Kaliforniyada Novruz bayramı qeyd olunub

Kaliforniyada Novruz bayramı qeyd olunub
11:05
22.03.2019
3571
Dünya
A
Kaliforniyanın San Dieqo şəhərində Novruz bayramı təntənə ilə qeyd edilib.

Bu barədə "Ölkə.Az"a Azərbaycanın Los Ancelesdəki Baş Konsulluğundən məlumat verilib. 

Tədbir Azərbaycanın Los Ancelesdəki Baş Konsulluğunun dəstəyi və Kaliforniya Azərbaycan Dostluq Assosiasiyasının (California Azerbaijan Friendship Association - CAFA) təşkilatçılığı ilə San Dieqonun tanınmış "Cafe 21" məkanında keçirilib. Bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.

CAFA-nın icraçı direktoru Kimiya Məmmədova çıxışında Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib. Novruz şənliyinin keçirilməsində dəstəyə görə Baş Konsulluğa və "Cafe 21"in sahibləri Lalə və İmran Cavadova və digər icma üzvlərinə təşəkkürünü bildirən K.Məmmədova icraçı direktoru olduğu CAFA təşkilatının gələcəkdə də bu kimi tədbirlərin keçirilməsini davam etdirəcəyini vurğulayıb.

Tədbir tanınmış tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.

Ölkə.Az

ŞƏRH YAZ
0

Poroşenko Zelenskini təbrik etdi

Poroşenko Zelenskini təbrik etdi
23:29
21.04.2019
899
Dünya
A
Ukraynanın hazırki prezidenti Petro Poroşenko seçkilərdəki uğuruna görə rəqibi Vladimir Zelenskini təbrik edib.

"Ölkə.Az" yerli mediaya istinadən xəbər verir ki, bu barədə Zelenskinin özü seçki qərargahındakı brifinqdə deyib:

"O elə indicə məni təbrik etdi və dedi ki, mənə hər zaman kömək etməyə hazırdır. O, mənim və komandamın qalibiyyətini qəbul edib. Bu əladır, biz Ukraynanın birləşdirdik. Cənab Poroşenkonun köməyinə ehtiyacımız olsa, mütləq ona zəng edəcəyəm".

Zelenski həmçinin hazırda parlamentdə baxılan ukrayna dili haqqında qanun layihəsini dəstəklədiyini bildirib.

Ölkə.Az

ŞƏRH YAZ
0

Poroşenko prezident seçkilərində məğlub olduğunu etiraf edib

Poroşenko prezident seçkilərində məğlub olduğunu etiraf edib
22:20
21.04.2019
717
Dünya
A
Ukraynanın hazırkı prezidenti Petro Poroşenko prezident seçkilərinin ikinci turunda rəqibi Vladimir Zelenskiyə üç dəfə az seçici səsi hesabı ilə uduzduğunu etiraf edib.

"Ölkə.Az" TASS-a istinadən bildirir ki, onun sözlərinə görə, siyasətdən getməyəcək. Poroşenko komandasını heç vaxt təslim olmamağa dəvət edib.

"Hörmətli komanda üzvləri, həmyerlilər, KİV əməkdaşları, heç vaxt təslim olmayın. Heç vaxt, heç vaxt, heç vaxt. Çoxluqda da, azlıqda təslim olmayın", - deyə Poroşenko sözlərinə əlavə edib. O, qeyd edib ki, bu sözlər Britaniyanın eks-baş naziri Uinston Çörçilə aiddir.

Qeyd edək ki, Ukraynada prezident seçkilərinin ikinci turu başa çatıb. "Exit poll"un nəticələrinə əsasən, Vladimir Zelenski seçkilərin ikinci turunda qalib olub. O, 73,2 faiz səs toplayıb, hazırkı prezident Petro Poroşenko isə 25,3 faiz səs toplayıb.

Ölkə.Az

ŞƏRH YAZ
0
BAĞLA