İsveçdə Azərbaycan Xalq Cümhuriyyətinin 101 illiyi belə qeyd edildi

İsveçdə Azərbaycan Xalq Cümhuriyyətinin 101 illiyi belə qeyd edildi
14:42
13.06.2019
2314
Siyasət
A
İyunun 2-də İsveçin Stokholm şəhərində “Tumurcuq” teatrının premyerası keçirilib. Premyera Azərbaycan Xalq Cümhuriyyətinin 101 illiyinə həsr olunaraq “101 uşağın nəvələri” adı ilə təqdim olunub.

“Ölkə.Az” xəbər verir ki, tədbiri ürək sözləri ilə açan Türk dram teatrının bədii rəhbəri və rejissoru Burcu Ada Soysop “Tumurcuq”un ilk addımlarında və ilk premyerasında azərbaycanlı dostların yanında olduğundan qürur duyduğunu xüsusi vurğulayıb. Burcu xanım, teatrın bədii rəhbəri və rejissoru Sevinc Nəzərli başda olmaqla teatrın bütün kollektivini təbrik edərək bu uzun və zəhmətli yolda onlara səmimi-qəlbdən uğurlar arzulayıb. 

Teatrın mövzusu Məhəmməd Əmin Rəsulzadənin Cümhuriyyəti qurduğu dönəmdə ilk işindən biri 100 gənci xarici ölkələrdə təhsil almağa göndərməsi olub. Məhz burdan qaynaqlanaraq Sevinc Nəzərli ssenarini bu məsələ üzərində qurub. Keçən əsrin əvvəllərində xaricə təhsil almağa gedən 101 (Azərbaycan Xalq Cumhuriyyətinin 101 illiyi şərəfinə simvolik olaraq 101 götürülüb) gəncdən biri Azərbaycanın ucqar kəndlərindən birinin yazma, oxuma bilməyən savadsız bir ailənin oğludur. O, həmin siyahıda adı olanlardan biri olaraq məsələni valideynlərinə anladır. Kənd yerində yaşayan bir ailə üçün təbii bir qeyri- adi qarşılandığı üçün öncə uşağa qarşı çıxsalar da sonradan razılaşaraq valideynlər onu xaricə təhsil almağa yollayırlar.

Tamaşanın ikinci hissəsində hadisələr müasir zamanda xaricdə təhsil alıb gəlmiş övladı təsvir olunur.  101 uşağın nəvələri adı da məhz burdan qaynaqlanır. Həmin nəvələrin indiki durumu tamaşanın ikinci hissəsinin mövzusu olur.

Onu da nəzərinizə çatdıraq ki, tamaşaya baxmaq üçün İsveçin bir çox şəhərlərindən  azərbaycanlılar gəlib. Tamaşa bütün izləyicilər tərəfindən böyük maraqla, coşqulu alqışlarla qarşılanıb. 

İsveçin cənub şəhəri olan Malmödan VAD birliyinin sədri və teatrşünas Ayə xanım Coşğun  gənc kollektivə dəstək olmaq üçün gələrək hədiyyələri ilə balaca tumurcuqları sevindirib. Həmçinin teatrın bədii rəhbəri və rejissoru Sevinc xanıma bu məsuliyyətli işdə yorulmadan davam etməyi arzulayıb. Ayə xanım bildirib ki, “Tumurcuq”un açıldığını eşitdiyi ilk gündən  böyük sevinc hissi ilə bu yeni kollektivi izləyir həmçinin hər cür əməkdaşlığa hazır olduğunu bildirib. Tamaşaya gəlincə anşlaqla keçən tamaşadan çox təsirləndiyini deyib. Peşəkar səhnədə ilk dəfə çıxış edən gənc kollektivin, balaca aktyor və aktrisalarımızın  belə mükəmməl oyun gırüncə qürurdan sevinc göz yaşlarını saxlaya bilmədiyini bıyük həyəcanla anladıb.

