İsveçdə Azərbaycan Xalq Cümhuriyyətinin 101 illiyi belə qeyd edildi

İsveçdə Azərbaycan Xalq Cümhuriyyətinin 101 illiyi belə qeyd edildi
14:42
13.06.2019
1798
Siyasət
A
İyunun 2-də İsveçin Stokholm şəhərində “Tumurcuq” teatrının premyerası keçirilib. Premyera Azərbaycan Xalq Cümhuriyyətinin 101 illiyinə həsr olunaraq “101 uşağın nəvələri” adı ilə təqdim olunub.

“Ölkə.Az” xəbər verir ki, tədbiri ürək sözləri ilə açan Türk dram teatrının bədii rəhbəri və rejissoru Burcu Ada Soysop “Tumurcuq”un ilk addımlarında və ilk premyerasında azərbaycanlı dostların yanında olduğundan qürur duyduğunu xüsusi vurğulayıb. Burcu xanım, teatrın bədii rəhbəri və rejissoru Sevinc Nəzərli başda olmaqla teatrın bütün kollektivini təbrik edərək bu uzun və zəhmətli yolda onlara səmimi-qəlbdən uğurlar arzulayıb. 

Teatrın mövzusu Məhəmməd Əmin Rəsulzadənin Cümhuriyyəti qurduğu dönəmdə ilk işindən biri 100 gənci xarici ölkələrdə təhsil almağa göndərməsi olub. Məhz burdan qaynaqlanaraq Sevinc Nəzərli ssenarini bu məsələ üzərində qurub. Keçən əsrin əvvəllərində xaricə təhsil almağa gedən 101 (Azərbaycan Xalq Cumhuriyyətinin 101 illiyi şərəfinə simvolik olaraq 101 götürülüb) gəncdən biri Azərbaycanın ucqar kəndlərindən birinin yazma, oxuma bilməyən savadsız bir ailənin oğludur. O, həmin siyahıda adı olanlardan biri olaraq məsələni valideynlərinə anladır. Kənd yerində yaşayan bir ailə üçün təbii bir qeyri- adi qarşılandığı üçün öncə uşağa qarşı çıxsalar da sonradan razılaşaraq valideynlər onu xaricə təhsil almağa yollayırlar.

Tamaşanın ikinci hissəsində hadisələr müasir zamanda xaricdə təhsil alıb gəlmiş övladı təsvir olunur.  101 uşağın nəvələri adı da məhz burdan qaynaqlanır. Həmin nəvələrin indiki durumu tamaşanın ikinci hissəsinin mövzusu olur.

Onu da nəzərinizə çatdıraq ki, tamaşaya baxmaq üçün İsveçin bir çox şəhərlərindən  azərbaycanlılar gəlib. Tamaşa bütün izləyicilər tərəfindən böyük maraqla, coşqulu alqışlarla qarşılanıb. 

İsveçin cənub şəhəri olan Malmödan VAD birliyinin sədri və teatrşünas Ayə xanım Coşğun  gənc kollektivə dəstək olmaq üçün gələrək hədiyyələri ilə balaca tumurcuqları sevindirib. Həmçinin teatrın bədii rəhbəri və rejissoru Sevinc xanıma bu məsuliyyətli işdə yorulmadan davam etməyi arzulayıb. Ayə xanım bildirib ki, “Tumurcuq”un açıldığını eşitdiyi ilk gündən  böyük sevinc hissi ilə bu yeni kollektivi izləyir həmçinin hər cür əməkdaşlığa hazır olduğunu bildirib. Tamaşaya gəlincə anşlaqla keçən tamaşadan çox təsirləndiyini deyib. Peşəkar səhnədə ilk dəfə çıxış edən gənc kollektivin, balaca aktyor və aktrisalarımızın  belə mükəmməl oyun gırüncə qürurdan sevinc göz yaşlarını saxlaya bilmədiyini bıyük həyəcanla anladıb.

