“KamAZ” dayanacağa çırpıldı — FOTOLAR

“KamAZ” dayanacağa çırpıldı
14:11
19.03.2017
20
Hadisə
A
Bu gün səhər saatlarında Bakı-Şamaxı-Yevlax avtomobil yolunun 23-cü km-də, Müşfiq qəsəbəsi ərazisindən keçən hissəsində yol təsərrüfatına ziyanın dəyməsi ilə nəticələnmiş yol-nəqliyyat hadisəsi baş verib.

Ölkə.Az “Azəravtoyol” Açıq Səhmdar Cəmiyyətinə istinadən xəbər verir ki, Lerik rayon sakini, 1983-cü il təvəllüdlü Zahid Dövlətov “KamAZ” markalı yük maşınına idarəetməni itirməsi nəticəsində nəqliyyat vasitəsi yol kənarında inşa edilmiş avtobus dayanacağına çırpılıb. Nəticədə dayanacağın bir hissəsi dağılaraq istifadəyə yararsız hala düşüb.

Qəza baş verən vaxtı dayanacaqda heç kim olmayıb.

Dəymiş ziyanla bağlı fakt aktlaşdırılaraq, aidiyyəti üzrə göndərilib.

 

ŞƏRH YAZ
0

Gəncədə partlayış — 14 yaşlı oğlan yaralandı

Gəncədə partlayış
18:45
Bu gün
148
Hadisə
A
Gəncədə evdə qaz sızmasından partlayış yaranıb.

"Ölkə.Az" APA- ya istinadən məlumat verir ki, hadisə şəhərin Cavad Xan qəsəbəsində qeydə alınıb.  

Qəsəbə sakini, 2003-cü il təvəllüdlü Xəlilov Sabit İmran oğlu evlərində quraşdırılan sobanı yandıran zaman qaz sızmasından partlayış baş verib. S. Xəlilov yanıq xəsarətləri alaraq, xəstəxanaya yerləşdirilib. Vəziyyətinin kafi olduğu bildirilir.

ŞƏRH YAZ
0

Göygöl və Cəlilabadda yanğın

Göygöl və Cəlilabadda yanğın
18:30
Bu gün
144
Hadisə
A
Cəlilabad rayonunda yanğın olub.

"Ölkə.Az"- ın FHN-in saytına istinadən verdiyi məlumata görə, rayonun Göytəpə şəhərində ümumi sahəsi 80 m2 olan birmərtəbəli 3 otaqlı evin mətbəxinin yanar konstruksiyaları 8 m2 sahədə yanıb. Evin qalan hissəsi yanğından mühafizə olunub, yanğın yanğın bölmələri tərəfindən söndürülüb.

Göygöl rayonunun Yeni Qızılca kəndində isə ümumi sahəsi 450 m2 olan birmərtəbəli restoranın tavanı 15 m2 sahədə, 5 ədəd divan qismən və restoranın giriş qapısı 1 m2 sahədə yanıb. Restoranın qalan hissəsi yanğından mühafizə edilib, yanğın yanğın bölmələri tərəfindən söndürülüb.

ŞƏRH YAZ
0
BAĞLA