Ayə xanım: “Son 17 ildə Azərbaycan teatr səhnələrindən uzaq qalmışdım. Balacalarımızın oyununu izlərkən çox böyük zövq aldım uşaqların performansı inanılmaz idi, olduqca təbii və səhvsiz oynadılar. Fəxr etdim ki, İsveçdə belə bir teatr ənənəsinin əsasını qoydunuz və mükəmməl iş sərgilədiniz”. 
Tumurcuğa dəstək verən təşkilatlardan biri də İsveç Azərbaycan Konqresinin sədri Emil Mirzəyev olub. Emil Mirzəyev öz çıxışında Burcu xanıma Azərbaycan teatr dərnəyinə göstərdiyi xüsusi diqqət və qayğıya görə dərin təşəkkürünü bildirib. Eyni zamanda hər an “iki dövlət,bir millət devizinə” sadiq qalaraq böyük məmnuniyyətlə türk qardaşlarımızla gələcəkdə də əməkdaşlığa açıq olduğunu bildirib. Emil Mirzəyev “Tumurçuq”un kollektivini, teatrın rejissoru və bədii rəhbəri Sevinc Nəzərlini təbrik edərək öz hədiyyələri ilə balaca tumurcuqları sevindirib. Emil bəy, xüsusən, onu da qeyd edib ki, İsveçdə yaradılan ilk Azərbaycan teatrı olan “Tumurcuq” tarixdə bir ilkə imza atıb. Həm Azərbaycan tarixinin şanlı səhifəsindən biri olan Cümhuriyyət tarixinə müraciət edib, həm də ilk tamaşa ilə həm Azərbaycan həm də İsveç tarixində həm zaman tarixdə qalacaq önəmli bir iş ortaya qoyub.  

“Tumurcuq”un balaca qəhrəmanları Məhəmməd Əli Nəzərli, Xəyal Seyidov, Günel Brodin və Nigar Məsimli ilk dəfə olaraq aktyor və aktrisa kimi özlərini sınadıqlarını bildiriblər. Nəzərinizə çatdıraq ki, onların üçü İsveçdə doğulub böyümüş uşaqlar olaraq öz dillərində mükəmməl danışır.  Onlar bu işə  sevinc və sevgiylə  başladıqlarının məmnunluğunu yaşadıqlarını bildiriblər. Xüsəsən də, tamaşanın uğurla nəticələnməsi və seyirci sevigisinin sevincini yaşamaqları onlara stimul verərək gələcək işlərində daha inam və ümidlə addımlamağa sövq etdiyini bildiriblər. 

Teatrın bədii rəhbəri və rejissoru Sevinc Nəzərlinin sözlərinə görə hazırlıqların çox qısa zamanda aparılmasına baxmayaraq uğurlu nəticənin əldə olunması onu ürəkdən sevindirərək gələcək planlarında stimul vermiş olub. Sevinc xanım onu da bildirib ki: “Məqsədimiz İsveçdə Azərbaycan mədəniyyətini yaşatmaq və təbliğ etməkdir. İsveç xalqı və ictimaiyyəti Azərbaycan mədəniyyətinin inciləri və tarixi ilə yaxından tanış olmalıdır. Bizim Müstəqil və demokratik dövlətimiz və dövlətçiliyimiz ənənəmiz var bütün bunları yaşatmaq üçün hər şeydən öncə bir sadə vətəndaş daha sonra İncəsənət universitetinin rejissorluq fakültəsini bitirən ixtisaslı və peşəkar bir rejissor kimi bu missiyanı yerini yetirmək üçün əlimdən gələni edəcəyəm. Mən teatr və mədəniyyətimizi təbliğ etməkdən böyük zövq alıram və bu yolda istənilən çətinliklərlə mücadilə etməyə hazıram”.  

