KORONAVİRUSA YOLUXANLARIN SAYI - CANLI STATİSTİKA

İsveçdə Azərbaycan Xalq Cümhuriyyətinin 101 illiyi belə qeyd edildi

İsveçdə Azərbaycan Xalq Cümhuriyyətinin 101 illiyi belə qeyd edildi
14:42
13.06.2019
2949
Siyasət
A
İyunun 2-də İsveçin Stokholm şəhərində “Tumurcuq” teatrının premyerası keçirilib. Premyera Azərbaycan Xalq Cümhuriyyətinin 101 illiyinə həsr olunaraq “101 uşağın nəvələri” adı ilə təqdim olunub.

“Ölkə.Az” xəbər verir ki, tədbiri ürək sözləri ilə açan Türk dram teatrının bədii rəhbəri və rejissoru Burcu Ada Soysop “Tumurcuq”un ilk addımlarında və ilk premyerasında azərbaycanlı dostların yanında olduğundan qürur duyduğunu xüsusi vurğulayıb. Burcu xanım, teatrın bədii rəhbəri və rejissoru Sevinc Nəzərli başda olmaqla teatrın bütün kollektivini təbrik edərək bu uzun və zəhmətli yolda onlara səmimi-qəlbdən uğurlar arzulayıb. 

Teatrın mövzusu Məhəmməd Əmin Rəsulzadənin Cümhuriyyəti qurduğu dönəmdə ilk işindən biri 100 gənci xarici ölkələrdə təhsil almağa göndərməsi olub. Məhz burdan qaynaqlanaraq Sevinc Nəzərli ssenarini bu məsələ üzərində qurub. Keçən əsrin əvvəllərində xaricə təhsil almağa gedən 101 (Azərbaycan Xalq Cumhuriyyətinin 101 illiyi şərəfinə simvolik olaraq 101 götürülüb) gəncdən biri Azərbaycanın ucqar kəndlərindən birinin yazma, oxuma bilməyən savadsız bir ailənin oğludur. O, həmin siyahıda adı olanlardan biri olaraq məsələni valideynlərinə anladır. Kənd yerində yaşayan bir ailə üçün təbii bir qeyri- adi qarşılandığı üçün öncə uşağa qarşı çıxsalar da sonradan razılaşaraq valideynlər onu xaricə təhsil almağa yollayırlar.

Tamaşanın ikinci hissəsində hadisələr müasir zamanda xaricdə təhsil alıb gəlmiş övladı təsvir olunur.  101 uşağın nəvələri adı da məhz burdan qaynaqlanır. Həmin nəvələrin indiki durumu tamaşanın ikinci hissəsinin mövzusu olur.

Onu da nəzərinizə çatdıraq ki, tamaşaya baxmaq üçün İsveçin bir çox şəhərlərindən  azərbaycanlılar gəlib. Tamaşa bütün izləyicilər tərəfindən böyük maraqla, coşqulu alqışlarla qarşılanıb. 

İsveçin cənub şəhəri olan Malmödan VAD birliyinin sədri və teatrşünas Ayə xanım Coşğun  gənc kollektivə dəstək olmaq üçün gələrək hədiyyələri ilə balaca tumurcuqları sevindirib. Həmçinin teatrın bədii rəhbəri və rejissoru Sevinc xanıma bu məsuliyyətli işdə yorulmadan davam etməyi arzulayıb. Ayə xanım bildirib ki, “Tumurcuq”un açıldığını eşitdiyi ilk gündən  böyük sevinc hissi ilə bu yeni kollektivi izləyir həmçinin hər cür əməkdaşlığa hazır olduğunu bildirib. Tamaşaya gəlincə anşlaqla keçən tamaşadan çox təsirləndiyini deyib. Peşəkar səhnədə ilk dəfə çıxış edən gənc kollektivin, balaca aktyor və aktrisalarımızın  belə mükəmməl oyun gırüncə qürurdan sevinc göz yaşlarını saxlaya bilmədiyini bıyük həyəcanla anladıb.