Ayə xanım: “Son 17 ildə Azərbaycan teatr səhnələrindən uzaq qalmışdım. Balacalarımızın oyununu izlərkən çox böyük zövq aldım uşaqların performansı inanılmaz idi, olduqca təbii və səhvsiz oynadılar. Fəxr etdim ki, İsveçdə belə bir teatr ənənəsinin əsasını qoydunuz və mükəmməl iş sərgilədiniz”. 
Tumurcuğa dəstək verən təşkilatlardan biri də İsveç Azərbaycan Konqresinin sədri Emil Mirzəyev olub. Emil Mirzəyev öz çıxışında Burcu xanıma Azərbaycan teatr dərnəyinə göstərdiyi xüsusi diqqət və qayğıya görə dərin təşəkkürünü bildirib. Eyni zamanda hər an “iki dövlət,bir millət devizinə” sadiq qalaraq böyük məmnuniyyətlə türk qardaşlarımızla gələcəkdə də əməkdaşlığa açıq olduğunu bildirib. Emil Mirzəyev “Tumurçuq”un kollektivini, teatrın rejissoru və bədii rəhbəri Sevinc Nəzərlini təbrik edərək öz hədiyyələri ilə balaca tumurcuqları sevindirib. Emil bəy, xüsusən, onu da qeyd edib ki, İsveçdə yaradılan ilk Azərbaycan teatrı olan “Tumurcuq” tarixdə bir ilkə imza atıb. Həm Azərbaycan tarixinin şanlı səhifəsindən biri olan Cümhuriyyət tarixinə müraciət edib, həm də ilk tamaşa ilə həm Azərbaycan həm də İsveç tarixində həm zaman tarixdə qalacaq önəmli bir iş ortaya qoyub.  

“Tumurcuq”un balaca qəhrəmanları Məhəmməd Əli Nəzərli, Xəyal Seyidov, Günel Brodin və Nigar Məsimli ilk dəfə olaraq aktyor və aktrisa kimi özlərini sınadıqlarını bildiriblər. Nəzərinizə çatdıraq ki, onların üçü İsveçdə doğulub böyümüş uşaqlar olaraq öz dillərində mükəmməl danışır.  Onlar bu işə  sevinc və sevgiylə  başladıqlarının məmnunluğunu yaşadıqlarını bildiriblər. Xüsəsən də, tamaşanın uğurla nəticələnməsi və seyirci sevigisinin sevincini yaşamaqları onlara stimul verərək gələcək işlərində daha inam və ümidlə addımlamağa sövq etdiyini bildiriblər. 

Teatrın bədii rəhbəri və rejissoru Sevinc Nəzərlinin sözlərinə görə hazırlıqların çox qısa zamanda aparılmasına baxmayaraq uğurlu nəticənin əldə olunması onu ürəkdən sevindirərək gələcək planlarında stimul vermiş olub. Sevinc xanım onu da bildirib ki: “Məqsədimiz İsveçdə Azərbaycan mədəniyyətini yaşatmaq və təbliğ etməkdir. İsveç xalqı və ictimaiyyəti Azərbaycan mədəniyyətinin inciləri və tarixi ilə yaxından tanış olmalıdır. Bizim Müstəqil və demokratik dövlətimiz və dövlətçiliyimiz ənənəmiz var bütün bunları yaşatmaq üçün hər şeydən öncə bir sadə vətəndaş daha sonra İncəsənət universitetinin rejissorluq fakültəsini bitirən ixtisaslı və peşəkar bir rejissor kimi bu missiyanı yerini yetirmək üçün əlimdən gələni edəcəyəm. Mən teatr və mədəniyyətimizi təbliğ etməkdən böyük zövq alıram və bu yolda istənilən çətinliklərlə mücadilə etməyə hazıram”.  

Elnur Eltürk
Ölkə.Az

ŞƏRH YAZ
0

İordaniyanın Kralı II Abdullahın Azərbaycana rəsmi səfəri başa çatıb

İordaniyanın Kralı II Abdullahın Azərbaycana rəsmi səfəri başa çatıb
18:15
Bu gün
758
Siyasət
A

İordaniya Haşimilər Krallığının Kralı II Abdullah ibn Al Hüseynin Azərbaycan Respublikasına rəsmi səfəri dekabrın 10-da başa çatıb.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda İordaniya Kralının şərəfinə fəxri qarovul dəstəsi düzülüb.

İordaniya Kralı II Abdullahı hava limanında Azərbaycan Respublikası Baş Nazirinin birinci müavini Yaqub Eyyubov, Xarici İşlər nazirinin müavini Xələf Xələfov və digər rəsmi şəxslər yola salıblar.

