İtaliyada zəlzələ
İtaliyanın İsçia adası sahillərində zəlzələ qeydə alınıb.
"Ölkə.Az" xəbər verir ki, yeraltı təkanlar 3.6 bal gücündə olub. İlkin məlumatlara görə 1 nəfər həlak olub, 25 nəfər yaralanıb. Ən azı 7 nəfər dağıntılar altında qalıb.
Zəlzələ 10 km dərinlikdə meydana gəlib. Yeraltı təkanlar Tiren dənizindəki adada bəzi binaların dağılmasına səbəb olub.
Dağılan kilsədən düşən daş parçaları yaşlı bir qadının ölümünə səbəb olub. Xilasedicilər dağıntılar altında qalan 7 nəfəri xilas etmək üçün işə başlayıblar.
"Rizzoli" xəstəxanasının divarında böyük çatlar meydana gəlib. Bir çox otel boşaldılıb. Adaya 30 km-lik məsafədə olan Neapolda da zəlzələ hiss edilib.
Hikmət Həsənov
Ölkə.Az