Ayə xanım: “Son 17 ildə Azərbaycan teatr səhnələrindən uzaq qalmışdım. Balacalarımızın oyununu izlərkən çox böyük zövq aldım uşaqların performansı inanılmaz idi, olduqca təbii və səhvsiz oynadılar. Fəxr etdim ki, İsveçdə belə bir teatr ənənəsinin əsasını qoydunuz və mükəmməl iş sərgilədiniz”. 
Tumurcuğa dəstək verən təşkilatlardan biri də İsveç Azərbaycan Konqresinin sədri Emil Mirzəyev olub. Emil Mirzəyev öz çıxışında Burcu xanıma Azərbaycan teatr dərnəyinə göstərdiyi xüsusi diqqət və qayğıya görə dərin təşəkkürünü bildirib. Eyni zamanda hər an “iki dövlət,bir millət devizinə” sadiq qalaraq böyük məmnuniyyətlə türk qardaşlarımızla gələcəkdə də əməkdaşlığa açıq olduğunu bildirib. Emil Mirzəyev “Tumurçuq”un kollektivini, teatrın rejissoru və bədii rəhbəri Sevinc Nəzərlini təbrik edərək öz hədiyyələri ilə balaca tumurcuqları sevindirib. Emil bəy, xüsusən, onu da qeyd edib ki, İsveçdə yaradılan ilk Azərbaycan teatrı olan “Tumurcuq” tarixdə bir ilkə imza atıb. Həm Azərbaycan tarixinin şanlı səhifəsindən biri olan Cümhuriyyət tarixinə müraciət edib, həm də ilk tamaşa ilə həm Azərbaycan həm də İsveç tarixində həm zaman tarixdə qalacaq önəmli bir iş ortaya qoyub.  

“Tumurcuq”un balaca qəhrəmanları Məhəmməd Əli Nəzərli, Xəyal Seyidov, Günel Brodin və Nigar Məsimli ilk dəfə olaraq aktyor və aktrisa kimi özlərini sınadıqlarını bildiriblər. Nəzərinizə çatdıraq ki, onların üçü İsveçdə doğulub böyümüş uşaqlar olaraq öz dillərində mükəmməl danışır.  Onlar bu işə  sevinc və sevgiylə  başladıqlarının məmnunluğunu yaşadıqlarını bildiriblər. Xüsəsən də, tamaşanın uğurla nəticələnməsi və seyirci sevigisinin sevincini yaşamaqları onlara stimul verərək gələcək işlərində daha inam və ümidlə addımlamağa sövq etdiyini bildiriblər. 

Teatrın bədii rəhbəri və rejissoru Sevinc Nəzərlinin sözlərinə görə hazırlıqların çox qısa zamanda aparılmasına baxmayaraq uğurlu nəticənin əldə olunması onu ürəkdən sevindirərək gələcək planlarında stimul vermiş olub. Sevinc xanım onu da bildirib ki: “Məqsədimiz İsveçdə Azərbaycan mədəniyyətini yaşatmaq və təbliğ etməkdir. İsveç xalqı və ictimaiyyəti Azərbaycan mədəniyyətinin inciləri və tarixi ilə yaxından tanış olmalıdır. Bizim Müstəqil və demokratik dövlətimiz və dövlətçiliyimiz ənənəmiz var bütün bunları yaşatmaq üçün hər şeydən öncə bir sadə vətəndaş daha sonra İncəsənət universitetinin rejissorluq fakültəsini bitirən ixtisaslı və peşəkar bir rejissor kimi bu missiyanı yerini yetirmək üçün əlimdən gələni edəcəyəm. Mən teatr və mədəniyyətimizi təbliğ etməkdən böyük zövq alıram və bu yolda istənilən çətinliklərlə mücadilə etməyə hazıram”.  

Elnur Eltürk
Ölkə.Az

ŞƏRH YAZ
0

Milli Məclis binada baş verən təxribatla bağlı məlumat yayıb

Milli Məclis binada baş verən təxribatla bağlı məlumat yayıb
12:08
Bu gün
2440
Siyasət
A
“Şəhidlərin müqəddəs ruhuna hörmətsizlikdir və qətiyyən yolverilməzdir”.

