İsrail Türkiyənin baş konsulundan ölkəni tərk etməsini tələb edib

İsrail Türkiyənin baş konsulundan ölkəni tərk etməsini tələb edib
23:21
15.05.2018
1037
Dünya
A
İsrail XİN-i Türkiyənin Qüdsdəki baş konsulu Hüsnü Gürcandan ölkəni tərk etməsini tələb edib.

"Ölkə.Az" "Ria Novosti"yə istinadən xəbər verir ki, bu barədə “Jerusalem Post”a İsrail XİN-in nümayəndəsi bildirib.   

“XİN baş konsula məsləhətləşmələr üçün müəyyən müddətə Türkiyəyə qayıtmağı təklif edib”, - deyə diplomat bildirib.    

Bundan əvvəl Türkiyə XİN İsrail səfirinə ölkəsinə qayıtmağı məsləhət görüb. Səfirə Qəzzada baş verən olaylarla bağlı Türkiyənin etirazı çatdırılıb.

Qeyd edək ki, Qəzzada baş verən olaylarla bağlı Türkiyənin İsraildəki səfiri Kemal Ökem də məsləhətləşmələr üçün Ankaraya çağırılıb. K. Ökem bu gün təyyarə ilə Ankaraya gedib.

Bildirək ki, ABŞ-ın İsraildəki səfirliyi ötən gün Təl-Əvivdən Qüdsə köçürülüb. Bu, həm də İsrail dövlətinin yaradılmasının 70-ci ildönümünə təsadüf edib. Fələstinlilər ABŞ səfirliyinin Qüdsə köçürülməsi və İsrail dövlətinin yaradılması ilə bağlı Qəzza sərhədində aksiya keçirib. İsrail hərbçilərinin aksiyaçıları atəşə tutması nəticəsində 60 fələstinli ölüb, 2 min 770-dən çox fələstinli yaralanıb.

Ölkə.Az

ŞƏRH YAZ
1

İndoneziyada sel fəlakəti — 92 ölü

İndoneziyada sel fəlakəti
12:35
Bu gün
861
Dünya
A
İndoneziyanın şərqindəki Papua vilayətində sel fəlakəti meydana gəlib.

 “Ölkə.Az” xəbər verir ki, ordudan verilən məlumata əsasən, 92 nəfər ölüb, 160 nəfər xəsarət alıb. Bundan başqa 75 nəfər itkin düşüb, 8 min 507 nəfər isə evsiz qalıb.

Dağlardakı bir bölgəyə hələ də getmək mümkün deyil. Çünki regionu bir-biri ilə əlaqələndirən körpü uçub. BMT-nin baş katibi Antonio Quterres Sentani, Jayapura və Sentanidə sel və torpaq sürüşmələrinə görə insanların həlak olduğunu, evlərin dağıldığını və sakinlərin evsiz qaldığını açıqlayıb. Quterres həlak olanların ailələrinə, İndoneziya xalqına və hökumətinə baş sağlığı verib.

Hikmət Həsənov
Ölkə.Az

ŞƏRH YAZ
0

Qazaxıstanın yeni prezidenti — Astana Nursultanın adını daşımalıdır

Qazaxıstanın yeni prezidenti
11:44
Bu gün
1317
Dünya
A
Qazaxıstanın yeni prezidenti Kasım-Jomart Tokayev president kimi fəaliyyətə başladı.

 “Ölkə.Az” xəbər verir ki, Tokayev Qazaxıstanın paytaxtı Astana şəhərinin Nursultan Nazarbayevin adını daşımalı olduğunu bildirib.

Bundan əlavə, yeni prezident bildirib ki, Qazaxıstanın bütün vilayət mərkəzlərinin mərkəzi küçələri də Nazarbayevin adını daşımalıdır.

Hikmət Həsənov
Ölkə.Az

ŞƏRH YAZ
0
BAĞLA