Elnur Eltürk
Ölkə.Az

ŞƏRH YAZ
0

İlham Əliyevin Rusiyanın “Rossiya-24” televiziya kanalına müsahibəsi

İlham Əliyevin Rusiyanın “Rossiya-24” televiziya kanalına müsahibəsi
20:54
Bu gün
364
Siyasət
A
Azərbaycan Respublikasının Prezidenti İlham Əliyev yanvarın 20-də Dünya İqtisadi Forumu çərçivəsində Davosda Rusiyanın “Rossiya-24” televiziya kanalına müsahibə verib. “Rossiya-1” və “Rossiya-24” kanalları dövlətimizin başçısının müsahibəsini yayımlayıb.

"Ölkə.Az" AZƏRTAC-a istinadən “Rossiya-24” televiziya kanalında yayımlanan müsahibəni təqdim edir.

Aparıcı: “OPEK+” bu gün neftin ədalətli qiymətini müəyyənləşdirməyə kömək edən çoxtərəfli əməkdaşlığın uğurlu formatıdır. Neft bazarının iştirakçıları arasındakı sövdələşmə öz səmərəsini göstərdi. Onu uzatmaq gərəkdir. Bu fikirləri kanalımıza müsahibədə Davos Forumunun kuluarlarında Azərbaycan Prezidenti İlham Əliyev söyləyib.

-Yaxın Şərqdə müşahidə olunan gərginlik nəzərə alınmaqla bu il neftin qiymətinin hansı dinamikasını gözləmək olar?

-Proqnoz vermək çətindir. Düşünürəm ki, qiymətlərin bugünkü səviyyəsi həm istehsalçıları, həm də istehlakçıları qane edir. Azərbaycana gəldikdə, bu il bizim büdcəmizdə neftin bir barrelinin qiyməti 55 dollar nəzərdə tutulub. Lakin indi qiymət xeyli yüksəkdir. Buna görə də düşünürəm ki, əgər hər hansı forsmajor vəziyyət yaranmasa, qiymət 55-65 dollar diapazonunda qalacaq. Üstəlik, “OPEC+” formatı çox səmərəlidir və Azərbaycan bu formatın işində fəal iştirak edir. Biz öz üzərimizə götürdüyümüz öhdəliklərlə əlaqədar hasilatı azaldırıq və mahiyyət etibarilə bu gün OPEC-ə daxil olmayan ölkələr də özlərini OPEC üzvləri kimi aparırlar. Buna görə də “OPEC+” çoxtərəfli əməkdaşlığın olduqca uğurlu formatıdır və bizim fikrimizcə, mahiyyət etibarilə, bu gün neftin qiymətinin ədalətli olduğunu müəyyənləşdirib.

-Sizin fikrinizcə, “OPEK+” sazişinin müddətini uzatmaq lazımdırmı?

-Əlbəttə, bu məsələ ən yaxın vaxtlarda müzakirə ediləcək. Lakin hesab edirəm ki, konkret nəticələr gördüyümüzü nəzərə alaraq bunun müddətinin uzadılması, əlbəttə, məqsədəuyğundur. Çünki müddət uzadılmasa, bazarın necə reaksiya verəcəyini bilmirik, yenidən müxtəlif spekulyativ meyillər yarana bilər. Buna görə hesab edirəm ki, müddətin uzadılmasının əhəmiyyəti var.

-Sizcə, bu gün dünyada çoxqütblülük əlamətləri varmı?

-Şübhəsiz, bu gün dünya məhz çoxqütblü dünya kimi inkişaf edir. Bir neçə güc mərkəzi var. Əlbəttə, bizi narahat edən məsələlər var - regionumuzda gərginliyin artması. Lakin biz müsbət dinamikanı da görürük, əvvəllər bu cür sıx qarşılıqlı fəaliyyəti olmayan ölkələr bu gün demək olar ki, müttəfiqlər kimi hərəkət edir və regional sabitliyə böyük töhfə verirlər. Buna görə də çoxqütblü dünya artıq reallıqdır. Düşünürəm ki, bu meyillər getdikcə daha da möhkəmlənəcək. Bu, müsbət haldır, çünki bu, dünyada sabitliyə zəmanətdir.

