KORONAVİRUSA YOLUXANLARIN SAYI - CANLI STATİSTİKA

“Kababı gözümün qurdunu öldürmək üçün yeyirəm” — Rəsul Çunayev - VİDEO

“Kababı gözümün qurdunu öldürmək üçün yeyirəm”
06:57
25.05.2020
1936
İdman
A
Federasiya təlim-məşq toplanışları zamanı mənim qidalanmağım üçün lazımi şəraiti yaradır. Həm mən lazımi məhsulları özümlə götürürəm, həm də federasiya mənim üçün o qidaları tapıb gətirir. Federasiyanın aşpazı da həmin məhsulları mənim yeməyimə əlavə edir”.

"Ölkə.Az" xəbər verir ki, bunu oxu.az-ın əməkdaşı Səbuhi Musayevlə “Instagram”da canlı bağlantıda olan yunan-Roma güləşi üzrə Olimpiya mükafatçısı və dünya çempionu Rəsul Çunayev deyib.

O, pəhrizi necə saxlamasından danışıb:

“Demək olar ki, çörək yemirəm. Səhər yeməyi zamanı lavaşdan istifadə edirəm. Bildirçin yumurtası ilə kinoa, qarabaşaq, makaron yeyirəm. Qaynadılmış yeməklərə üstünlük verirəm, qızardılmış yeməklərdən qaçıram. Ancaq kənddə yetişmiş toyuq və hind quşu ətini yeyirəm. Süd məhsullarından ancaq keçi südündən yararlanıram. Hətta qatığı belə anam keçi südündən hazırlayır. Pomidorun qabığını soyub tomat formasında hazırlayıram və onu makaronun üzərinə ketçup əvəzi vurub yeyirəm. Bir sözlə, mən pəhrizə ciddi yanaşıram.

Ümumiyyətlə, 12 yaşımdan Bakıda, valideynlərimdən aralıda olduğumdan, özüm yemək bişirməyi bacarıram. Nə bişirmişəmsə, indiyədək hamının xoşuna gəlib. Kababa kimi bişirməyi bacarıram. Kökəlməyə meyilliyəm. Ona görə də kababı da ürəyim çox istəyəndə ayda 1-2 dəfə yeməyə çalışıram. Bunu da gözümün qurdunu öldürmək üçün edirəm.

Çəkinin düşməsində məşq o qədər də çox rol oynamır. Əsas məsələ düzgün qidalanmalı və mümkün qədər çox piyada gəzməlisən. Bununla da piylər əriyir və qan dövranı düzgün işləyir. Çox meyvə yemək belə düzgün deyil, çünki şəkərdir. Bir qram şəkər üç qram piy verir”.

Olimpiadadan sonra karyaresını bitirmək barədə konkret plan tutmadığını, 2012-ci ildən bəri avar rəqsini oynaya bildiyini, avarlar arasında hazırda yunan-Roma güləşində ən titullu idmançı olduğunu söyləyən Rəsul Çunayev güləşlə vidalaşdıqdan sonra dünya şəhərlərini gəzmək istədiyini qeyd edib.

Həmçinin o, MMA-dan təklif aldığını və Həbib Nurməhəmmədovla sparrinq rəqib kimi güləşdiyini də bildirib:

“Mənə daxildən və xaricdən MMA təklifləri çox gəlir, hətta müqavilə də təklif edirlər. Mən avar olan Həbib Nurməhəmmədovla, daha çox da onun qardaşı Şamillə yaxınam. Atası Əbdülmanap Nurməhəmmədov hazırda xəstədir. Ona Allah cansağlığı versin. O, Bakıda olanda mənə demişdi ki, səni altı aya MMA-ya hazırlamaq olar. Üstəlik, dünya çempionu olduğundan, müqavilə də bağlamaq asan olacaq.

İslam Maxaçevin Sankt-Peterburqdakı döyüşü üçün mən də dəvət edilmişdim. Həmin döyüşdən əvvəl məşqlərdə gördüm ki, MMA ilə məşğul ola bilərəm. Çünki məşqlərdə etmədiyim qeyri-adi fəndlər var ki, rəqiblər bunu məndən gözləmir. Mənim qeyri-adi şəkildə rəqibləri boğmağıma MMA döyüşçüləri gülsə də, faktiki rəqibimi boğurdum (gülür). Həbibin əmisioğlu Əbubəkrlə güləşəndə mənim onu "bedro" fəndinə atmağımdan qorxurdu. Bir sözlə, orda onlarla məşq keçəndə həvəslənirəm, amma evə gələndən sonra deyirəm ki, dörd dəfə əməliyyat keçirmiş adamam, MMA mənə lazımdır? O idman növündə zədələr çox olur. Dağıstanda olanda Həbib Nurməhəmmədovla da güləşmişəm”.

“2016-cı il Rio Olimpiadasına vəsiqə üçün xorvatiyalı idmançını (Dominik Etlinqeri nəzərdə tutur – S.M.) 17 saniyəyə təmiz qələbə ilə udmuşam. Bu, karyeramın ən erkən qələbəsidir. Ümumiyyətlə, bu idmançı güclü olsa da, ona beş dəfə qalib gəlmişəm. I Avropa Oyunlarının 1/4 finalında da onu udmuşam”, – deyə Rəsul Çunayev qeyd edib.

ŞƏRH YAZ
0

“Möhkəm ol, Azərbaycan əsgəri” — Naci Şensoy- FOTO

“Möhkəm ol, Azərbaycan əsgəri”
11:55
14.07.2020
811
İdman
A
Bir zamanlar Tovuzun "Turan" klubunun baş məşqçisi olmuş Naci Şensoy Azərbaycan əsgərinə dəstəklədiyini yazıb.

“Ölkə.Az” xəbər verir ki, o, bu barədə sosial şəbəkə hesabında paylaşım edib:

"Möhkəm olun, igid tovuzlular və qəhrəman Azərbaycan əsgəri. Siz heç vaxt yalnız olmayacaqsınız. Tovuzlu igid şəhidimizin ruhu şad olsun ".

Qeyd edək ki, iyulun 12-də Ermənistan silahlı qüvvələrinin bölmələri Azərbaycan - Ermənistan dövlət sərhədinin Tovuz istiqamətində atəşkəs rejimini pozaraq mövqelərimizi ağır artilleriya atəşinə tutublar. Hücuma cəhd göstərən erməni dəstələri Azərbaycan Ordusunun şücaətli əsgərləri tətəfindən dəf edilərək, düşmən geri otuzdurulub.

Ölkə.Az

ŞƏRH YAZ
0

Lionel Messi daha bir tarixi rekorda imza atıb

Lionel Messi daha bir tarixi rekorda imza atıb
02:57
12.07.2020
1668
İdman
A
"Barselona"nın kapitanı Lionel Messi daha bir tarixi rekorda imza atıb.

"Ölkə.Az" apasport.az-a istinadən xəbər verir ki, argentinalı superulduz La Liqanın 36-cı turunda "Valyadolid"lə səfər qarşılaşmasında bunu bacarıb.

Görüşün 15-ci dəqiqəsində Arturo Vidalın vurduğu qolun məhsuldar ötürməsini verən 33 yaşlı oyunçu cari mövsüm assist sayını 20-yə çatdırıb. Onun aktivində həmçinin 22 qol var. Bununla Messi La Liqa tarixində bir mövsümdə 20 qol və 20 assist həddinə çatan ilk futbolçu olub.

Ölkə.Az

 

ŞƏRH YAZ
0
BAĞLA