Kamran Ağayev "qara siyahı"ya düşdü

Kamran Ağayev
20:27
12.11.2017
1405
İdman
A
Millimizin və "Mlada Boleslav"ın qapıçısı Kamran Ağayevin Çexiyada işləri qaydasında getmir.

Ölkə.Az goal.az-a istinadən xəbər verir ki, qapıçımız çempionatının 13-cü turunda "Ostrava" ilə səfər matçında qırmızı vərəqə almaqla diqqəti pis mənada üzərinə çəkmişdi Start heyətdə oyuna başlayan Kamran qarşılaşmanın 73-cü dəqiqəsində hakimə yersiz etiraza görə sarı vərəqə ilə cəzalandırılıb. Ağayev bundan iki dəqiqə sonra vaxtı uzatdığı üçün ikinci dəfə xəbərdarlıq alıb və referi tərəfindən meydandan qovulmuşdu. Kamran intizamsızlığa görə komandanın baş məşqçisi Duşan Uhrinin "qara siyahı"sına düşüb. Çexiya mətbuatı baş məşqçinin Kamran Ağayevi əfv etməyəcəyini qeyd edib. Yeni şans verilməsi çətin görünən qolkiperin Azərbaycana gələcəyi gözlənilir. Ağayevin "Mlada"dan ayrılaraq Topaz Premyer Liqasında çıxış edən "Keşlə"yə keçəcəyi variantlar arasındadır. 31 yaşlı qapıçı yay transfer dönəmində "Boavista"dan ayrılaraq "Mlada"ya keçmişdi. Onun Çexiya klubu  ilə müqaviləsi mövsümün sonunda başa çatır.

ŞƏRH YAZ
0

Məsut Özil Almaniya komandasından ayrıldı — “İrqçilik edirlər”

Məsut Özil Almaniya komandasından ayrıldı
23:32
22.07.2018
293
İdman
A
Türk əsilli Almaniya futboçusu Məsut Özil ölkənin milli futbol komandası ilə yollarını ayırıb.

“Ölkə.Az” Türkiyə mətbuatına istinadən xəbər verir ki, o, buna səbəb kimi özünə qarşı irqçi və hörmətsiz münasibətin olduğunu deyib.

Məsələ ilə bağlı açıqlama verən Özil bunları deyib: “Almaniya üçün etdiklərim unuduldu. Mənə qarşı olan münasibəti, türklüyümə sayqı göstərməmələri səbr kasamı dolduran son damla oldu. İrqçiliyi qəbul edə bilmərəm. Artıq Almaniya millisində oynamaq istəmirəm”.

Ölkə.Az

 

ŞƏRH YAZ
0

Azərbaycan cüdoçusu Praqada gümüş medal qazandı

Azərbaycan cüdoçusu Praqada gümüş medal qazandı
20:46
22.07.2018
508
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışına yekun vurulub.

"Ölkə.Az" Azərbaycan Cüdo Federasiyasına istinadən xəbər verir ki, mötəbər turnirin ikinci günündə millimiz aktivinə daha bir medal yazdırıb.

81 kq çəki dərəcəsində ölkəmizi təmsil edən Murad Fətiyev yalnız final qarşılaşmasında üstünlüyü əldən verərək Avropa Kubokunun gümüş medalına sahib olub.

Bununla da, cüdoçlarımız yarışı 2 qızıl, 3 gümüş və 4 bürünc medalla başa vuraraq ümumi medal sayında ikinci olublar.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunub.

Ölkə.Az

ŞƏRH YAZ
0
BAĞLA