İspaniya yığması baş məşqçisiz qaldı
İspaniyanın futbol üzrə yığması çempionatın başlamasına bir gün qalmış məşqçisiz qalıb.
“Ölkə.Az” xəbər verir ki, komandanın baş məşqçisi Xulen Lopeteqi istefa verib. Bu barədə İspaniya futbol federasiyasının rəhbəri Luis Rubiales məlumat verib.
Rubiales ispanların təlim-məşq toplantısı keçirdiyi Krasnodarda keçirilən mətbuat konfransında bu fikri səsləndirib:
“Biz baş məşqçinin xidmətlərindən imtina etməli olduq. Ona uğurlar arzulayırıq”.
Qeyd edək ki, bir müddət əvvəl “Real Madrid” klubu bəyan etmişdi ki, dünya çempionatı başa çatdıqdan sonra Lopeteqi klubun baş məşqçisi olacaq. Sonradan ispan federasiyası bu xəbəri təsdiqlədi. Rubiales isə bu xəbərdən əsəbləşib. Çünki o, üç həftə əvvəl İspaniya yığması ilə müqavilənin müddətini uzatmışdı.
Hikmət Həsənov
Ölkə.Az
