İspaniya polisindən açıqlama: \"Baş hücumçu Musa Ukabirdir\"

"Ölkə.Az" xəbər verir ki, polisin açıqlamasına əsasən hücuma görə əsas şübhəli Musa Ukabirdir.

18 yaşlı Musanın böyük qardaşı Driss hücumdan sonra saxlanılıb. Amma İspaniya polisi Barselonada baş verən terror aktının əsas şübhəlisinin Musa olduğunu bildirir.

Ripoll rayonunun icra başçısı Jordi Munell açıqlamasında deyib ki, Driss Ukabir şəxsiyyət vəsiqəsinin itdiyini bildirmək üçün polis mərkəzinə gedərkən saxlanılıb.

28 yaşlı Mərakeş vətəndaşı Ukabir şəxsiyyət vəsiqəsinin qardaşı tərəfindən oğurlandığını düşündüyünü söyləyib. Onun şəxsiyyət vəsiqəsi isə hadisə yerində tapılıb.

Polisin versiyasına əsasən Driss Ukabirə çox bənzəyən Musa qardaşının şəxsiyyət vəsiqəsi ilə mikro avtobus kirayəyə götürüb.

Bundan başqa Musa Barselonada, Driss isə Ripollda yaşayır.

Hikmət Həsənov
Ölkə.Az