Kainatın ən parlaq qalaktikası öz peyklərini “udur”
“W2246-0526” qalaktikası kainatın ən parlaq qalaktikasıdır və Dolça bürcündə yerləşir.
“Ölkə.Az” xəbər verir ki, qalaktika bu yaxınlarda üç peykini parçalayıb və udub. Bu, onun qeyri-adi işıldama gücü ilə izah edilir.
NASA alimləri məsələ ilə bağlı deyiblər:
“Biz bilirik ki, bu qalaktikanın üç iri peyki var. Amma keçmişdə qalaktikanın mərkəzindəki qara dəliyin bu peyklərə təsirinə dair heç bir məlumata sahib deyildik. Bu səbəbdən ALMA vasitəsilə əldə edilən fotolar bizim üçün gözlənilməz oldu”.
NASA alimi Eyzenhardt və onun həmkarları qalaktikanı 3 il əvvəl kəşf ediblər. Onun mərkəzindəki qara dəliyi tədqiq edəndə alimlər gözlərinə inanmadılar. Qara dəlik Günəşdən ən azı 3 milyard dəfə ağır idi.
Hikmət Həsənov
Ölkə.Az
