Kafedən 1200 manat pulu oğurlayan keçmiş məhkum saxlanıldı

Kafedən 1200 manat pulu oğurlayan keçmiş məhkum saxlanıldı
12:38
10.08.2018
1485
Hadisə
A
Nəsimi rayonunda yerləşən “Nəsimi” kafesində kassir oğurluğa məruz qalıb.

“Ölkə.Az”ın xəbərinə görə, kafenin işçisi İsmayılov Surac Rüfət oğlunun 1200 manat pul olan kisəsi və mobil telefonu oğurlanıb. Belə ki, kafedə müştərinin çoxluğundan istifadə edən oğru nəzarətsiz qalan pul kisəsi və mobil telefonu götürərək aradan çıxıb. Ərazidə xidmət aparan polis əməkdaşlarının keçirdikləri əməliyyat-axtarış tədbirləri nəticəsində, əvvəllər analoji əmələ görə məhkumluq həyatı yaşamış  Hüseynov Bəhruz Malik oğlu saxlanılaraq istintaq orqanına təhvil verilib. 

Faktla bağlı Nəsimi RPİ-nin İstintaq Şöbəsində cinayət məcəlləsinin 177 (oğurluq) maddəsi ilə cinayət işi başlanıb.

ŞƏRH YAZ
0

Zaqatalada qəza, 2 nəfər öldü — RƏSMİ AÇIQLAMA

Zaqatalada qəza, 2 nəfər öldü
14:00
Bu gün
1017
Hadisə
A
Noyabrın 20-də saat 22 radələrində Zaqatala rayonunun Yolayrıç kəndi ərazisində rayon sakini Emin Kahayev idarə etdiyi “Priora” markalı avtomobili yolun kənarındakı ağaca vurub.

"Ölkə.Az" xəbər verir ki, bu barədə Daxili İşlər Nazirliyi məlumat yayıb. Qeyd olunub ki, nəticədə sürücü hadisə yerində, sərnişini Amid Şabanov isə xəstəxanada ölüblər.

Zaqatala RPŞ tərəfindən araşdırma aparılır. 

Ölkə.Az

ŞƏRH YAZ
0

Axtarışda olan məşhur meyxanaçının yeni — FOTOLARI YAYILDI

Axtarışda olan məşhur meyxanaçının yeni
13:10
Bu gün
4853
Hadisə
A
2015-ci ildə Bakı şəhər Baş Polis İdarəsi tərəfindən axtarışa verilən və uzun müddətdir Rusiyada yaşayan tanınmış meyxanaçı Vahid Qədim illər sonra görüntülənib.

"Ölkə.Az" A24.az-a istinadən xəbər verir ki, meyxanaçının fotolarını həmkarı Vüqar Əbdülov paylaşıb. Rusiyada baş tutan məclislərdən birinin ardından axtarışda olan meyxanaçı ilə görüşən V. Əbdülovun paylaşdığı fotolardan Vahid Qədimin ölkədən köçdüyü 5 il ərzində xarici görünüşdən heç bir dəyişikliyin baş vermədiyi görünür.

Qeyd edək ki, dələduzluqda təqsirləndirilən meyxanaçı 2013-cü ildən ailəsi ilə birlikdə Rusiyada yaşayır. Məlumata görə, Vahid Qədim Rusiyada yaşayıb, sənətlə məşğul olur. Bildirilir ki, o, Rusiyada meyxanaları ilə məşhurdur, sevilir.

Xatırladaq ki, söz xiridarı barədə Bakı şəhər Baş Polis İdarəsinin saytında məlumat yerləşdirilib. Məlumatda qeyd olunur ki, 1973-cü il təvəllüdlü Səfərov Vahid Ağabala oğlu Cinayət Məcəlləsinin 178-ci (dələduzluq) maddəsi ilə təqsirləndirilir.

Meyxana aləmində Vahid Qədim kimi tanınan V. Səfərov 2015-ci ilin yanvarından axtarışa verilib.

Onu da əlavə edək ki, Vahid Qədim polislə də qarşı-qarşıya gəlib. O,  "Bacım oğlu” adlı meyxanasına çəkdirdiyi klipində polisin tətbiqindən yayınmağa çalışmışdı.  

 

Ölkə.Az
 

ŞƏRH YAZ
0
BAĞLA