Kamran Ağayev: “32 yaşım var, hələ “sevirəm” sözünü deməmişəm”

Kamran Ağayev: “32 yaşım var, hələ “sevirəm” sözünü deməmişəm”
19:45
12.05.2018
1292
İdman
A
ARB TV-nin “Günaylı Şənbə” verilişinin növbəti qonağı futbol üzrə Azərbaycan milli komandasının qapıçısı Kamran Ağayev olub.

"Ölkə.Az" xəbər verir ki, verilişdə Kamran bu yaşa qədər niyə ailə qurmamasının səbəbini açıqlayıb.

O, deyib: “Ailə qurmaq məsuliyyətli bir şeydir. Sıradan biri ilə gedim ailə qurum, hamı ailə qurur xeyir. Bizim dilimizdə bir cümlə var. Deyirik ki, qız var ailə qurum? Hamı elə bilir ki, qızları pis qələmə veririk. Xeyir, o mənada deyil. Sadəcə ürəyimə yatan bir qız yoxdur. Təbii ki, göstərənlər olub, düşüncələrim olub. Sadəcə bu şeylər qismətdir. İdmanla bağlı ordaa-burada olmuşam. Gəlib bu yerə çatmışıq. İnşallah, qismətdisə, ailə quracağıq”.

Milli futbolçu eyni zamanda tez-tez adının modellərlə sevgili kimi hallanması məsələsinə də aydınlıq gətirib: “Səmimi deyim ki, gündəmdə olan idmançılar harasa bir açılışa və ya bir dəvətə gedəndə, bir xanım ola bilər və mən onunla şəkil çəkdirə bilərəm. Dialoqumuz, dostluğumuz alına bilər. Bu, o demək deyil ki, mənim onunla münasibətim var, sevgiliyik. Bunlar boş şeylərdir. 32 yaşım var, hələ “sevirəm” sözünü deməmişəm. Çünki sevdiyim insan olmayıb ki, sevirəm sözünü deyim.Yalandan da olsun, o sözü deməmişəm”.

ŞƏRH YAZ
0

Bakıda növbəti beynəlxalq yarış keçirilir

Bakıda növbəti beynəlxalq yarış keçirilir
11:08
Bu gün
303
İdman
A
Bu gün Azərbaycanda ilin ilk beynəlxalq idman yarışı - batut gimnastikası və tamblinq üzrə Dünya Kubokunun açılış mərasimi keçirilib.

“Ölkə.Az” xəbər verir ki, Milli Gimnastika Arenasında (MGA) baş tutan mərasimdə əvvəlcə iştirakçı ölkələrin - Azərbaycan, Avstraliya, Almaniya, ABŞ, Belarus, Bolqarıstan, Braziliya, Böyük Britaniya, Əlcəzair, Kanada, Çin, Çexiya, Danimarka, Fransa, Gürcüstan, Yunanıstan, İtaliya, İspaniya, İsveç, İsveçrə, Yaponiya, Qazaxıstan, Meksika, Yeni Zelandiya, Polşa, Portuqaliya, Rusiya, Türkiyə, Ukrayna və Özbəkistanın bayraqları nümayiş olunub.

Açılış sözü ilə çıxış edən gənclər və idman nazirinin müavini İsmayıl İsmayılov Azərbaycanda daha bir idman bayramının reallaşacağını deyib: "Dünyanın ən güclü gimnastları Bakıda toplaşıb. Azərbaycan bütün idman növləri üzrə yarışları ən yüksək səviyyədə keçirməyə qadir ölkədir. Buna misal kimi "Bakı 2015" I Avropa Oyunları, "Bakı 2017" IV İslam Həmrəyliyi Oyunları, "Formula 1"i göstərmək olar. Bu ildə ölkəmizdə bir çox mötəbər yarışlar olacaq".

Azərbaycan Dövlət Himninin səsləndiriliməsindən sonra yarış açıq elan edilib.

“AGF Trophy”də 30 ölkənin 160-dan çox gimnastı mübarizə aparacaq. 2020-ci il Tokio Yay Olimpiya Oyunları üçün təsnifat xarakteri daşıyan Dünya Kubokunun açılış mərasiminin ardından yarışa start verilib.

Dünya Kubokunda Azərbaycanı 5 idmançı təmsil edəcək. Batut yarışlarında qadınlar arasında fərdi proqramda son Avropa çempionatının gümüş medalçısı Veronika Zemlyanaya, kişilər arasında sinxron və fərdi proqramlarda Ruslan Ağamirov, İlya Qrişunin, Oleq Piunov, eləcə də tamblinqdə Avropa çempionu Mixail Malkin mübarizə aparacaqlar.

Qeyd edək ki, iki gün davam edəcək yarışın ilk günü təsnifat mərhələləri, ikinci günü isə saat 12:00-dan etibarən final mərhələləri baş tutacaq.

Ölkə.Az

ŞƏRH YAZ
0

“Mançester Yunayted”də iki ciddi itki

“Mançester Yunayted”də iki ciddi itki
01:17
Bu gün
458
İdman
A
İngiltərənin “Mançester Yunayted” klubunun futbolçuları Antonio Marsyal və Cessi Linqard 2-3 həftə yaşıl meydanlardan kənarda qalacaq.

“Ölkə.Az” xəbər verir ki, bu barədə “qırmızı şeytanların” baş məşqçisi Ole-Qunnar Sulşer məlumat verib.

Onun sözlərinə əsasən, hər iki futbolçu İngiltərə kubokunun 1/8 finalında “Çelsi”,  Premyer Liqanın 27-ci turunda “Liverpul”la oyunları dəqiq buraxacaqlar.

Onlar Çempionlar Liqasının 1/8 finalında PSJ ilə cavab matçında da iştirak etməyə bilərlər.

Qeyd edək ki, hər iki oyunçu PSJ ilə ilk qarşılaşmada zədələnib.

Ölkə.Az

ŞƏRH YAZ
0
BAĞLA