Kanada baş naziri seçicilərlə görüşə zirehli jiletlə gedib
"Ölkə.Az" musavat.com-a istinadən xəbər verir ki, bu barədə "CBC News" kanalı məlumat yayıb.
Gələn informasiyalara əsasən, Kanada lideri Ontario ştatının Missiqoqa şəhərində minlərlə tərəfdarının önündə çıxış edib. Lakin onun gəlişi planlaşdırılan vaxtdan 90 dəqiqə gecikmə ilə baş tutub.
Mitinq zamanı mühafizəçilərin birdən-birə artması və onların həyəcanlı hərəkətləri diqqəti cəlb edib.
Bundan başqa Castin Trüdonun nitqi zamanı onun ətrafını "ağır bel çantaları" ilə cangüdənlər sarıb.
Kanada baş nazirini tərəfdarlarına həyat yoldaşı Sofi Qrequar-Trüdo təqdim etməli imiş. Lakin ölkənin birinci xanımı ümumiyyətlə görüşə gəlməyib.
Hər halda mitinq insidentsiz keçib. Liberal partiyanın nümayəndələri isə israrla baş verənləri şərh etməkdən boyun qaçırıblar.
Yerli mətbuat təhlükəsizlik tədbirlərinin gücləndirilməsini ölkədə son dövrlərdə zorakılıq hallarının artması ilə izah edib.
Ölkə.Az
