İsveçrə 90-cı dəqiqə qolu ilə Serbiyanı məğlub etdi
Rusiyada keçirilən futbol üzrə Dünya Çempionatının qrup mərhələsinin ikinci turu davam edir.
"Ölkə.Az" xəbər verir ki, "E" qrupu çərçivəsində baş tutan matç Serbiya və İsveçrə milliləri arasında keçirilib.
Qarşılaşma isveçrəlilərin 2:1 hesablı qələbəsi ilə başa çatıb. Görüşdə hesabı 5-ci dəqiqədə Aleksandar Mitroviçin qolu ilə Serbiya açıb. Buna baxmayaraq, İsveçrə, 52-ci dəqiqədə Qranit Caka, 90-cı dəqiqədə isə Xerdan Şaqirinin qolları matçdan qalib ayrılıb.
Bu nəticədən sonra xallarının sayını 4-ə çatdıran İsveçrə top fərqi ilə qrupda ikinci yerə yüksəlib. Serbiya isə 3 xalda qalaraq qrupun 3-cüsüdür.
Bildirək ki, sabah Bakı vaxtı ilə saat 16:00-da İngiltərə - Panama, 19:00-da Yaponiya - Seneqal, 22:00-da isə Polşa - Kolumbiya matçları keçiriləcək.
Ölkə.Az
