İyunda 177 dövlət əmlakı hərraca çıxarılacaq

İyunda 177 dövlət əmlakı hərraca çıxarılacaq
19:45
14.05.2018
1231
İqtisadiyyat
A
Əmlak Məsələləri Dövlət Komitəsi tərəfindən 12 iyunda növbəti hərrac keçiriləcək.

Komitədən “Ölkə.Az”a verilən məlumata görə, budəfəki hərraca 177 dövlət əmlakı çıxarılıb.

Bunlardan 18-i səhmdar cəmiyyətləri, 96-sı kiçik dövlət müəssisə və obyekti, 58-i istifadəsiz qeyri-yaşayış sahəsi, 5-i isə nəqliyyat vasitəsidir.

Hərracda əmlak sahibi olmaq üçün komitənin elektron xidmətlər portalı vasitəsi ilə sifariş vermək, ikinci mərhələdə isə əmlakın satış qiymətinin 10%-i məbləğində behi ödəmək lazımdır. Sifarişlər hərracın keçirilməsinə 3 bank günü qalanadək verilməlidir.

Hərraca çıxarılan kiçik dövlət müəssisəsi və obyektinin əksəriyyəti torpaq sahəsi ilə birlikdə özəlləşdiriləcək. Həm torpaq sahəsinin, həm də tikilinin ayrıca qiymətləndirilməsi aparılıb. Hərraca çıxarılan müəssisələr sırasında Qusar Tədarük Satış Bazası, Şəmkir yun tədarükü məntəqəsi kimi iri dövlət əmlakları var.

Sənaye sahəsində fəaliyyətini genişləndirməyə imkan verən kifayət qədər müəssisələr özəlləşməyə çıxarılıb. Şəmkir yun tədarükü məntəqəsi belə əmlaklardandır. Adıçəkilən əmlakın ümumi faydalı sahəsi 3 min 500 kvadratmetrə yaxın, torpaq sahəsi isə 6 mindən çoxdur. Obyektin kifayət qədər geniş ərazidə yerləşməsi də iqtisadi baxımından mühüm əhəmiyyət kəsb edir. Həmin əmlakın fəaliyyətinin genişləndirilməsi geyim tələbatının ödənilməsi üçün lazım olan xammalın əldə edilməsinə öz töhfəsini verə bilər.

Hərracda fəaliyyətini yenidən qurmaqla daha çox gəlir gətirə biləcək əmlaklar sırasında Bakının Xəzər rayonunda yerləşən Mərdəkan restoranını misal göstərmək olar. Əmlakın ümumi faydalı sahəsi 2 min kvadratmetrə yaxındır.

Nəqliyyat vasitələri sırasında ili yeni olan Avropa istehsalı avtomobillər üstünlük təşkil edir.

ŞƏRH YAZ
0

Ölkədə qızıl və gümüşün qiyməti düşdü

Ölkədə qızıl və gümüşün qiyməti düşdü
01:14
Bu gün
465
İqtisadiyyat
A
Azərbaycanda qızıl və gümüş ucuzlaşıb.

"Ölkə.Az" bildirir ki, trend-in məlumatına görə, yanvarın 22-də qızılın qiyməti yanvarın 21-i ilə müqayisədə 6,273 manat azalaraq 1 unsiya üçün 2172,039 manat təşkil edib.

Gümüş 0,1911 manat ucuzlaşaraq 1 unsiya üçün 25,8324 manata bərabər olub.

Trend-ə görə, platinin qiyməti 16,1755 manat azalaraq 1343,3995 manat, palladiumun qiyməti isə 42,483 manat azalaraq 2310,249 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0

Azərbaycan nefti bahalaşıb

Azərbaycan nefti bahalaşıb
23:45
22.01.2019
503
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti yanvarın 21-də 64,54 dollar/barel təşkil edib ki, bu da ötən həftənin cümə gününə olan göstəricidən 0,5 dollar/barel çoxdur.

"Ölkə.Az" bildirir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin son qiyməti 63,71 dollar/barel təşkil edib ki, bu da əvvəlki qiymətdən 0,2 dollar/barel çoxdur.

Novorossiysk limanından yüklənən URALS neftinin son qiyməti 60,28 dollar/barel təşkil edib ki, Trend-ə görə, bu, əvvəlki qiymətdən 0,86 dollar/barel azdır.

Şimal dənizindən hasil edilən "Brent Dated" etalon növlü neftin son qiyməti 62,34 dollar/barel təşkil edib. Bu, əvvəlki qiymətdən 0,35 dollar/barel çoxdur.

Ölkə.Az

ŞƏRH YAZ
0
BAĞLA