Kamran Həsənli: \"Nə o vaxt, nə indi Rəmişin ifasını başa düşməmişəm\"

"Ölkə.Az"-ın məlumatına görə, aparıcı efirdə bu kimi qalmaqalların yolverilməz olduğunu dilə gətirib. Həsənli bildirib ki, heç vaxt Rəmişin ifasını başa düşməyib:

"Rəmiş təcrübəli sənətkardı. Ona təcrübəli sənətkar deyək. Verilişimizdə qonaq olanda da dedim ki, nə o vaxt, nə indi Rəmişin ifasını anlamamışam. Amma insanlar arasında çox populyar, sevilən sənətkardı. Bir çox müğənnilər haqda kəskin sözlər demişdi. Bura dəvət etdik ki, qardaş, orada deyirsiniz, cəmiyyətdə çat əmələ gəlir. Canlı efirə gəlin, məsələni çözək, bitsin. Çünki sosial şəbəkədə deyilənlər qeybəti xatırladır. Rəmişi də, həmin ifaçıları da çağırdıq, amma bir şey deyilmədi".

Qeyd edək ki, Mətanət Əsədovanın Rəmiş barəsində işlətdiyi "antikvar" ifadəsi tərəflər arasında söz atışmasına səbəb olub.

İntiqam VALEHOĞLU
Ölkə.Az