-Hər halda, dünyada ölkələrdən birinin daha çox birqütblü dünyaya meyil etməsi əlaməti yoxdurmu?

-Bilirsiniz, iri ölkələrin həmişə öz hüdudlarından kənarda maraqları olur və hər ölkə özü üçün daha yaxşı şəraitə nail olmaq, öz təsir dairəsini genişləndirmək istəyir. Burada təzə heç nə yoxdur. Biz bunu əsrlər boyu müşahidə edirik, sadəcə, müxtəlif intensivlik dərəcəsi ilə. Buna görə məsələ bunda deyil, bugünkü dünya nizamının konstruksiyası, o cümlədən beynəlxalq münasibətlərin konstruksiyası çoxqütblülüyü nəzərdə tutur. BMT Təhlükəsizlik Şurasının daimi üzvlərinin tərkibinə baxsaq, bu, artıq dünyanın çoxqütblülüyünün əksidir. Daimi üzvlərdən birinin razılığı olmadan heç bir qərar qəbul edilə bilməz. Buna görə də düşünürəm ki, ölkələr özləri üçün birqütblülüyü təmin etməyə çalışmamalı, əksinə, hamı üçün sərfəli olan əməkdaşlıq elementləri tapmalıdırlar.

-Azərbaycan Belarus Respublikasını neftlə təchiz edəcəkmi?

-Bilmirəm. Bu sual mənə deyil, yəqin ki, Neft Şirkətinə aiddir. Bir neçə il bundan əvvəl biz Belarusu neftlə təchiz edirdik və sonradan Belarus tərəfinin təşəbbüsü ilə bu proses dayandırılmışdır. Əgər yenidən belə ehtiyac yaransa, Azərbaycan Dövlət Neft Şirkəti bu məsələni nəzərdən keçirəcək. Bu gün “SOCAR Traiding” şirkəti ən iri treydinq şirkətlərindən biridir və onun satdığı neftin çox hissəsi Azərbaycanda hasil edilməyən neftdir. Buna görə, sırf texniki baxımdan Azərbaycan şirkəti nefti istənilən yerə tədarük edə bilər. Lakin qiymət məsələsi, logistika məsələsi, kontrakt öhdəlikləri ilə bağlı məsələ - bütün bunlar müvafiq şirkətlər arasında müzakirə edilməlidir.

-Çox sağ olun.

-Sağ olun.

ŞƏRH YAZ
0

Paşinyan-Tovmasyan savaşı — Ermənistanı yeni inqilablara aparan yol

Paşinyan-Tovmasyan savaşı
17:23
Bu gün
521
Siyasət
A
Ermənistanın baş naziri Nikol Paşinyanla Konstitusiya Məhkəməsinin sədri Qrayr Tovmasyan arasında mübarizə artıq “qırmızı xətti” keçib. Belə ki, Paşinyanın ciddi və təhlükəli rəqiblərindən biri olan, hələ də Konstitusiya Məhkəməsinin sədri vəzifəsində çalışan Qrayr Tovmasayanı zərərsizləşdirmək və hakimiyyətdən uzaqlaşdırmaq cəhdləri nəticə vermədikcə, tərəflər arasında mübarizə getdikcə daha kəskin xarakter almaqdadır. Paşinyan Tovmasyanı zərərsizləşdirmək üçün bütün imkanlarını səfərbər edib və bu işdə hətta rəqibinə qarşı şantajdan, böhtandan, yalandan belə çəkinmir. Elə Paşinyanın yanvarın 25-də keçirdiyi mətbuat konfransında bunu açıq-aydın görmək olar.

Paşinyan açıq mətnlə bəyan edib ki, Tovmasyan Konstitusiya məhkəməsinin sədri vəzifəsini işğal etdiyi üçün ona qarşı cinayət işi açılıb. Paşinyan Konstitusiya məhkəməsinin  üzvlərini Tovmasyanı dəstəklədikləri üçün ittiham edərək bəyan edib ki, öz xalqınıza və ölkənizin gələcəyi üçün mübarizədə yer almayın: “Hibrid inqilabı arzusunda olan xarici və daxili  qüvvələrin əlində alətə çevrilməyin. Biz  Konstitusiya Məhkəməsinin üzvlərinə müraciət etdik. Artıq Konstitusiya Məhkəməsi sədrinin vəzifəsinin işğalı ilə bağlı cinayət işi qaldırılıb”.

