Kanada və Danimarka arasında ada uğrunda — VİSKİ MÜHARİBƏSİ

Kanada və Danimarka arasında ada uğrunda
13:48
14.11.2017
1354
Dünya
A
Artıq uzun illərdir ki, Kanada və Danimarka arasında Hansa adası uğrunda müharibə gedir.

 "Ölkə.Az" xəbər verir ki, ada Kanadanın Nunavut əyaləti ilə Danimarkanın Qrenlandiya adası arasındakı Kennedi boğazında yerləşir. Ada boğazın tam ortasında yerləşir və bu səbəbdən hər iki ölkə onu öz ərazisi sayır. Amma adanın ərazisi cəmi 1.3 kv.kilometrdir və iqlimi sərtdir. 

Ada uğrunda iki dövlət arasında qeyri-adi müharibə edir. Bu müharibə viski müharibəsi adlanır. 1973-cü ildə Danimarka və Kanada öz aralarında dəniz sərhədi barədə razılaşma əldə edirlər. Hansa adası ilə bağlı kiçik problemlər ortaya çıxsa da, hər iki dövlət məsələnin prinsipal olmadığına qərar veriblər və son qərarı müəyyən vaxtdan sonra qəbul etmək barədə razılığa gəliblər. 10 il bu problemə heç kəs fikir vermədi. Amma Danimarkanın Qrenlandiya məsələləri üzrə naziri alova yağ tökdü.

Nazir 1984-cü ildə adaya səfər etdi və bir şüşə şnaps içkisini, "Danimarkaya xoş gəldiniz!" yazısı saxladı. Kanada tərəfi də cavabı gecikdirmədi. Tezliklə Qansa adasında Kanada bayrağı və viski şüşəsi peyda oldu. Eyni zamanda "Kanadaya xoş gəldiniz!" yazısı da bu cavab tədbirinə əlavə edildi.

O vaxtdan etibarən iki dövlət arasında bu, ənənə halını aldı. Bir neçə aydan bir mübahisəli adaya səfər edilir, qarşı tərəfin bayrağı çıxarılır, spirtli içki trofey kimi götürülür, öz bayrağı qaldırılır və başqa içki şüşəsi qoyulur. Bununla yanaşı ölkələr məsələni silahlı toqquşmaya qədər inkişaf etdirməyəcəklərini bildirirlər. Amma nə Danimarka, nə də Kanada adanı güzəştə getmək niyyətində deyil. Çünki son illər yayılan xəbərə görə bu ərazidə böyük neft və qaz yataqları var.

Kanada hökuməti bu yaxınlarda adanı iki bərabər hissəyə bölməyi təklif edib. Hazırda hər iki dövlət qərarın uyğun olduğunu düşünür.

Amma tarixə baxsaq, adaya ilk dəfə XIX əsrdə danimarkalılar gəliblər. Bundan başqa ada danimarkalı qütb tədqiqatçısı Hansa Hendrikin şərəfinə adlandırılıb. Hendrik adanı 1871-1873-cü illərdə tədqiq edib. 1876-cı ildən isə sənədlərdə Hansa adasının adı çəkilir.

Hikmət Həsənov
Ölkə.Az

ŞƏRH YAZ
0

İsveçdə 66 ilin ən isti yayı — Müsəlmanlar yağmur duası etdi

İsveçdə 66 ilin ən isti yayı
23:59
22.07.2018
376
Dünya
A
İsveçdə müsəlmanlar meşə yanğınlarının qarşısını almaq üçün yağmur duası edib.

“Ölkə.Az” xəbər verir ki, müsəlmanlar Stokholmda Tensta adlanan ərazidə toplanıb. Onlar ölkədə 40 yerdə davam edən meşə yanğınlarının qarşısının alınması üçün yağmur namazı qılıb. 

Namaza qatılan isveçli alim İohann Abhdulla Klominek İsveçdə 4 aydır, yağış yağmadığını, bunun üçün duaya çıxdığını deyib. O, ölkədə anormal quraqlıq olduğunu da əlavə edib. 

Sinoptiklər ölkədə son 66 ilin ən isti yayının müşahidə edildiyini açıqlayıb.

Ölkə.Az

 

ŞƏRH YAZ
0

İranda növbəti zəlzələ — 800 bina dağıldı, 287 yaralı var + YENİLƏNİB

İranda növbəti zəlzələ
23:45
22.07.2018
1233
Dünya
A
İranın qərbində Kermanşah vilayətində 5.9 bal gücündə baş verən zəlzələ nəticəsində xəsarət alanların sayı 287 nəfərə çatıb.

"Ölkə.Az" xəbər verir ki, zəlzələdən 43 kəndə ziyan dəyib, 101 bina isə tamamilə dağılıb.

Vilayətin şəhər və kəndlərində 800-dən çox binanın qismən dağıldığı bildirilir.

Hazırda təmir işləri aparılır.

***

İranda baş verən zəlzələ zamanı xəsarət alanların sayı 146 nəfərə çatıb.

"Ölkə.Az" xəbər verir ki, zəlzələ zamanı xəsarət alanlardan 21-i xəstəxanalara yerləşdirilib. 

***

İranda bu gün ərzində növbəti dəfə zəlzələ baş verib.

"Ölkə.Az" xəbər verir ki, İranın qərbindəki Kirmanşah əyalətində qeydə alınan zəlzələ 5,9 bal gücündə olub. 

Zəlzələ nəticəsində 128 nəfər xəsarət alıb. 

Ölkə.Az

ŞƏRH YAZ
1
BAĞLA