İsrailin baş nazirindən kürd referendumu ilə bağlı qəribə tapşırıq

“Ölkə.Az” xəbər verir ki, Netanyahu ölkənin məmurlarına və millət vəkillərinə referendum barədə danışmamağı tapşırıb. Onun əmrinə əsasən İsraildə heç kim kürdlərin referendumuna dəstək verməməlidir. Tapşırığa əsasən ümumiyyətlə bu barədə danışmaq yasaqlanıb.

“Reuters” Agentliyinin verdiyi məlumata görə, əməkdaşlarının bütün israrlarına baxmayaraq, İsrailin məmurları və ölkənin deputatları bu məsələyə münasibət bildirməkdən boyun qaçırıblar. 

İsrail tərəfindən bu qərar Netanyahunun sentyabrın 13-də referendum barədə açıqlamasından sonra yaranmış gərginliklə əsaslandırılıb.

Xatırladaq ki, sentyabrın 13-də n Netanyahu bildirmişdi ki, İsrail kürd xalqının dövlətçilik əldə etməsi yolunda göstərdiyi qanuni səyləri dəstəkləyir.

“İsrail terrorun hər halına qarşı çıxarkən, kürd xalqının öz dövlətçiliyini əldə etməsi yolunda qanuni səylərini dəstəkləyir” – Netanyahunun bəyanatında belə deyilir.

Ziya Səccad
Ölkə.Az