Kaliforniyada fövqəladə vəziyyət
ABŞ-ın Kaliforniya ştatında meşə yanğınları davam edir.
“Ölkə.Az” xəbər verir ki, yanğınlar nəticəsində azı 3,5 min ev və sənaye binaları yararsız hala düşüb. Ümumilikdə təxminən 690 kvadrat kilometr sahə yanıb.
Yanğınlar zamanı 20 mindən çox insan təxliyə olunub. Meşə yanğını qurbanlarının sayı isə 21 nəfərə çatıb.
Yerli yanğınsöndürmə xidmətinin rəhbəri Ken Pimlott vəziyyətin ağır olduğunu bildirib.
Hazırda yanğının söndürülməsi üçün yanğınsöndürmə xidməti bütün gücü ilə cəlb edilib. Ştatın qubernatoru yanğınla əlaqədar fövqəladə vəziyyət elan edib.
Ziya Səccad
Ölkə.Az
