İsveçdə Azərbaycan Dəmir Yollarının işi bağlandı — BƏRAƏT

İsveçdə Azərbaycan Dəmir Yollarının işi bağlandı
19:53
11.10.2017
309
Ölkə
A
İsveç prokurorluğu “Bombardier” şirkətinin əməkdaşı Yevgeni Pavlovun azərbaycanlı məmurlara rüşvət verilməsində günahını sübuta yetirə bilməyib.

“Ölkə.Az” xəbər verir ki, bununla da, İsveçdə açılmış ən böyük korrupsiya ilə əlaqəli cinayət işlərindən biri bağlanıb.

Pavlovun ilk məhkəməsi avqustun 29-da Stokholmda keçirilib. Məhkəmədə İsveç prokurorluğu sübuta yetirməyə çalışırdı ki, Pavlov 340 milyon dollarlıq müqavilənin tenderində şirkətinin qalib olması məqsədilə Azərbaycandakı məmura rüşvət verib. İsveçli müstəntiqlər bildiriblər ki, 2016-cı ilin oktyabr ayında “Bombardier” şirkətində aparılan axtarışlar nəticəsində, elektron adresdə rüşvət verilməsi barədə sübutlar tapılıb. 

Qeyd edək ki, 2013-cü ildə Bakını Gürcüstan sərhədi ilə birləşdirən dəmiryolunun bir hissəsinin siqnal avadanlığı ilə təchiz etmək üçün keçirilən tenderdə “Bombardier”in başçılıq etdiyi konsorsium qalib gəlmişdi. Baxmayaraq ki, digər iştirakçılar tenderdə daha az qiymətə öz xidmətlərini təklif etmişdilər.

Müqavilə həmin dövrdə Azərbaycanda nəqliyyat naziri Ziya Məmmədov tərəfindən imzalanıb. “Azərbaycan Dəmir Yolları” QSC-nə isə Arif Əsgərov rəhbərlik edib.

Cinayət işilə əlaqədar Yevgeni Pavlovun vəkili Kristin Berqner bildirib ki, hələlik hüquqlarını müdafiə etdiyi şəxslə danışa bilməyib. Lakin məhkəmənin hökmü icra olunub. 

“Məhkəmədə bildirilib ki, prokuror günahı sübuta yetirə bilməyib. Bu səbəbdən cinayət işi bağlanıb”, - deyə  K.Berqner bildirib.

Ziya Səccad

Ölkə.Az

 

ŞƏRH YAZ
0

Bakıda eyvanlardan paltar asmaq qadağan edildi

Bakıda eyvanlardan paltar asmaq qadağan edildi
00:59
Bu gün
2082
Ölkə
A
Bakının Nərimanov rayon İcra Hakimiyyəti rayon sakinlərindən balkonlardan paltarların qurudulması üçün çəkdikləri zivələri yığışdırmağı tələb edib.

“Ölkə.Az” “Xəzər TV”yə istinadən xəbər verir ki, İcra Hakimiyyətinin ictimai-siyasi və humanitar məsələlər şöbəsinin müdiri Hüseyn Cəfərov bildirib ki, həmin tələb mərkəzi prospektlərdə yerləşən binaların sakinlərinə aiddir.

Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.

Ölkə.Az

ŞƏRH YAZ
0

Yavər Camalovun son — VİDEOSU

Yavər Camalovun son
22:10
23.06.2018
4485
Ölkə
A
Bu gün dünyasını dəyişən müdafiə sənayesi naziri Yavər Camalovun son görüntüləri yayılıb.

“Ölkə.Az” xəbər verir ki, yayılan məlumatlarda nazirin bu günlərdə Parisdə keçirilən “EUROSATORY-2018” beynəlxalq müdafiə və təhlükəsizlik sərgisində iştirak etdiyi, elə sərgidən sonra səhhətinin pisləşdiyi bildirilir. 

Yeniçağ.az isə nazirin sərgidə çəkilmiş və son görüntülərini yayıb. Həmin videonu təqdim edirik:

Ölkə.Az

ŞƏRH YAZ
0
BAĞLA