Ötən gün axşam Azərbaycan-Ermənistan dövlət sərhədinin Tovuz istiqamətində gedən döyüşlərə dəstək məqsədilə keçirilən yürüşdə Şəhidlər Xiyabanı və Azərbaycan Respublikasının Milli Məclisi qarşısına toplaşan yürüş iştirakçılarının bir qismi gecə saatlarında qeyri-qanuni olaraq Parlamentin inzibati binasına daxil olub. Milli Məclisin birinci mərtəbəsinə toplaşan yürüş iştirakçıları bir sıra dağıntılar törədib və Parlamentin mülkiyyətinə və inventarına ziyan vurub. Asayişi qoruyan polis əməkdaşları yürüş iştirakçılarını binanı tərk etməyə çağırıb və onlar Milli Məclisin binasından çıxarılıb.

“Ölkə.Az” xəbər verir ki, bu barədə Milli Məclis Aparatı məlumat yayıb.

Məlumatda daha sonda deyilir:

“Yürüş iştirakçıları polis tərəfindən Milli Məclisin inzibati binasından çıxarıldıqdan sonra Milli Məclisin sədri Sahibə Qafarova yaranmış vəziyyətlə yerində tanış olub.
Azərbaycan Respublikasının Milli Məclisi olaraq Xalqımıza, Dövlətimizə, Ordumuza dəstək yürüşünə ehtiramımızı və həssas yanaşdığımızı ifadə edirik. Orduya dəstək yürüşünü həyata keçirən vətəndaşlarımızın bir amal uğrunda birləşdiyi halda bəzi təxribatçıların dağıdıcılığa və ziyan vurmağa istiqamətlənən addımlarını qəti şəkildə pisləyirik. Bu çətin günlərdə Dövlətin Ali Qanunverici orqanının binasına qanunsuz olaraq daxil olmaq və orada dağıntılar törətmək şəhidlərin müqəddəs ruhuna hörmətsizlikdir və qətiyyən yolverilməzdir.

Bu gün Ermənistan-Azərbaycan sərhəddinin Tovuz rayonu istiqamətində döyüşlər getdiyi bir vaxtda, hamının bir nəfər kimi birlik nümayiş etdirdiyi bir zamanda xüsusi həssaslıq göstərilməsinin və ehtiyatlı davranmağın vacibliyini diqqətə çatdırırıq.

Azərbaycan Respublikası Milli Məclisi olaraq bildiririk ki, Xalqımız, Dövlətimiz, ölkəmizin ərazi bütövlüyü uğrunda müsəlləh olan ordumuz, döyüşlərdə şəhid olan hərbçilərimiz və mülki əhalinin ruhu qarşısında məsuliyyət daşıyırıq”.

Mürtəza
Ölkə.Az

ŞƏRH YAZ
0

Tovuz istiqamətində törədilən son təxribatlarla bağlı siyasi partiyaların milli həmrəyliyə dair BƏYANATI

Tovuz istiqamətində törədilən son təxribatlarla bağlı siyasi partiyaların milli həmrəyliyə dair BƏYANATI
12:01
Bu gün
1357
Siyasət
A
İyul ayının 12-də Ermənistan hərbi qüvvələri dövlət sərhədinin Tovuz rayonu istiqamətində Azərbaycanın Silahlı Qüvvələrinin mövqelərinə qəfildən və xaincəsinə hücum edərək növbəti hərbi təxribat törədib.

Azərbaycan Ordusunun təxirəsalınmaz və adekvat tədbirləri nəticəsində erməni tərəfinin hücumunun qarşısı qətiyyətlə alınıb, düşmənə layiqli cavab verilib. Erməni tərəfi ciddi itkilər verərək geri oturmağa məcbur edilib.

