Jurnalist Fuad Abbasov aclıq aksiyasını dayandırıb

Jurnalist Fuad Abbasov aclıq aksiyasını dayandırıb
23:13
19.06.2019
1292
Dünya
A
Rusiyanın Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində 12 gündür aclıq edən azərbaycanlı jurnalist Fuad Abbasov aksiyanı dayandırıb.

"Ölkə.Az" bildirir ki, jurnalist bu barədə özü bəyanat yayıb.

Fuad Abbasov iyunun 7-də Moskva vilayət məhkəməsinin onun Rusiyadan deportasiya edilməsi ilə bağlı apellyasiya şikayətini təmin etməməsinə etiraz əlaməti olaraq aclıq aksiyasına başlayıb.

Jurnalist bu addımı səhhətində yaranan problemlərlə bağlı atdığını bildirib:

"Salam əziz həmvətənlərim! Mən 12 gündür davam etdirdiyim aclıq aksiyasına son vermək qərarına gəldim. Bunun başlıca səbəbi ürək qan-damar sistemimdə yaranan problemlərdir. Həm saxlanıldığım mərkəzin, həm də Təcili Yardım Xidmətinin həkimləri məsləhət görürlər ki, aclıq aksiyasını dayandırım.

Amma təəssüflə bildirmək istəyirəm ki, aclıq aksiyasının səbəbi olan, mənim tutulmağım, məhkəmə prosesinin qeyri-qanuni keçirilməsi, deportasiya üçün aparıldığım hava limanından geri qaytarılmağım və burada 12 gündən artıq saxlanılmağımın səbəblərini indiyə kimi mənə heç kim açıqlamayıb. Ümid edirəm ki, yaxın zamanda bu problem həll olunacaq və mən rahat bir şəkildə Vətənimiz Azərbaycana qayıda biləcəyəm".

Ölkə.Az

ŞƏRH YAZ
0

Suriyada 50 silahlı məhv edilib

Suriyada 50 silahlı məhv edilib
22:42
Bu gün
135
Dünya
A
Suriyanın İdlib və Hələb əyalətlərində hökumət qüvvələrinin mövqeyinə hücumların gedişatında təxminən 50 silahlı məhv edilib.

"Ölkə.Az" RİA “Novosti”yə istinadən xəbər verir ki, bu barədə Suriyada duşmənçilik edən tərəflərin barışığı üzrə Rusiya mərkəzinin rəhbəri Yuri Borenkov bildirib.

Borenkov qeyd edib ki, "Hayat Tahrir Aş-Şam" terror təşkilatının döyüşçüləri yanvarın 16-da axşam İdlib və Hələb əyalətinin bir neçə yaşayış məntəqəsi ərazisində hökumət qüvvələrinin mövqelərinə soxulmağa çalışıblar. 

ŞƏRH YAZ
0

Rusiyada ilk dəfə video bağlantılı bankomatlar quraşdırılıb

Rusiyada ilk dəfə video bağlantılı bankomatlar quraşdırılıb
21:30
Bu gün
326
Dünya
A
Rusiyanın Azərbaycanda da törəməsi olan "VTB Bank" video bağlantı imkanına malik yeni bankomatlarını təqdim edib.

"Ölkə.Az" Rusiya mətbuatına istinadən xəbər verir ki, bankomatlar paytaxt Moskvadakı 2 filialda quraşdırılıb. 

Müştərilər onların vasitəsilə videoməsləhətlər ala bilər, "bir pəncərə” prinsipi ilə təqdim edilən xidmətlərdən istifadə edə bilərlər. Bankomatların sınaq müddəti başa çatdıqdan sonra onlarla göstərilən xidmətlərin sayı artırılacaq. Belə ki, ofis menecerlərinin göstərdiyi xidmətlərin 90%-nin həmin bankomatlara əlavə edilməsi nəzərdə tutulub.

ŞƏRH YAZ
0
BAĞLA