İsti havalarda necə qidalanmaq lazımdır? — Siyahı

İsti havalarda necə qidalanmaq lazımdır?
00:22
09.06.2019
3013
Maraqlı
A

Getdikcə temperaturu yüksələn yay aylarında orqanizm hansı qidalardan zərər görür? Nə yeyib, nə içmək lazımdır?

Çox insanların mədə-bağırsaq pozulmalarına, zəhərlənməsinə, təzyiqinin qalxmasına, özünü pis hiss etməsinə səbəb isti ilə uyğun gəlməyən yemək-içməkdir.

“Ölkə.Az” Medicina.az-a istinadən 35 dərəcə temperaturdan sonra uzaq durmalı olduğunuz qidaların siyahısını təqdim edir.

1. Qəhvəyə yox de

Kofemanlar  yəqin ki, bunu qulaqardına vuracaq. Amma qəhvəni səhər tezdən saat 10-a kimi içə biləriz. Və ya sərin, soyuq kondinsionerli yerdəsinizsə mümkündür. Amma günortaya doğru hava qızdıqca, qəhvə içməkdən özünüzü saxlayın. Bu damar və ürəyi yüklədib, istidə onların işinə mane olacaq. Təbii ki, təzyiq də qaçılmazdır.

2. Meyvə-tərəvəz, göyərti çox təmiz yuyulmalıdır

Yayda meyvə-tərəvəzdən, xüsusən çiy halda yedikdə bəzi pozulmalar baş verir. Yayda bişmiş, qızardılmış tərəvəz əvəzinə  çiyini yemək daha yaxşıdır. Amma bir şərtlə ki, meyvə-tərəvəz yaxşıca yuyulmalı, o dərəcədə də ki, sanki dezinfeksiya edilibmiş kimi.

3. Yoqurt və süd məhsullarını azaldın

Əgər marketdən aldığınız yoqurt və ya istənilən süd məhsulu – qaymaq, kəsmik və s. 2 saatdan artıq salafanda, yolda, masada qalıbsa, onu atın, yeməyin. Əgər süd məhsulunda turş dad hiss etdinizsə, tullayın.

Çünki isti havada bu məhsullarda bakteriyalar sürətlə çoxalır, bağırsaqlara zərbə dozasına çatır. Onların xeyrindən çox zərərini görəcəksiz.

4. Gündüzlər yeməyib, gecələr çox qida qəbul etməyin

İstinin təsirindən insan səhər və günorta az qala heç nə yemir, su içir, bununla da gün ərzində çox kalori itirsə də, lazımi enerjini almır. Axşam və gecə hava bir az sərinləyir və adamda vəhşi bir aclıq yaranır. Yayda insanlar gecələr ət, kabab, çörək, yağlı qidalar yeyir. Bu isə ürək, qaraicyər, ümumilikdə orqanizm üçün zərərlidir və kökəlmək fə qaçılmazdır. Nə qədər ac olsanız da, axşamlar şorba, soyuq qidalar, salatlar yeyin.

5. Çox tərlədən qidalardan uzaq durun

Yediyimiz qidalar tər ifrazına təsir edir. Bunu alimlər araşdırıb ki, ən çox tərləyən insanlar çörək, qənd, qazlı su, acı souslar, istiot, fast-food qəbul edənlərdir. Yayda çox ədviyyat da yemək olmaz. Yalnız limon şirəsindən başqa.

6. Salat və şorbalar 1 gündən artıq saxlanmamalıdır

Yayda bişirilən və ya soyuq qidalar olan şorba və salatlar dərhal yeyilməlidir. Soyuducuda belə saxlamaq olmaz. Hətta qatıqdan doğramac belə hazırlanan kimi yeyilməlidir.

7. Balıq və ət 12 saatdan sonra yararsızdır

İsti havalarda toyuq, ət, balığın bişirilib yeyilməsinə 10 saat vaxtınız var. Əti, toyuğu alıb, maşında 5-6 saat rayona, dağa-bağa maşında aparmaq olmaz. O artıq bakteriyalarla çirklənmiş sayılır. Soyuducuda isə 10 saat qalır. Ona görə alınan kimi bişirib yeyin.

