Kamran Bayramov Daşkəsən kəndlərində seçicilərlə görüşüb

 “Ölkə.Az” xəbər verir ki, K.Bayramov  seçicilərlə görüşünü Daşkəsənin Aşağı Daşkəsən, Quşçu, Abbaslı, Mehrili kəndlərində keçirib.
K.Bayramov bu kəndlərdə həm geniş kütlə, həm də  qapı-qapı gəzərək seçicilərlə görüşərək, onların problemləri, istəkləri, yaşam tərzləri ilə yaxından tanış olub.
Bir sıra seçicilərin evində qonaq olaraq onlarla çay süfrəsi arxasında söhbətlərini davam etdirib.

Görüşlər zamanı deputatlığa namizəd gördüyü işlər və  növbəti mərhələdə hansı işləri görəcəsi ilə bağlı seçiciləri məlumatlandırıb. K.Bayramov eyni zamanda seçiciləri narahat edən məsələləri dinləyib. Seçicilər fevralın 9-da növbəti mərhələdə yenidən ona etimad göstərəcəklərini bildiriblər. Seçicilər onun ötən müddətdə gördüyü işlərdən razılığını dilə gətiriblər.

Ölkə.Az