İvanka Tramp atasının qadınlara olan münasibətindən danışdı

"Ölkə.Az" xəbər verir ki, İvanka atasının qadınlara olan münasibətindən bəhs edib. Prezident qızı Donaldın qadınlara xoş münasibət bəslədiyini, kişilər kimi qadınların da yaxşı işləyə bildiyini düşündüyünü qeyd edib.

İvanka Tramp deyib: "Bilirəm ki, atam özəl sektorda çalışanda qadınlara xoş münasibət göstərirdi. O, bilirdi ki, kişilər qədər qadınlar da yaxşı işləyə bilir. Onun qızı kimi bildirirəm ki, atam məni elə böyüdüb ki, heç bir məhdudiyyətim olmasın. Mən istədiklərimə nail ola bilim. İstədiyim yol ilə gedə bilərəm. Bu adi məsələ deyil. O, bunu təmin edirdi. Qardaşımla mənim aramda fərq qoymayıb. Donald sahibkar olanda da bu belə idi, prezident olduqdan sonra da belə davam edir".

İvankadan əlavə dəyirmi masada Almaniya kansleri Angela Merkel, Hollandiya kraliçası Maksima, beynəlxalq valyuta fondunun rəhbəri Kristin Laqard, Kanada xarici işlər naziri Xristya Friland və sahibkar qadınlar da iştirak ediblər.

Hikmət
Ölkə.Az