8. Buzlu su içməyin

Soyudunun buzluğundan su içmək mədə-bağırsaq, öd üçün təhlükəlidir, sonra günlərlə vəziyyəti düzəltmək üçün əziyyət çəkəcəksiz.

Ölkə.Az

ŞƏRH YAZ
0

“iPhone” və “Samsung”la bağlı bu FAKTI siz də öyrənin

“iPhone” və “Samsung”la bağlı bu FAKTI siz də öyrənin
01:49
Bu gün
428
Maraqlı
A
Son 3 ildə çıxarılmış “Apple” və “Samsung” smartfonları bəzən ABŞ Federal Rabitə Komissiyası (FCC) tərəfindən müəyyənləşdirilmiş normadan daha güclü radio dalğalar saçır.

“Ölkə.Az” “ICTnews”a istinadən xəbər verir ki, radio avadanlığın elektromaqnit şüalanma səviyyəsi şüalanmanın xüsusi udma əmsalı (specific absorption rate, SAR) adlı göstərici ilə ölçülür.

Federal Rabitə Komissiyası yalnız SAR göstəricisi heç bir halda 1,6 Vatt/kq-dan yüksək olmayan smartfonların satışına və istifadəsinə icazə verir.

Araşdırma zamanı məlum olub ki, bir neçə il bundan əvvəl çıxarılmış və 3G və ya 4G şəbəkələrində işləyən smartfonlar bəzi hallarda müəyyənləşdirilmiş normanı 5 və daha çox üstələyə bilərlər. Sınaqlar zamanı "bədən" rolunda çıxış edən su, duz və şəkər qarışığından 2, 5, 10 və 15 mm məsafədə yerləşdirilmiş aparatlarda (“iPhone 7”, “8”, “8 Plus” və “X”, “Galaxy S8”, “S9” və “J3”, “Motorola e5”, “e5 Play” və “g6 Play”, həmçinin “BLU Vivo 5 Mini) SAR göstəricisi SAR datçikləri ilə ölçülüb. Sınaq FCC tərəfindən akkreditə edilmiş Kaliforniya laboratoriyası tərəfindən həyata keçirilib.

Məlum olub ki, “iPhone 7” aparatının 2 mm məsafədən şüalanma səviyyəsi normadan 2-4 dəfə yuxarıdır. “Samsung Galaxy” aparatının hər üç modelində SAR göstəricisi normadan yüksək olub.

Ölkə.Az

ŞƏRH YAZ
0

Bunları etməsəniz XOŞBƏXT ola bilərsiniz — 10 vərdiş

Bunları etməsəniz XOŞBƏXT ola bilərsiniz
23:18
23.08.2019
1606
Maraqlı
A
Həyatınızda nə vaxtsa bəzi şeylərin əskik olduğunu düşündünüzmü? Özünüzü bədbəxt, səfil bir halda hiss etdinizmi? Ya da yaşamaqdan sıxıldınızmı?

Hamımızın həyatında belə vaxtlar olur… Üstəlik bəzən bunun fərqində belə olmuruq. Bu, xoşbəxt olmayan insanlara xas olan xüsusiyyətdir.

“Ölkə.Az” uplifers.com-a istinadən bu yazıda insanda bədbəxtliyə səbəb olan 10 vərdişi diqqətinizə çatdırır:

1. Hər şeyin aydınlaşmağını gözləyərlər

Bəzən sevdiyi və xoşbəxt olduğu şeylər etmək üçün hansı istiqamətə getməyi bilməyin lazım olduğunu düşürlər. Amma əslində bu işlər belə olmur. Başınız qarışıq olanda da əlinizdən gələnin ən yaxşısını edə bilərsiniz. Yaxşı bir şey etmək üçün qeyri-müəyyənliyin aradan qalxmasını gözləməyə ehtiyac yoxdur.

2. Fikirlərini başqalarının təsdiq etməyini gözləyərlər

İnsan xoşbəxt olmayanda bir şeyi doğru edərkən başqalarının bunu təsdiqləməsini gözləyirlər. Halbuki bu gözlənti çoxaldıqca insanın daxilindəki boşluqlar da artar. Çünki potensial gücünü özündən başqasına verir. “Səhv edirəm” deyə həyəcana qapılmaq əvəzinə, özlərinə güvənməli və bununla qane olmağa çalışmalıdır.

