Kanada gölündə müəmmalı bədheybət göründü

 “Ölkə.Az” xəbər verir ki, bu gölü Lox-Nessi gölü ilə bənzədirlər. Deyilənlərə görə, bu göldə də bədheybət yaşayır.

Qeyd edək ki, göldə bədheybətin yaşaması barədə çox əvvəldən məlumat var, amma Nessi bədheybəti kimi məşhurlaşmayıb.

Bu ayın əvvəlində Britaniya Kolumbiyasının sakini Cim la Rokk göldə çəkiliş aparıb. Video çarxda hansısa iri göl heyvanının yaratdığı dalğalar görünür.

Mütəxəssislər bildirir ki, bu heyvanın uzunluğu ən azı 5-6 metrdir. Cimin oğlu isə bu zaman qayıqda olub və bədheybətin qara üzgəclərini görüb.

Mütəxəssis Bill Stesyuk bildirir ki, video şübhəlidir. Birincisi, kadrlar keyfiyyətli deyil. İkincisi Oqopoqo adlı bədheybət Okanaqan gölündə yaşayır, kadrlar Skaxedə lentə alınıb. Oqopoqo Okanaqadan bu gölə keçmək üçün çox təhlükəli və dar axınlardan keçməlidir.

Bəzi tədqiqatçılar isə bildirir ki, bu tip bədheybətlər dünyamıza paralel aləmlərdən gəlirlər. Buna görə də Oqopoqonun qonşu göldə peydə olması adi haldır.

Hikmət Həsənov
Ölkə.Az