Erməni hərbiçiləri iyul ayının 13-də və 14-də də döyüşləri davam etdirib, habelə Ermənistan - Azərbaycan sərhədlərinin digər istiqamətlərində təxribatlar törətməyə cəhdlər göstəriblər. Azərbaycan Silahlı Qüvvələrinin qətiyyətli zərbələri nəticəsində düşmənin döyüş imkanları sarsıdılıb, böyük sayda hərbi texnikası və canlı qüvvəsi məhv edilib.

Düşmənə layiqli cavab verən Silahlı Qüvvələrimiz də təəssüf ki, itkilərə məruz qalıb. Lakin onların qısası yerdə qalmayıb. Şanlı hərbçilərimizin ölümünə bais olanlar həmişə olduğu kimi, ən ağır şəkildə cəzalarını alıblar. Allah şəhidlərimizə rəhmət etsin!

Qeyd etmək lazımdır ki, qanlı toqquşmalara yol verilməməsi naminə atəşkəs rejiminin tətbiq olunmasına baxmayaraq, erməni tərəfinin təmas xəttində və sərhəd zonalarında vaxtaşırı qanlı təxribatlar törətməsi pis adət halını alıb.

Erməni rəhbərliyi birinci dəfə deyildir ki, öz ölkəsi daxilində üzləşdiyi və həlli qarşısında aciz qaldığı ağır problemlərdən sərhəddə və ya təmas xəttində iyrənc hərbi təxribatlar törətməklə yaxa qurtarmağa çalışır.

Ağır epidemioloji vəziyyətdən və sosial iqtisadi sıxıntılardan cana doymuş xalqın qəzəbindən yayınmaq üçün Paşinyanın diktatura rejiminin hərbi təxribatlara əl atması onun yürütdüyü siyasətin Ermənistanın əvvəlki xunta rejimlərinin yürütdüyü siyasətdən azacıq da olsa fərqlənmədiyinin göstəricisidir.

Azərbaycanın davamlı olaraq artan gücü, beynəlxalq nüfuzu, hərbi qüdrəti, diplomatiyamızın uğurları və bütün bunların məntiqi nəticəsi olaraq dünya birliyinin ermənilərin mənfur siyasətinin həqiqi sifətini tanıması, habelə Ermənistanın Dağlıq Qarabağın müstəqilliyinə bəslədiyi xülyaların puç olması xain və qisasçı erməni siyasi rejimini hərbi təxribatlar törətmək kimi təhlükəli və qanlı üsullara əl atmağa vadar edən digər səbəblərdir.

Növbəti erməni təxribatının münaqişə zonası olan Dağlıq Qarabağ bölgəsindən kənar sərhəd zonasında baş verməsi təsadüfi deyildir və onu törədənlərin məkrli və çirkin niyyətlərindən xəbər verir. İnsan tələfatları ilə müşayiət olunan, bölgədə gərginliyin, qarşıdurmanın və müharibə təhlükəsinin artmasını birbaşa hədəfə alan erməni təxribatlarının cilovlanması üçün dünya birliyinin, beynəlxalq təşkilatların, ələlxüsus vasitəçilik missiyasını öz üzərinə götürmüş ATƏT-in Minsk qrupunun səsini ucaltmasının, təcavüzkarın yerində oturdulması üçün ən təsirli addımlar atmasının vaxtı çoxdan çatıb.

Dünya, nəhayət ki, erməni təxribatlarının və bu təxribatların arxasında duran Ermənistanın siyasi hakimiyyətinin artıq neçə illərdir bölgədə sülh və sabitliyə ən böyük təhlükəyə çevrildiyinin fərqində olmalıdır.

Biz, Azərbaycanın siyasi partiyaları Ali Baş Komandan, Prezident İlham Əliyevin ölkəmizin ərazi bütövlüyünün və əhalinin təhlükəsizliyinin təmin olunması, hər cür erməni fitnəsi və təxribatlarının qarşısının alınması istiqamətində həyata keçirdiyi siyasəti qətiyyətlə dəstəkləyir, onun ətrafında sıx birləşdiyimizi bəyan edirik.

