İtaliyada Trampın şərəfinə dondurmaya ad verdilər
İtaliyada ABŞ prezidenti Donald Trampın şərəfinə dondurmaya ad veriblər.
"Ölkə.Az" xəbər verir ki, hadisə "G7" ölkələrinin sammiti keçirilən Taormin şəhərində baş verib. Yerli celateriyaların birində xüsusi desertə "The Trump Cup" adını veriblər. Dondurma ABŞ bayrağı kimi, yəni qırmızı, ağ və göy rənglidir.
Desertin mərkəzinə Trampın saç düzümünü simvolizə edən şəkər lifi yerləşdirilib. Dondurma kafesindən bildiriblər ki, şəkər parlaq narıncı və ya sarı rəngdə olacaq.
Qeyd edək ki, Taormin şəhərində "G7" ölkələrinin sammiti may ayının sonlarında keçiriləcək. Tramp Amerikaya məxsus hərbi gəmidə qalacaq və görüşə helikopterlə təşrif buyuracaq.
Hikmət
Ölkə.Az
