İstanbulda Türkiyədəki Azərbaycanlı İş Adamları Birliyinin yığıncağı keçirilib — FOTO

İstanbulda Türkiyədəki Azərbaycanlı İş Adamları Birliyinin yığıncağı keçirilib
23:48
20.04.2019
3071
Dünya
A
İstanbulda Türkiyədəki Azərbaycanlı İş Adamları Birliyinin (TAİB) yığıncağı keçirilib.

"Ölkə.Az" report-a istinadən bildirir ki, tədbirdə Diasporla İş üzrə Dövlət Komitəsinin sədri Fuad Muradov, Azərbaycanın Türkiyədəki səfiri Xəzər İbrahim, Türkiyə-Azərbaycan parlamentlərarası dostluq qrupunun rəhbəri, millət vəkili Şamil Ayrım, Mərmərə Qrupu Strateji və Sosial Araşdırmalar Vəqfinin baş direktoru Akkan Suver, Azərbaycanın İstanbuldakı baş konsulluğunun rəsmiləri, "SOCAR Türkiyə"nin nümayəndələri və Türkiyədə fəaliyyət göstərən azərbaycanlı iş adamları iştirak edib.

Tədbirdə hər iki ölkənin dövlət himnləri səsləndirilib, Azərbaycan milli ənənələrini, musiqisini tərənnüm edən kompozisiyalar göstərilib, milli rəqslərimiz nümayiş olunub.

TAİB-nin idarə heyətinin rəhbəri Mehdi Nağıyev çıxışında 2012-ci ildə 16 şirkət və iş adamının iştirakı ilə qurulan Birliyin ötən illər ərzində gördüyü işlərdən danışıb. O, TAİB-in Türkiyədəki azərbaycanlı iş adamlarının fəaliyyətini işıqlandırdığını, Birlik üzvlərinin tərəfdaşlıq əlaqələrinin genişləndirilməsində, yeni işgüzar əlaqələrin yaradılmasında uğurlu iş apardığını deyib.

Mehdi Nağıyev Birliyə üzv olan 1000-ə yaxın azərbaycanlı şirkətin və iş adamlarının Azərbaycan və Türkiyə qardaşlıq əlaqələrinin möhkəmləndirilməsinə verdiyi töhfələrdən danışıb.

Türkiyə prezidentinin Maliyyə İdarəsinin rəisi Dr. Göksəl Aşan çıxışında bildirib ki, Azərbaycan və Türkiyə arasında iqtisadi və maliyyə sahələrində olan işbirliyini daha da sağlamlaşdırmaq lazımdır:

“Toplam ixracatın sadəcə 1,5 milyard dollarını Azərbaycana edirik. Daha dəhşətlisi isə Azərbaycandan idxalatın da 400 milyon dollardan çox olmamasıdır. Bu rəqəmlər Azərbyacan və Türkiyə arasındakı əlaqələrə yaraşan rəqəmlər deyil və bu göstəricini bir neçə il içərisində yüksəltmək lazımdır”.

Diasporla İş üzrə Dövlət Komitəsinin sədri Fuad Muradov çıxışında hər iki ölkə prezidentlərinin Türkiyə və Azərbaycan arasında aparılan işlərə xüsusi önəm verdiyini vurğulayıb. F.Muradov iş adamlarının reallaşdırdığı bütün fəaliyyətlərin hər gün bir az daha yüksələn Türkiyə və Azərbaycanın dünyada nüfuzunun güclənməsi baxımından əhəmiyyət kəsb etdiyini ifadə edib və TAİB-in fəaliyyətinə uğurlar arzulayıb.

Tədbirdə çıxış edən Azərbaycanın Ankaradakı səfiri Xəzər İbrahim isə Azərbaycan və Türkiyə arasındakı dostluğa işarə edərək, iki ölkə arasında bir çox ortaq sahənin olduğunu qeyd edib. X.İbrahim, Azərbaycan və Türkiyənin iş adamlarına hər zaman dəstək olmağa hazır olduqlarını vurğulayıb.

Çıxışlarda Azərbaycan Dövlər Neft Şirkətinin Türkiyədə reallaşdırdığı nəhəg enerji layihələrindən danışılıb, TAİB üzvlərinin bir yerə toplanması və əlaqələrinin daha möhkəm qurulması baxımından "SOCAR Türkiyə"nin verdiyi dəstəkdən söz açılıb. Sonda Türkiyədə öz aktiv fəaliyyətləri ilə TAİB üzvlərinə diplomlar təqdim olunub.

Ölkə.Az

ŞƏRH YAZ
0

Pentaqonun yeni rəhbəri təsdiqləndi

Pentaqonun yeni rəhbəri təsdiqləndi
00:30
Bu gün
370
Dünya
A
ABŞ Konqresi müdafiə naziri vəzifəsinə təklif edilən Mark Esperin namizədliyini təsdiqləyib.

“Ölkə.Az” TASS agentliyinə istinadən xəbər verir ki, bununla bağlı keçirilən səsvermədə 90 senator Esperin lehinə səs verib.

8 nəfər isə onu dəstəkləməyib.

Qeyd edək ki, Esperin bu vəzifəyə namizədliyini ABŞ Prezident Donald Tramp təklif etmişdi.

Ölkə.Az

ŞƏRH YAZ
0

51 il əvvəl batan sualtı gəmi tapıldı

51 il əvvəl batan sualtı gəmi tapıldı
23:57
23.07.2019
363
Dünya
A
Fransanın liman şəhəri Tulona 45 kilometr məsafədə olan ərazidə 51 il əvvəl yoxa çıxan "Minerve" sualtı gəmisi dənizin dibində tədqiqat aparan qrup tərəfindən tapılıb.

“Ölkə.Az” TRT-yə istinadən xəbər verir ki, bu barədə Fransa müdafiə naziri Florens Parli "Twitter" hesabında məlumat paylaşıb.

O, 1968-ci ilin yanvarında göyərtəsindəki 52 dənizçi ilə itkin düşən gəminin yerinin müəyyən edildiyini bildirib.

Gəminin dənizin 2 min 370 metr dərinliyində aşkar edildiyi bildirilir.

Ölkə.Az

ŞƏRH YAZ
0
BAĞLA