Jurnalistin qardaşının evi soyuldu — FOTO

Jurnalistin qardaşının evi soyuldu
01:26
20.08.2019
2932
Hadisə
A
Əməkdar jurnalist, "Lider TV"nin Xəbərlər departamentinin prodüseri Elnarə Dərziyevanın qardaşının evi soyulub.

“Ölkə.Az” xəbər verir ki, o, bu barədə sosial şəbəkədə məlumat paylaşıb

“Rayona istirahətə gedirsən və döndüyün zaman "gözəl" bir mənzərə ilə rastlaşırsan! Qardaşım Vüqar Dərziyevin evini alt-üst edib, qızıl-zinət əşyalarını oğurlayıblar! Hazırda Binəqədi rayon 6-cı polis bölməsinin əməkdaşları, ekspertiza qrupu buradadır. Artıq 2-ci dəfədir ki, qardaşımın evi qarət olunur. Qonşuların sözlərinə görə, son 3 ay ərzində artıq neçənci evdir ki, yarırlar!”.

Ölkə.Az

ŞƏRH YAZ
0

Tovuzda qardaş qardaşı bıçaqlayıb

Tovuzda qardaş qardaşı bıçaqlayıb
23:51
26.01.2020
829
Hadisə
A
Tovuz rayonunda bıçaqlanma hadisəsi baş verib.

"Ölkə.Az" report-a istinadən bildirir ki, hadisə Tovuz şəhər ərazisində qeydə alınıb. 

Belə ki, Tovuz rayon sakini, 1962-ci il təvəllüdlü Əbülfət İslam oğlu Salmanov mübahisə zəminində qardaşı, Rövşən Salmanov tərəfindən bıçaqlanıb. 

Əl, baş və sinə nahiyəsindən bıçaq xəsarətləri alan yaralı xəstəxanaya yerləşdirilib. Onun vəziyyətinin kafi olduğu bildirilir. 

Hadisəni törədən şəxs isə polis tərəfindən saxlanılıb. Faktla bağlı araşdırma aparılır.

ŞƏRH YAZ
0

Gəncədə yetkinlik yaşına çatmayan qız doğuş həyata keçirib

Gəncədə yetkinlik yaşına çatmayan qız doğuş həyata keçirib
23:10
26.01.2020
1201
Hadisə
A
Gəncə şəhərində yetkinlik yaşına çatmayan hamilə qız doğuş həyata keçirib.

"Ölkə.Az" report-a istinadən bildirir ki, 2003-cü il təvəllüdlü, şərti adı N.Z olan şəhər sakini təcili tibbi yardım maşını ilə doğuş üçün xəstəxanaya aparılıb.

O, xəstəxanaya çatdırılsa da “uşaq salma” olduğundan körpəsi dünyasını dəyişib.

Hazırda qadının vəziyyətinin kafi olduğu bildirilir.

Qeyd edək ki, 18 yaşına (yetkinlik yaşına) çatmayan və tam fəaliyyət qabiliyyəti əldə etməyən şəxslər uşaq-yeniyetmə hesab olunur. Azərbaycan Respublikasında nikah yaşı 18 yaş müəyyən olunub. Üzrlü səbəblər olduqda, nikaha daxil olmaq istəyən və nikah yaşına çatmamış şəxslərin xahişi ilə onların yaşadığı ərazinin müvafiq İcra Hakimiyyəti orqanı nikah yaşının 1 ildən çox olmayaraq azaldılmasına icazə verə bilər.

Digər hallarda nikaha daxilolma erkən nikah hesab edilir və müvafiq qanunvericiliyə əsasən belə nikahlar etibarsız sayılır.

18 yaş 1989-cu il tarixli Uşaq Hüquqları Konvensiyasında müəyyənləşmiş son həddir, uşaqların nikaha daxil olması insan hüquqlarının pozulması hesab olunur.

ŞƏRH YAZ
0
BAĞLA