Jerar Depardye azərbaycanlı rəssamın əsərini şəxsi kolleksiyasına daxil edib — FOTO

Jerar Depardye azərbaycanlı rəssamın əsərini şəxsi kolleksiyasına daxil edib
14:30
09.11.2017
1770
Mədəniyyət
A
Fransanın məşhur aktyoru, kolleksiyaçı Jerar Depardye azərbaycanlı rəssam Məryəm Ələkbərlinin rəsm əsərini şəxsi kolleksiyasına daxil edib.

"Ölkə.Az"ın xəbərinə görə, Paris “Art Shopping”in satış üzrə direktoru Stefan de Boysson “Report”a açıqlamasında bildirib ki, əsər satış üçün nəzərdə tutulduğundan artıq 15 min avrodan yuxarı qiymətə alınıb.

Stefan de Boysson Fransada ən tələbkar kolleksiyaçı kimi tanınan Depardyenin nə üçün məhz azərbaycanlı rəssamın əsərini almaq qərarına gəldiyinə belə aydınlıq gətirib:

“Bu ilk növbədə fransalı aktyorun Azərbaycana, Qafqazın bu əsrarəngiz bölgəsinə olan məftunluğundan irəli gəlib. İkinci səbəb bu rəsm əsərinin qeyri-standart ölçüdə (250/180) işlənməsidir. Bundan əlavə isə abstrakt rəsm üslubunu seçən rəssamın özünə məxsus dəsti-xətti var ki, onun əsərlərini digərlərindən fərqləndirir. Məryəm Ələkbərlinin yaratdığı əsərlər məna və hisslərin dərinliyi ilə seçilir. O, tonların harmoniyasını incəliklə yarada bilir və daxili dünyasını əlvan rənglərin dili ilə ifadə edir.

İncəsənət tarixçiləri, yaradıcılığın müxtəlif sahələrini təmsil edən sərgi iştirakçıları istedadlı rəssamın əsərlərini həmişə maraqla qarşılayıblar. Son 1 il ərzində biz bu gənc rəssamın 20-dən artıq əsərini satmışıq. Satılan əsərlərin hər birinin qiyməti 2 min avrodan başlayır”.

İncəsənət sahəsində təhsilə ilk dəfə Bakıda başlayan Məryəm Ələkbərli sonradan təhsilini Moskvada, ardınca isə Paris Dekorativ ali məktəbində və İncəsənət ali məktəbində davam etdirib.

ŞƏRH YAZ
1

Azərbaycanda iki teatra yeni direktorlar təyin olundu

Azərbaycanda iki teatra yeni direktorlar təyin olundu
17:22
17.07.2018
2430
Mədəniyyət
A
Azərbaycandaiki teatra yeni direktor təyin edilib.

"Ölkə.Az"ın "Report"a istinadən xəbərinə görə, Gənc Tamaşaçılar Teatrının keçmiş direktoru Mübariz Həmidov Sumqayıt Dövlət Dram Teatrına direktor təyin olunub. Sumqayıt şəhər İcra Hakimiyyəti başçısının I müavini Teymur Səmədov və Mədəniyyət Nazirliyinin İncəsənət şöbəsinin müdiri İsmayıl Hüseynov Mübariz Həmidovu kollektivə təqdim ediblər.

Sumqayıt Dövlət Dram Teatrının sabiq direktoru İslam Həsənov YUĞ teatrına direktor yeni təyin olunub.Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədov icra edirdi.

ŞƏRH YAZ
0

Kannda Azərbaycan mədəniyyəti günləri başlayıb

Kannda Azərbaycan mədəniyyəti günləri başlayıb
12:37
15.07.2018
4021
Mədəniyyət
A
Heydər Əliyev Fondunun təşkilatçılığı ilə Fransanın Kann şəhərində Azərbaycan mədəniyyəti günləri başlayıb.

Heydər Əliyev Fondundan APA-ya verilən məlumata görə, mədəniyyət günləri çərçivəsində iyulun 14-də Kanndakı Festivallar və Konqreslər Sarayında Azərbaycanın görkəmli rəssamları Lətif Feyzullayevin və Vəcihə Səmədovanın əsərlərindən ibarət “Məhəbbət tandemi” sərgisinin açılış mərasimi olub.

