Kamil Zeynallı azadlıqda — VİDEO

Kamil Zeynallı azadlıqda
20:48
21.03.2019
4748
Maqazin
A
Bir neçə gün öncə həbs edilən idmançı Kamil Zeynallı azadlığa çıxıb.

“Ölkə.Az”ın Axşam.az-a istinadən məlumatına görə, bu barədə idmançı özü sosial şəbəkədə video paylaşaraq məlumat verib:

“Çox şükür, hər şey yaxşıdır. Bu gün saat 17:00-da məni buraxdılar. Hamıdan razıyam. Səhvimiz var idi, cəzamızı çəkdik, gəldik. 10 gün nədir ki? Camaat illərlə həbs yatır. Allah içəridə olan hər kəsin qapısını açsın. Dövlətimizdən, hər kəsdən razıyam. Başda rəisimiz Ramin müəllim olmaqla, bütün işçilərdən çox razıyam. Hamıyla necə davranırdılarsa, mənimlə də ocür davranırdılar. İnsan getdiyi yerdə özünü necə aparırsa, onunla o cür də rəftar edirlər. Hamıya təşəkkürümü bildirirəm".

Xatırladaq ki, Kamil Nərimanov Rayon Məhkəməsinin qərarı ilə 10 sutka inzibati həbs cəzası almışdı. İdmançının həbs edilməsinə səbəb Heydər Əliyev Mərkəzinin yaxınlığında telefonla danışarkən ətrafdakılara söyüş söyməsidir.

Ölkə.Az

ŞƏRH YAZ
0

Şeymadan Acun etirafı — Kaş yaşıd olaydıq

Şeymadan Acun etirafı
16:15
Bu gün
3942
Maqazin
A
Acun İlıcalıdan boşandıqdan sonra kitab yazan Şeyma Subaşı şəxsi həyatı barədə maraqlı hissələri qələmə alıb.

“Ölkə.Az” xəbər verir ki, kitabda “Kaş eyni yaşda olaydıq deyə dua etdiyim gecəni xatırlayıram” hissəsi diqqətə səbəb olub.

Boşanmadan sonra yazdığı kitab tənqidlərə səbəb olan Şeyma Subaşı kitabı özünün yazmadığını, hekayələri redaktorlara danışdığını və onlar tərəfindən qələmə alındığını etiraf edib.

“Tənha idim. Fiziki və psixoloji cəhətdən çox tənha idim. Kaş ki, eyni yaşda ola bilsəydik deyə dua etdiyim gecəni xatırlayıram. Hər şeyin sonuna gəlmiş kimi hiss edir insan özünü. Elə bil ki, qara dəlikdəsən. Badam gözlü qızımın sayəsində  o qara dəlikdən çıxdım. Bəzi səhvlər etsək də, sonradan bir-birimizə sərbəstlik verdik. Nə yaxşı ki, etdik”, - deyə kitabda bu barədə yazılıb.

Ölkə.Az

ŞƏRH YAZ
0

“Bir də gördüm ki, babam yox oldu” — Arif Məlikovun nəvəsi - VİDEO

“Bir də gördüm ki, babam yox oldu”
14:35
Bu gün
1220
Maqazin
A
ARB TV-nin “Bu qədər” proqramının növbəti buraxılışında mərhum xalq artisti, dahi bəstəkar Arif Məlikovun həyatından danışılıb.

"Ölkə.Az" xəbər verir ki, xalq artistinin ailə üzvləri, qohumları, sənət yoldaşları onunla bağlı xatirələrini bölüşüb:

Aminə Məlikova – Nəvəsi: “Axır illərdə babam bir çox xəstəliklərdən əziyyət çəkirdi. Ümumiyyətlə, xəstəliklər onu çox zəiflətmişdi. Deyirdi ki, həftədə 2 dəfə dərsim var, mən mütləq dərslərdə iştirak etməliyəm. Bəlkə, tək-tük hallarda dərslərə gedə bilməyəndə özünü çox qınayırdı. Babam yavaş-yavaş zəifləməyə başladı və bir gün babam yox oldu. Mən qəzeti açıb görəndə ki, babam fəxri xiyabanda dəfn olunub. Öz-özümə deyirəm ki, dünya şöhrətli bəstəkar Arif Məlikov dünyasını dəyişib. Amma mənim babamın artıq bizimlə olmadığını dərk etmək, bu artıq çox çətindir. Həm mənim nənəm, həm də mənim üçün. Heç bir söz onu bizə qaytarmayacaq. Baba, mən doğrudan da çox xoşbəxtəm ki, sən mənim həyatımda var idin. Hiss edirəm ki, sənin ruhun mənim içimdədir”.

Ölkə.Az

ŞƏRH YAZ
0
BAĞLA