İvanka Tramp atasının Suriyaya hərbi hücumundakı rolundan danışdı

"Ölkə.Az" xəbər verir ki, bu barədə İvanka Trampın özü ABC telekanalına açıqlamasında bildiribş Onun sözlərinə görə, atasının bu qərarını dsətəkləsə də, əmrin verilməsində heç bir rolu olmayıb.

“Mən də hadisədən sonradan xəbər tutmuşam. Mənim atamın bu qərara gəlməsində heç bir təsirim olmayıb. Bu barədə deyilən sözlərin hamısı yalandır”, - deyə İvanka bildirib.

Qeyd edək ki, bir müddət əvvəl Sunday Times qəzeti yazırdı ki. Trampın Suriyanı vurması ilə bağlı qərara gəlməsində qızı İvankanın rolu böyük olub. Bu informasiyadan sonra prezidentin oğlu Erik Tramp “The Daily Telegraph”a açıqlamasında deyilənləri təsdiqləmişdi.

“O, İdlibdə əhaliyə kimyəvi silahdan istifadə edilməsindən ciddi təsirlənmişdi. İvanka üç uşaq anasıdır və bunun ciddi təsiri var. Mən əminəm ki, o, “Qulaq as, bu, dəhşətdir. Atam belə anlarda belə fəaliyyət göstərəcək” deyib, - Erik Tramp bildirib.

Hadisədən dərhal sonra isə İvanka “Twitter” hesabında yazmışdı ki, Donald Trampın Suriyada Bəşər Əsədin hərbi bazalarının bombalamasını müsbət qarşılayır və bu addımı alqışlayır.

“Biz yaşadığımız dövr və mühit insanı çətin qərarlar qəbul etməyə vadar edir.  Mən atamın insanlığı məhv edən güclərə qarşı qətiyyətli döyüşməyi ilə fəxr edirəm.
Qeyd edək ki, aprelin 7-ə gecə ABŞ-ın Aralıq dənizindəki hərbi gəmilərindən Əsəd ordusuna aid Şayrat aviabazasına 59 raket buraxılıb. Nəticədə aviabazanın uçuş-enmə zolağı, təyyarələrin dayanacağı və yanacaqdoldurma kompleksləri vurulub.
 
Aprelin 4-də Bəşər Əsəd rejiminə aid hərbi təyyarələrin İdlib şəhərinə zərbələr endirməsindən sonra kimyəvi zəhərlənmə nəticəsində çoxlu sayda insan ölüb və yaralanıb.

Ziya Səccad
Ölkə.Az