47
Bu gün
58
Hadisə
A
Yanmış avtomobillər, filmləri xatırlatdan dəhşətli mənzərə.

Ötən gün “Sobsan” boya fabrikində baş verən yanğından geriyə bu mənzərə qalıb.

Yanğın zamanı fabrikə ciddi ziyan dəyib. Şirkətin nümayəndəsi Namina Ağasızadənin sözlərinə görə, dəyən ziyanın miqdarı təxminən 20 milyon manatdır:

“Ölüm, itki olmayıb, şükürlər olsun. Sadəcə olaraq, heç bir məhsulu qurtara bilmədik. Hamısı demək olar ki, yandı. 20 illik şirkətdir. Azərbaycanın ilk boya fabrikidir. 400 nəfərə yaxın işçisi var. Üzülürük, başqa heç nə deyə bilmirik. Bəziləri deyib ki, burdan nələrisə qutarmaq mümkün olub. Xeyr, heç nəyi qurtara bilməmişik. Ümid edək ki, dövlətimiz dəstək olacaq”.

Yanğın nəticəsində ilkin hesablamalara görə, təqribən, 3 000 kvadrat metr ərazi yanıb. FHN-in beş əməkdaşı xəsarət alıb, dörd nəfərə yerində yardım göstərilib, bir nəfər isə Toksikologiya mərkəzinə yerləşdirilib.

Yanğının başvermə səbəbləri araşdırılır.oxu.az

ŞƏRH YAZ
0

Suraxanı rayonundakı yanğının səbəbi bəlli oldu — YENİLƏNİB - VİDEO

Suraxanı rayonundakı yanğının səbəbi bəlli oldu
19:42
Bu gün
7107
Hadisə
A
Bakının Suraxanı rayonu ərazisində yanğın başlayıb.

"Ölkə.Az" bildirir ki, Fövqəladə Hallar Nazirliyindən məlumat verilib ki, Bakı şəhərinin Suraxanı rayonunda açıq ərazidə 300 m2 sahədə quru ot və təkər tullantıları yanıb.

Yanğın söndürülüb.oxu.az

***

Bakı şəhərinin Suraxanı rayonunda yanğın baş verib.

"Ölkə.Az" “Report”a istinadla xəbər verir ki, yanğın Yeni Günəşli qəsəbəsində yerləşən fərdi yaşayış evlərinin yanında qeydə alınıb.

Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib.

Hələlik yanğının qarşısını almaq mümkün olmayıb. Yanğının söndürülməsi istiqamətində tədbirlər görülür.

 

ŞƏRH YAZ
0
BAĞLA