ŞƏRH YAZ
0

"EuroHome" da dərs olmayacaqmı? — İş adamları SIĞORTAYA NİYƏ BİGANƏ YANAŞIR?

18:07
Bu gün
586
Siyasət
A
"EuroHome” inşaat materialları bazarında baş verən yanğın hadisəsi bir daha sığorta məsələsinin aktuallığını ortaya qoymuş oldu. Cari il ərzində “Diqlas”, “Binə”, “Sədərək” kimi iri ticarət mərkəzlərində, həmçinin Dərnəgüldə yerləşən inşaat materialları bazarında baş verən yanğınlar sahibkarlara külli miqdarada ziyan vurub. Belə bədbəxt hadisəslər nəticəsində böyük qism iş adamı, dükan sahibi müflis vəziyətinə düşür. Belə hadisələrdən heç kim sığortalanmayıb. Ancaq heç kim baş verənlərdən nəticə çıxarmır. Ölkə başçısı “Diqlas” ticarət mərkəzinin yanğını zamanı dövlətin hər zaman sahibkarların yanında olduğunu bəyan etməklə yanaşı, sahibkarları da məsuliyyətli olmağa səslədi. Onlara hər hansı fəlakət zamanı ziyan dəyməsin deyə, sahib olduqları daşınar, daşınmaz əmlaklarının, məhsullarının sığortalanmasının zəruriliyini dilə gətirdi. Lakin sahibkarlar yenə də işlərinə biganə yanaşdı.

Elə götürək bu gün yanğın baş verən “EruoHome” ticarət mərkəzini… Bəzi məlumatlara görə  ticarət mərkəzinin ümumiyyətlə sığortası olmayıb, olsa da  elə böyük həcmdə olan ticarət mərkəzi çox cüzi miqdarda əmlakını sığortalayıb.

“EuroHome”də baş verən yanğın zamanı sahibkarlar, dükan sahibləri onlara dəyən ziyanın kompensasiyasını tələb edəcək. Ancaq unudurlar ki, sahibkarları əmlaklarını yanğından və digər risklərdən sığortalamağa məcbur edən qanunvericilik tədbirlərini tələb olunur.
Düzdür, sahibkar deyə bilər ki, sığorta şirkətləri belə ticarət mərkəzlərini və ya daşınar əmlakı sığortalamaqda maraqlı deyil. Bu məsələdə sahibkarlar müəyyən mənada haqlıdır. Təəssüf ki, ölkədə şirkətlər və sahibkarlıq subyektlərinin risk sığortası üzrə öhdəliklərini üzərindən atması və çox vaxt zərərçəkənlərə kompensasiya xərclərinin bir hissəsinin dövlətin çiyinlərinə düşməsi ilə bağlı mənfi bir tendensiya yaranır. 

Amma sahibkarların da günahı var. Ən azından məsələyə müəyyən mənada laqeyd yanaşırlar və baş verə biləcək hadisəni Allahın ümidinə buraxaraq “Allah kərimdir” prinsipini üstün tuturlar. Sonda isə nəticə çox faciəvi olur. Nəticədə ziyan həm vətəndaşa, həm dövlətə dəyir. Dövlət dəyən ziyanın müəyyən qismini üzərinə götürür. Bu zaman da tam obyektivliyi və ədaləti bərpa etmək olmur. Odur ki, sahibkarlar əmlaklarının  sığortalanmasında maraqlı olmalıdır.

Hesab edirəm ki, birincisi, bu sahədə qanunvericilik bazasının daha ciddi formada təkmilləşdirilməsinə ehtiyac var. İkincisi, lazım gələrsə, daha sərt qanunlar qəbul olunmalıdır. 

Üçüncüsü, maarifləndirmə işi daha geniş formada həyata keçirilməlidir.

Dördüncüsü, sığorta bazarının formalaşdırılması, təkmilləşdirilməsi istiqamətində ciddi islahatlar həyata keçirilməlidir. 
Beşincisi, sığortaçıları stimullaşdırmaq üçün laızmıi addımlar atılmalıdır.

Altıncısı, sığortaçıların üzərinə müəyyən məsulıiyyət qoyulmalıdır ki, ölkədə əməlakın sığortalanması prosesindən yan qaçmasınlar və sair.

Mürtəza
Ölkə.Az

ŞƏRH YAZ
0
BAĞLA