İsrail hava məkanını pozan pilotsuz təyyarəni məhv edib
Hava məkanını pozan pilotsuz təyyarəni məhv edilib.
"Ölkə.Az" xəbər verir ki, bu barədə İsrail Ordusunun mətbuat xidmətindən məlumat verilib. Verilən məlumata görə, pilotsuz təyyarə Suriya ərazisindən İsrail hava məkanına daxil olduğu üçün vurulub.
“Hərbi kəşfiyyat qrupumuz pilotsuz təyyarənin Suriya istiqamətindən hava məkanımızı pozmasını aşkarlayıb. Dərhal hərbçilərimiz tərəfindən müdaxilə olunub və aparat Qollan yüksəklikləri üzərində Patriot tipli raketlə vurulub. Hələlik həmin aparatın nə məqsədlə bizim sərhəd istiqamətində buraxıldığı məlum deyil”, - deyə İsrail Ordusundan bildirilib.
Onun hansı ölkəyə aid olduğu barədə dəqiq məlumat yoxdur. Hazırda vurulan pilotsuz təyyarənin hansı ölkəyə məxsus olduğu araşdırılır.
Ziya Səccad
Ölkə.Az