3. Gələcəkdə bütün problemlərdən xilas olacaqlarına inanırlar

Belə insanların daha bir vərdişi gələcəkdə yaşamaqdı, hədəflərə çatmağın xoşbəxtlik verəcəyini hesab etməkdir. Lakin, xoşbəxtlik gələcəkdən və ya çatılan hədəflərdən asılı deyil, insanın içindən gəlir.

4. Böyük yüksəlişlər əldə etmək istəyərlər

Prosesləri qabaqlamaq, gələcəyə sürətlə getmək istəyərlər. Səbrsizlik edərlər. Bu da həyatın digər məqamlarına önəmsiz yanaşmağa səbəb olar. Halbuki prosesləri bir az öz axarına buraxsaq, hər şeyin bir-birinə uyğunluqla davam etdiyini görmək mümkün olacaq.

5. Səhv gözləntilər

Hər an, hər gün xoşbəxt olmaq mükün deyil. Ancaq xoşbəxt olmayan insanlar hər an xoşbəxt olmağın gözləntisində olarlar və həyatlarını biraz daha çətinləşdirərlər. Həyat bəzən bədbəxtlik, bəzən çətinliklər, bəzən ümid qırıqlığı, bəzən də xoşbəxt keçən bir səyahətdir.

6. Fikirləri həddindən çox ciddiyə alarlar

Hamımızın ağlından bəzən özümüzlə bağlı mənfi fikirlər keçir. Bədbəxt insanlar belə düşüncələri həddindən çox ciddiyə alır, onun təsirindən çıxa bilmirlər. Əslində belə fikirləri sadəcə qəbul edib, yola davam etmək lazımdır.

7. “Etibarlı sularda üzmək” istəyərlər

Xoşbəxt olmayan insanlarda daimi rahatlığında azca kənara çıxanda özlərini narahat hiss edərlər. Bəzən xoşbəxtlik rahatlıq sərhədlərini aşmaqla və risk etməklə əldə edilər.

8. Problemlərə çox köklənərlər

Bədbəxt insanlar iş, maliyyə vəziyyəti, ailə münasibətlərindən sadəcə birində problem yaşayanda bütün diqqətini ona ayırar və təsirindən çıxa bilməzlər. Bununla da özlərini daha bədbəxt edərlər. Qəbul etmək lazımdır ki, həyatda hər şey daim qaydasında gedə bilməz. Önəmli olan onların təsirindən uzaqlaşmaq və o problemlərlə yaşamağı öyrənməkdir.

9. Maneələrə müqavimət göstərər

Daima maneələrlə mübarizə aparmaq əvəzinə, bu əngəllərdən nələr öyrənmək olduğu araşdırılmalıdır. Düşünmək lazımdır ki, qarşımıza çıxan və başımıza gələn hər şeyin bir səbəbi var. Önəmli olan bu səbəbi öyrənməkdir. Xoşbəxt olmayan insanlar isə sadəcə nəticəylə məşğul olarlar.

10. Öz istəklərini arxa plana atarlar

Xoşbəxtliyin önündəki ən böyük əngəllərdən biri insanın öz arzu-istəklərini həmişə arxa plana atmasıdır. Belə insanlar ürəyindən keçənlərə və hədəflərinə laqeyd yanaşdığı üçün bədbəxt olmağa başlayarlar.

Xoşbəxt olmaq üçün:

Xoşbəxtliyin gəlməyini gözləməkdənsə, ona tərəf özünü getməlisiniz. Özünüzə vaxt ayırmalısınız. Vaxt məhdudiyyətlərindən şikayətlənməkdənsə, hər gün qısa müddət də olsa bunları edərək vərdişə çevirə bilərsiniz:

- 5-10 dəqiqə idman hərəkətləri

- Sevdiklərinizlə vaxt keçirmək

- Sosiallaşmaq

- Başqalarına kömək etmək

- Gülümsəmək

- Səyahət etmək

- Və ən əsası normal yuxu rejimi lazımdır.

Ölkə.Az

ŞƏRH YAZ
0
BAĞLA