Xalqımızı həmrəyliyə, Vətənimizə qarşı uzanan qanlı erməni əllərini qətiyyətlə kəsib atmağa hər an hazır olmağa səsləyirik. Şərəfli tarixi olan Ordumuzla qürur duyur, onunla bir olduğumuzu ifadə edirik. Möhtərəm Prezidentimiz və Ali Baş Komandanımızı əmin edirik ki, hər birimiz Vətənimizin şərəfi və namusu yolunda onun istənilən tapşırığını hər an yerinə yetirməyə hazır olan müsəlləh əsgərik.

1. Yeni Azərbaycan Partiyası – Əli Əhmədov

2. AĞ Partiya – Tural Abbaslı

3. Ana Vətən Partiyası – Fəzail Ağamalı

4. Aydınlar Partiyası – Qulamhüseyn Əlibəyli

5. Azadlıq Partiyası – Əhməd Orucov

6. Azərbaycan Azad Respublikaçılar Partiyası – Kamil Seyidov

7. Azərbaycan Demokrat Partiyası – Sərdar Cəlaloğlu

8. Azərbaycan Demokratik Maarifçilik Partiyası – Elşən Musayev

9. Azərbaycan Xalq Demokratik Partiyası – Rafiq Turabxan

10. Azərbaycan Kommunist Partiyası – Hacı Hacıyev

11. Azərbaycan Liberal Demokrat Partiyası – Fuad Əliyev

12. Azərbaycan Milli Demokrat Partiyası – Tufan Kərimov

13. Azərbaycan Milli İstiqlal Partiyası – Arzuxan Əlizadə

14. Azərbaycan Mübarizləri Partiyası – Ağadur Müslümov

15. Azərbaycan Naminə Alyans Partiyası – Abutalıb Səmədov

16. Azərbaycan Respublikaçılar Partiyası – Sübut Əsədov

17. Azərbaycan Sosial Demokrat Partiyası – Araz Əlizadə

18. Azərbaycan Sosial Rifah Partiyası – Əsli Kazımova

19. Azərbaycan Təkamül Partiyası – Teyyub Əliyev

20. Azərbaycan Ümid Partiyası – İqbal Ağa-zadə

21. Azərbaycan Yurddaş Partiyası – Mais Səfərli

22. Birlik Partiyası – Xudadat Xudiyev

23. Böyük Azərbaycan Partiyası – Elşad Musayev

24. Böyük Quruluş Partiyası – Fazil Mustafa

25. Bütöv Azərbaycan Xalq Cəbhəsi Partiyası – Qüdrət Həsənquliyev

26. Cümhuriyyət Xalq Partiyası – Bədrəddin Quliyev

27. Demokratik Azərbaycan Dünyası Partiyası – Əlisahib Hüseynov

28. Demokratik İslahatlar Partiyası – Asim Mollazadə

29. Ədalət Partiyası – İlyas İsmayılov

30. Gələcək Azərbaycan Partiyası – Ağasif Şakiroğlu

31. Klassik Xalq Cəbhəsi Partiyası – Mirmahmud Fəttayev

32. Qorqud Partiyası – Firudin Kərimov

33. Milli Demokrat İdrak Partiyası – Osman Əfəndiyev

34. Milli Dirçəliş Hərəkatı Partiyası – Fərəc Quliyev

35. Milli Konqres Partiyası – İxtiyar Şirinov

36. Milli Vəhdət Partiyası – Yunus Oğuz

37. Müasir Müsavat Partiyası – Hafiz Hacıyev

38. Müstəqil Xalq Partiyası – Əflan İbrahimov

39. Vahid Azərbaycan Milli Birlik Partiyası – Hacıbaba Əzimov

40. Vəhdət Partiyası – Tahir Kərimli

41. Vətəndaş Birliyi Partiyası – Sabir Hacıyev

42. Vətəndaş Həmrəyliyi Partiyası – Sabir Rüstəmxanlı

43. Yeni Zaman Partiyası – Musa Ağayev

15 iyul 2020-ci il.

ŞƏRH YAZ
0
BAĞLA