İtaliyada “G7” sammitinə görə qarşıdurma

“Ölkə.Az” xəbər verir ki, İtaliyanın hüquq-mühafizə orqanlarından jurnalistlərə bildirilib ki, Cardini-Naksos kurort şəhərciyində keçirilən aksiyada 1,5 min nəfərə yaxın insan iştirak edib.

Etirazçılar “G7” sammitinin keçirilməsinə qarşı çıxışlar ediblər. Ərazi polislər tərəfindən mühasirəyə alınıb. Aksiya iştirakçıları polis kordonunu yarmağa cəhd göstərdiyi zaman qarşıdurma başlayıb.

Etirazçılar polislərə daş atıblar. Polis də aksiya iştirakçılarına dəyənəklərlə müqavimət göstərib. Qəzəbli kütlənin qarşısını ala bilməyən polis onlara qarşı gözyaşardıcı qaz tətbiq edib.

Qeyd edək ki, mayın 27-də İtaliyanın Taormin şəhərində "G7" ölkələrinin sammiti başa çatıb. Sammitin sonunda “Böyük yeddilik” ölkələrinin liderləri bəyənnamə qəbul ediblər. Yekdilliklə qəbul edilən bəyənnamədə "G7" ölkə liderləri terrorla mübarizə sahəsində sıx əməkdaşlıq, eləcə də İŞİD-ə qarşı mübarizəni gücləndirmək və Rusiyaya qarşı sanksiyaları gücləndirməyə qərar veriblər. Sənədddə həmçinin qeyd edilib ki, Suriya və İraqda terrorla mübarizə birbaşa "G7" ölkələrinin nəzarətində olmalıdır.

Bundan başqa, bəyənnamədə bildirilir ki, Minsk razılaşmalarının yerinə yetirilmədiyi təqdirdə, Qərb ölkələri Rusiyaya qarşı sanksiya rejimini daha da sərtləşdirəcəklər:
 
“Rusiya öhdəliklərini yerinə yetirsə, sanksiyaları aradan qaldırmaq mümkün olacaq. Lakin eyni zamanda Rusiyanın müvafiq addımlar atacağı halda, ödəyəcəyi qiyməti artırmaq üçün əlavə tədbirlər görməyə hazırıq”.

Ziya Səccad
Ölkə.Az