İstanbul məktəblərinin birinin divarında Mübariz İbrahimovun şəkli çəkilib — FOTO

İstanbul məktəblərinin birinin divarında Mübariz İbrahimovun şəkli çəkilib
23:30
20.04.2019
1469
Dünya
A
İstanbulun Mehmet Akif Ersoy adına orta məktəbinin şagirdləri bu təhsil ocağının divarında Azərbaycanın Milli Qəhrəmanı Mübariz İbrahimovun şəklini çəkiblər.

"Ölkə.Az" xəbər verir ki, bir müddət əvvəl şagirdlər arasında təhsil ocağının divarlarına tanıdıqları şəhidlərin şəkillərini həkk etməklə bağlı müsabiqə elan olunub. Şagirdlər tərəfindən seçilmiş qəhrəmanlar arasında Mübariz İbrahimov da olub.

Mübarizi özlərinə nümunə sayan məktəblilər onun təkcə Azərbaycanın deyil, ümumilikdə türk dünyasının qəhrəmanı olduğunu deyirlər. Şagirdlər Milli Qəhrəmanımızın həyatını öyrənməyi özlərinə borc bilirlər.

Qeyd edək ki, İstanbulun bu təhsil müəssisəsində qədim türk dövlətlərinin bayraqları və tarixi şəxsiyyətlərini əks etdirən guşə yaradılıb.

Ölkə.Az

ŞƏRH YAZ
0

51 il əvvəl batan sualtı gəmi tapıldı

51 il əvvəl batan sualtı gəmi tapıldı
23:57
23.07.2019
50
Dünya
A
Fransanın liman şəhəri Tulona 45 kilometr məsafədə olan ərazidə 51 il əvvəl yoxa çıxan "Minerve" sualtı gəmisi dənizin dibində tədqiqat aparan qrup tərəfindən tapılıb.

“Ölkə.Az” TRT-yə istinadən xəbər verir ki, bu barədə Fransa müdafiə naziri Florens Parli "Twitter" hesabında məlumat paylaşıb.

O, 1968-ci ilin yanvarında göyərtəsindəki 52 dənizçi ilə itkin düşən gəminin yerinin müəyyən edildiyini bildirib.

Gəminin dənizin 2 min 370 metr dərinliyində aşkar edildiyi bildirilir.

Ölkə.Az

ŞƏRH YAZ
0

Tanınmış komediya aktyoru səhnədə öldü, tamaşaçılar QƏHQƏHƏ ÇƏKDİ — TRAGİKOMİK HADİSƏ

Tanınmış komediya aktyoru səhnədə öldü, tamaşaçılar QƏHQƏHƏ ÇƏKDİ
16:50
23.07.2019
2642
Dünya
A
Hindistanın tanınmış komediya aktyoru, 36 yaşlı Manjunaz Naidu (Manjunath Naidu) Dubayda tamaşa zamanı halı birdən birə pisləşərək, yerə yıxılıb və həyatını itirib. Tamaşaçılar ilk olaraq bunu tamaşanın bir hissəsi zənn ediblər.

“Ölkə.Az” “haberturk”ə istinadən xəbər verir ki, halı pisləşən Naidu öncə stula əyləşib, sonra isə stuldan yerə yıxılıb. Tamaşaçılar  bunu tamaşanın bir hissəsi kimi başa düşərək, onu dəqiqələrlə alqışlayıblar. Hətta onun yıxılmasını qəhqəhəylə qarşılayanlar da olub.

Aktyorun üç dəqiqə  hərəkətsiz  qaldığını görənlər məsələni ciddiyə alaraq, təcili tibbi yardım çağrıblar. Ancaq  həkimlərin müdaxiləsi nəticə verməyib. Naidunu xilas etmək mümkün olmayıb. Aktyorun xanımı  Qraci Çinq (Grace Chng) onun ölüm xəbərini Facebook səhifəsində təsdiqləyib: “Səhnədə ən yaxşı işi gördüyü zaman  həyatını itirib”.

Ölkə.Az

ŞƏRH YAZ
0
BAĞLA