Qeyd edək ki,  Ermənistan qanunvericiliyinə görə, ölkə rəhbərliyinin Konstitusiya Məhkəməsinin sədrini dəyişmək və ya yenisini təyin etmək hüququ yoxdur. Ancaq seçimi Konstitusiya məhkəməsinin üzvləri seçə edə bilər. 
Paşinyanın sözlərinə görə, Konstitusiya məhkəməsinin sədrini bir də ona qarşı  rəsmi iddia qaldırıldıqda dəyişmək mümkündür.
Tovmasyanı korrupsiya və seçkiləri saxtalaşdırmaqda ittiham edən Paşinyan deyib ki, o, Konstitusiya Məhkəməsinin sədri olduğu müddətdə ölkədə keçirilən prezident, parlament  seçkilərinin hamısını saxtalaşdırıb. 
Tovmasyana şantaj etməkdən belə çəkinməyən Paşinyan bildirib ki,  Tovmasyan dəfələrlə mənə “öz xidmətini” təklif edib, ancaq mən rədd etmişəm. “2018-ci ilin may ayından etibarən  Tovmasyan  əvvəlcə gündəlik, sonra həftədə, daha sonra isə  ayda bir dəfə olmaqla "öz xidmətini" mənə təklif edib. O deyib ki, biz birlikdə çox şey edə bilərik. Bu təkliflər müqabilində  isə mənim  əvvəlki rejimin korrupsiyalaşmış  nümayənədləri ilə əməkdaşlıq etməmək  niyyətim olmayıb və bundan sonra da olmayacaq.
Tovmasyan da Paşinyan ona qarşı səsləndirdiyi son ittihamların cavabını gecikdirməyib. Tovmasya öz vəkili vasitəsi ilə  bildirib ki, Paşinyan baş nazir olduğu müddətdə cəmi iki dəfə onunla danışıb və bu da ancaq telefon vasitəsi ilə olub: “Birinci danışıq onu təşəbbüsü ilə olub və bu  danışıq zamanı biz beynəlxalq müqaviləni müzakirə etmişik. İkinci telefon danışığı isə mənim təşəbbüsümlə olub. Onda da Almaniyanın Konstitusiya məhkəməsinin sədrinin ölkəmizə səfərini müzakirə etmişik. Bundan başqa bizim hər hansı əlaqəmiz olmayıb”.
Tovmasyan    Paşinyandan həmçinin   2018-ci ildən bu günə kimi bu dediklərimdən başqa hər hansı formada “xidmət göstərmək” barədə  təkliflərimi  faktlarla açıqlamasını tələb eedib: “Səbrlə 20 gün gözləyəcəyəm ki, Paşinyan  dediklərini faktlarla açıqlasın. Əks təqdirdə vəkilimdən Nikol Paşinyana qarşı mənə böhtan atdığına görə iddia qaldırmasını  xahiş edəcəyəm”.
İstərTovmasyanın Paşinyana sinə gərərək mübarizəsi, istərsə də baş nazirin bəyan etdiyi kimi “hibrid inqilablarda alət olmayın” fikri onu sübut edir ki,  Ermənistanı yeni inqilablar dalğası gözləyir və bu qaçılmazdır. 
Çünki  bu iki şəxs arasında gedən mübarizə onu deməyə əsas  verir ki, Paşinyanın bütün cəhdlərinə baxmayarq  Tovmasyan “ağ bayraq” qaldırmaq niyyətində deyil. Bu isə Ermənistanda yeni inqilabların baş verməsinı şərtləndirən amillərdəndir.

Mürtəza
Ölkə.Az

ŞƏRH YAZ
0
BAĞLA