Kapitan və daha iki futbolçu oynamayacaq — Millimizdə ciddi itkilər

Kapitan və daha iki futbolçu oynamayacaq
16:31
10.09.2019
2027
İdman
A
Futbol millimiz ciddi itki ilə üzləşib.

"Ölkə.Az" oxu.az-a istinadən xəbər verir ki, millimizin üç aparıcı futbolçusu cəzalı duruma düşüb.

Bunlar sol cinah müdafiəçimiz Anton Krivotsyuk, mərkəz yarımmüdafiəçimiz Dmitri Nəzərov və məcburiyyətdən müdafiənin mərkəzində oynadılan kapitanımız Maksim Medvedevdir.

Hər üç futbolçu dünən Xorvatiya ilə 1:1 başa çatan oyunun ikinci hissəsində sarı vərəqə alıb. Bu, onların üçüncü sarı vərəqəsi olduğundan, hər üç futbolçu oktyabrın 13-də Budapeştin "Qrupama Arena"sında keçiriləcək Macarıstanla seçmə oyunu buraxacaq.

Həmin səfər matçında millimizin kapitanının kim olacağı da sual doğurur. Belə ki, digər kapitanlar Qara Qarayev, Bədəvi Hüseynov və Cavid Hüseynovdur. Hələ həmin matçda kapitanın kim olacağı müəyyənləşməsə də, bunun Qara Qarayev olacağı daha inandırıcıdır.

Ölkə.Az

ŞƏRH YAZ
0

Leyla Əliyeva polo yarışını izlədi — FOTOLAR

Leyla Əliyeva polo yarışını izlədi
23:22
15.09.2019
1694
İdman
A
Sentyabrın 15-də Azərbaycan Respublikası Atçılıq Federasiyasının (ARAF) təşkilatçılığı ilə Bakıda baş tutan 7-ci arena polo üzrə dünya kubokunun final görüşü keçirilib.

“Ölkə.Az” Azərtac-a istinadən xəbər verir ki, final görüşünə Heydər Əliyev Fondunun vitse-prezidenti Leyla Əliyeva, Azərbaycan Respublikası Atçılıq Federasiyasının prezidenti Elçin Quliyev, Milli Olimpiya Komitəsinin Baş katibinin müavini, Azərbaycan Ağır Atletika Federasiyasının vitse-prezidenti Azər Əliyev, Dünya Polo Federasiyasının prezidenti Reto Qaudenzi və digər qonaqlar baxıblar.

Turnirin həlledici görüşündə “Elite Horse & Polo Club Baku” (Azərbaycan) və “Los Nocheros Polo Club Münster” qarşılaşıblar. Bu dəfə də yüksək ustalıq nümayiş etdirən komandamız final görüşündən qalib ayrılıb - 15:4. Komandamızın heyətində Elçin Camallı (9), Tərlan Qurbanəliyev (4), Rəşad Həsənov və Namiq Orucov fərqləniblər.

Almaniyanın “Los Nocheros Polo Club Münster” ikinci, İsveçrənin “Evviva Polo Club St. Moritz” üçüncü, Rusiyanın “Planernaya Polo Club Moscow” komandası isə dördüncü yeri tutub.

Daha sonra dünya kubokunun qalibi olan komandamız mükafatlandırılıb. Azərbaycan Respublikası Atçılıq Federasiyasının prezidenti Elçin Quliyev qalib olan komandamıza turnirin kubokunu və qiymətli hədiyyələr təqdim edib. Turnirin ən yaxşı oyunçusu komandamızın poloçusu Elçin Camallı seçilib.

Turnirin bütün oyunları “Elite Horse and Polo Club”da yerləşən meydançada keçirilib.

Qeyd edək ki, gələn il sentyabrın 10-dan 20-dək 8 komandanın iştirak edəcəyi polo üzrə Avropa çempionatı da Azərbaycanda təşkil olunacaq.

Ölkə.Az

ŞƏRH YAZ
0

“Qarabağ” “Neftçi”ni məğlub etdi

“Qarabağ” “Neftçi”ni məğlub etdi
22:52
15.09.2019
1132
İdman
A
Bu gün Azərbaycan Premyer Liqasında 4-cü tura yekun vurulub.

“Ölkə.Az” xəbər verir ki, turun son matçında "Qarabağ" əzəli rəqibi "Neftçi" ilə qarşılaşıb.

Oyun “Qarabağ”ın 2:0 hesablı qələbəsi ilə başa çatıb.

"Qarabağ" bu qələbə ilə xalını 12-ə çatdırıb və vahid liderliyini qoruyub.

20:30. “Qarabağ” - “Neftçi” - 2:0

Qol: Mahir Emreli, 31, Abdullah Zubir, 69

Ölkə.Az

ŞƏRH YAZ
0
BAĞLA