Sərginin açılışında Kann şəhər merinin müavini Frank Şıkli, Azərbaycanın Birinci vitse-prezidentinin köməkçisi, Heydər Əliyev Fondunun icraçı direktoru Anar Ələkbərov və ölkəmizin Fransadakı səfiri Rəhman Mustafayev çıxış ediblər. F. Şıkli Kannda artıq ənənəvi olaraq keçirilən Azərbaycan mədəniyyəti günlərinin əhəmiyyətindən danışaraq qeyd edib ki, bu layihə hər iki xalqı bir-birinə yaxınlaşdırmaqla yanaşı, mədəniyyət xəzinəmizi, tariximizi dərindən tanımağa imkan yaradır, ikitərəfli münasibətləri daha da zənginləşdirir. A.Ələkbərov belə əlamətdar gündə - 14 iyul Fransanın milli bayramında açılışı keçirilən Azərbaycan mədəniyyəti günlərinin dostluq, qarşılıqlı maraq və hörmətə əsaslanan, müxtəlif sahələri əhatə edən əlaqələrə dayandığını bildirib. Birinci vitse-prezidentin köməkçisi iki ölkə arasında siyasi əlaqələrin yüksək səviyyəsindən, son illər ölkələrimiz arasında mövcud olan bütün münasibətlərin strateji əməkdaşlıq xarakteri daşımasından söz açıb.Eyni zamanda mədəniyyət sahəsindəki əməkdaşlığın bugünkü səviyyəyə çatmasında Azərbaycan Respublikasının Birinci vitse-prezidenti Mehriban Əliyevanın böyük əməyi olduğunu diqqətə çatdırıb. Vurğulayıb ki, Mehriban Əliyeva Azərbaycan Respublikasının Milli Məclisində Azərbaycan-Fransa parlamentlərarası əlaqələr üzrə işçi qrupun rəhbəri olduğu dövrdə, Heydər Əliyev Fondunun prezidenti kimi, hazırda isə ölkəmizin Birinci vitse-prezidenti kimi Azərbaycan-Fransa əlaqələrinin möhkəmlənməsinə həmişə xüsusi önəm verib. Məhz onun şəxsi təşəbbüsü və dəstəyi ilə bir çox genişmiqyaslı layihələr uğurla həyata keçirilib: “2018-ci il Azərbaycan xalqı üçün çox əlamətdar bir ildir. Bu il biz müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 100 illiyini qeyd edirik. Məhz 100 il bundan əvvəl Azərbaycan Parlamentinin sədri Əlimərdan bəy Topçubaşovun rəhbərliyi ilə nümayəndə heyətinin iştirak etdiyi Paris Sülh Konfransında Azərbaycan Xalq Cümhuriyyəti müstəqil dövlət kimi tanınmışdı. Heydər Əliyev Fondu ölkəmiz və xalqımız üçün əlamətdar olan bu hadisəyə həsr edilmiş silsilə tədbirlər keçirir. Təsadüfi deyil ki, bu tarixi hadisəyə həsr olunmuş ilk tədbir məhz Fransanın paytaxtı Parisdə keçirilib”.

Bildirilib ki, “Məhəbbət tandemi” sərgisi Azərbaycanın Əməkdar İncəsənət Xadimi Lətif Feyzullayevin anadan olmasının 100 illik yubileyinə həsr olunub. Lətif Feyzullayev və Vəcihə Səmədova cütlüyünün yaradıcılıq irsi ölkəmizin gözəl məkanlarını və xalqımızın həyat tərzini əks etdirir. Sərgidə bu cütlüyün 50-dən çox əsəri nümayiş olunur.

Səfir Rəhman Mustafayev Birinci vitse-prezident Mehriban Əliyevanın iki ölkə arasında münasibətlərin möhkəmlənməsinə verdiyi töhfələri xatırladıb.  

Çıxışlardan sonra “Məhəbbət tandemi” sərgisinin açılışı olub. Tədbir iştirakçıları sərgini ziyarət ediblər.

Sərgidə Lətif Feyzullayevin və Vəcihə Səmədovanın doğma yurdumuzun gözəlliyini, soydaşlarımızın həyat tərzini, qayğılarını və əməyini əks etdirən əsərləri böyük maraqla qarşılanıb. Həmçinin hər iki rəssamın həyat yolundan bəhs edən videoçarxlar nümayiş olunub.

Sərgiyə gələn sənətsevərlərə Heydər Əliyev Fondunun ölkəmizin tarixi, mədəniyyəti, musiqisi haqqında fransız dilində nəşrləri hədiyyə edilib.

“Məhəbbət tandemi” sərgisi avqustun 4-dək davam edəcək.

Kann şəhərində Azərbaycan mədəniyyəti günləri çərçivəsində ziyafət də təşkil edilib. Gecədə Azərbaycanın tanınmış musiqiçiləri – Xalq Artisti Ənvər Sadıqov və Əməkdar Artist Emil Əfrasiyabın iştirakı ilə konsert proqramı təqdim olunub, milli musiqimizin inciləri səsləndirilib.

Qeyd edək ki, Heydər Əliyev Fondunun təşkilatçılığı ilə Kann şəhərində Azərbaycan mədəniyyəti günləri 2013-cü ildən keçirilir. Azərbaycan tarixi, mədəniyyəti və incəsənətinin təbliği, ölkələr və xalqlar arasında əlaqələrin genişlənməsinə xidmət edən layihə çərçivəsində mütəmadi olaraq müxtəlif sərgilər, konsert proqramları təşkil edilir.

Ölkə.Az

ŞƏRH YAZ
0
BAĞLA