KORONAVİRUSA YOLUXANLARIN SAYI - CANLI STATİSTİKA

Karantin yumşaldıqdan sonra Avropa — FOTO

Karantin yumşaldıqdan sonra Avropa
21:52
19.05.2020
2287
Dünya
A
Maydan etibarən Avropanın bir çox ölkələrində koronavirus pandemiyası ilə əlaqədar tətbiq edilən məhdudiyyətlər yumşaldılıb.

"Ölkə.Az" qafqazinfo-ya istinadən qadağaların ləğvindən sonra ölkələrdəki son mənzərəni təqdim edir:

Koronavirusdan ən çox ziyan çəkən ölkələrdən olan İtaliyada barlar və restoranlar, mağazalar açılıb. Ofisiantlar və satıcılar sosial məsafəni gözləməli, maska və əlcək taxmalıdırlar. İtaliyada gözəllik salonları və mağazalar da açılıb. İyunun 3-dən etibarən isə ölkə daxilində sərbəst hərəkətə icazə veriləcək.

Çexiyada ümumi sahəsi 2,5 min kvadrat metr olan mağazaların fəaliyyətinin bərpasına icazə verilib. Bundan başqa, botanika bağları, fitnes-mərkəzlər, avtomobil məktəbləri açılıb. İnsanlara 10 nəfərdən çox olmamaq şərti ilə, qrup halında toplaşmağa icazə verilib.

Mayın əvvəlindən Portuqaliyada kitab mağazaları, kitabxanalar və arxivlər fəaliyyətə başlayıb. Mayın 18-dən etibarən isə tədricən kafe və restoranlar, muzey və sərgi salonları açılıb. Kinoteatrlar, teatr və konsert zalları iyunun 1-dən açılacaq.

Vatikanda Müqəddət Pyotr kilsəsi qapılarını ziyarətçilərə açıb.

Yunanıstanda anomal istilər səbəbindən çimərliklərə getməyə icazə verilib. İnsanlardan sosial məsafəni gözləmək xahiş edilib.

Almaniyada isə futbol üzrə çempionat bərpa edilib. Matçlar azarkeşsiz keçirilir.

Fransa vətəndaşları mayın 11-dən etibarən xüsusi icazə olmadan küçəyə çıxa bilərlər. Həmçinin, yaşayış yerindən 100 kilometr məsafədə yerləşən məkanlara getməyə icazə verilir.

Belçika məktəbliləri karantindən sonra təhsilə davam edirlər. Şagird və müəllimlərə sosial məsafə saxlamaq tapşırılıb.

Macarıstanın paytaxtı Budapeştdə də artıq karantin qaydalarının yumşaldılması mərhələsi başlayıb. Ölkənin qalan şəhərlərində məhdudiyyətlər iki həftə müddətində aradan qaldırılacaq.

ŞƏRH YAZ
0

Dünyada 1 gündə 113 min nəfər koronavirusa yoluxub

Dünyada 1 gündə 113 min nəfər koronavirusa yoluxub
03:50
Bu gün
118
Dünya
A
Dünyada COVID-19-a yoluxanların ümumi sayı 6,2 milyona çatır.

"Ölkə.Az" report-a istinadən xəbər verir ki, bu barədə Ümumdünya Səhiyyə Təşkilatı (ÜST) bildirib.

ÜST-ün məlumatına görə, son bir gündə ayrı-ayrı ölkələrdə COVID-19-a yoluxanların sayı 100 mindən çox artıb.

Eyni zamanda 376 mindən çox insan təhlükəli virusdan ölüb.

Son sutkada COVID-19-a 113 198 yeni yoluxma qeydə alınıb, 4 242 pasiyent ölüb. Beləliklə, dünyada virusa yoluxma ilə bağlı aşkar edilmiş halların ümumi sayı 6 194 533, ölüm hallarının sayı 376 320 təşkil edir.

Dünyada təhlükəli virusa ən çox yoluxma Şimali və Cənubi Amerikada qeydə alınıb. Bu qitədə 2 905 432 insan təhlükəli virusa yoluxub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Ölkə.Az

ŞƏRH YAZ
0

Avropadan Ermənistana ŞOK — QADAĞAN EDİLDİ

Avropadan Ermənistana ŞOK
01:21
Bu gün
415
Dünya
A
Ermənistan aviaşirkətlərinə Avropa İttifaqı (Aİ) ərazisinə uçuşlar etmək qadağan edilib.

"Ölkə.Az"ın Trend-ə istinadən verdiyi məlumata görə, bu barədə Aİ-nin rəsmi saytında deyilir.

İyunun 2-si Avropa Komissiyası Aİ-nin təhlükəsiz uçuşlar siyahısını, beynəlxalq təhlükəsizlik standartlarına uyğun olmadığına görə Avropa İttifaqında fəaliyyəti qadağan olunan və ya məhdudlaşdırılan aviaşirkətlərin siyahısını yeniləyib. Ermənistanda sertifikatlaşdırılmış bütün aviaşirkətlər ölkənin təhlükəsizliyin təmin edilməsi üzrə imkanları qiymətləndirildikdən sonra siyahıya əlavə edilib.

Bildirilir ki, siyahıya "Aircompany Armenia", "Armenia Airways", "Armenian Helicopters", "Atlantis Armenian Airlines", "Atlantis European Airways", "Mars Avia" və "Skyball" əlavə edilib.

Məlumata əsasən, Avropa İttifaqı ərazisinə ümumilikdə müxtəlif ölkələrin 96 aviaşirkəti üçün uçuşlar qadağan edilib.

Ölkə.Az

ŞƏRH YAZ
0
BAĞLA