Karl Marks haqqında

"Ölkə.Az" bu gün oxucularına Karl Marks haqqında maraqlı faktlar çatdıracaq.

Karl Marks 1818-ci ildə Almaniyanın Trir şəhərində dünyaya gəlib.

Onun atası Henrix Marks milliyətcə yəhudidir və hüquqşünas işləyib. Sonradan Henrix lütterançılıq cərəyanına qoşulub.

Karldan başqa ailədə 6 uşaq olub. Onların hamısının həyatı faciə ilə başa çatıb: dördü kiçik yaşlarda vəfat edib, ikisi isə özünə qəsd edib.

Təkcə Karl Marks böyüyüb başa çatıb.

1848-1849-cu illərdə Avropada inqilab müharibəsi tüğyan edirdi.

Gənc filosof Almaniya, Fransa, Belçikada persona non-qrata idi. Bu səbəbdən Karl ailəsi ilə birlikdə Londona köçür və 1883-cü ilə, yəni ölümünə qədər burada yaşayır.

Karl Marks Fridrix Engels ilə 1844-cü ildə tanış olub. Məhz kifayət qədər imkanlı şəxs olan Engels həmkarına kitab nəşr etməyə kömək edə bilərdi.

Marksın "Kapital" əsəri 1867-ci ildə işıq üzü görüb. Əsər bu günə qədər də populyarlığını qoruyub saxlayıb.

Kitabın ilk xarici versiyası rus dilinə edilən tərcümə sayılır. Bu XIX əsrin 70-ci illərində baş verib.

Marks 1883-cü ildə Londonda dünyasını dəyişib və Haytqeyt qəbiristanlığında dəfn edilib.

Deyilənə görə, ölümündən bir müddət əvvəl xidmətçisi ondan varislərinə müdrik bir məsləhət verməyi xahiş edib. Marks cavab verib: "Son  söz həyatda az söz deməyi bacaran axmaqlar üçündür.

Marks ölümündən sonra övladlarına çoxsaylı borc miras qoyub.

Hikmət Həsənov
Ölkə.Az