İtkin düşən neftçalalı abituriyent tapılıb

"Ölkə.Az"ın APA-ya istinadən məlumatına görə, Bakıda qəbul imtahanında iştirak edəndən sonra itkin düşdüyü bildirilən Neftçala rayon sakini, 2000-ci il təvəllüdlü Əliyev İbrahim Yaşar oğlu evlərinə dönüb.
 
Onun atası Yaşar Əliyevin verdiyi məlumata görə, oğlu Bakıda dostlarının yanında olub, qəbul imtahanlarında az bal topladığı üçün evlərinə dönməyə utandığını bildirib. 

***

Neftçala sakini itkin düşüb.

"Ölkə.Az"ın APA-ya istinadən məlumatına görə, Neftçala rayon sakini, 2000-ci il təvəllüdlü Əliyev İbrahim Yaşar oğlu Dövlət İmtahan Mərkəzi tərəfindən iyulun 22-də keçirilən qəbul imtahanlarında iştirak etmək məqsədilə Bakıya gedib.

 
Yaxınlarının dediyinə görə, İbrahim Əliyev iyulun 24-ü saat 07:15 radələrində Bakı Beynəlxalq Avtovağzalından mikroavtobusla Neftçalaya qayıdıb. Lakin hələlik məlum olmayan səbəblərdən evə gəlməyib.
 
İbrahim Əliyevi görənlərdən və ya onun barəsində hər hansı məlumatı olanlardan 050-727-96-16, 055-907-52-69 nömrələri ilə əlaqə saxlayıb xəbər vermələri xahiş olunur.
 
Faktla bağlı Neftçala rayon Polis İdarəsində araşdırmalar aparılır.